Барвін

Асноўны артыкул: Імёны ліцьвінаў

Імя Барвін або Борвін (Barwin, Borwin) можа мець як славянскае, так і германскае (гоцкае) паходжаньне. Іменная аснова -бар- (-бор-) (імёны ліцьвінаў Барыла, Барвід, Вісбар; германскія імёны Barilo, Barvid, Wisbar) паходзіць ад гоцкага bara, baur 'чалавек, дзіця' (літаральна — «народжаны»), а аснова -він- (імёны ліцьвінаў Бутвін, Монтвін, Радавін; германскія імёны Butwin, Mondawin, Radowin) — ад гоцкага wins 'сябар'.

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Berwin.

Варыянты імя ў гістарычных крыніцах: Barwin von Wentlande (Старэйшая рыфмаваная хроніка); на томъ перевозе Барвинскомъ (27 красавіка 1533 году); Янъ Мартиновичъ Барвинъ (1567 год); Илия Барвиненко (1649 год).

• Генрых Борвін I († 1227) — князь Мэкленбургу, унук апошняга незалежнага князя бодрычаў Ніклота
• Генрых Борвін II (1170—1226) — князь Мэкленбургу
• Генрых Борвін III (каля 1220 — па 1279) — князь Мэкленбургу
• Ян Марцінавіч Барвін — баярын Мельніцкага павету Падляскага ваяводзтва, які ўпамінаецца ў попісе войска Вялікага Княства Літоўскага 1567 году

На 1905 год існавала ўрочышча Барвін у Беластоцкім павеце Гарадзенскай губэрні.

На гістарычнай Віцебшчыне існуе вёска Барвін, у гістарычнай Прусіі — Барвіны.

• Бара
• Віна