Блі́зкі Ўсход (па-арабску: الشرق الأوسط, па-габрэйску: המזרח התיכון) — назва, якая выкарыстоўваецца для абазначэньня геаграфічнага абшару на стыку трох кантынэнтаў: Эўропы, Азіі і Афрыкі.
Часам для абазначэньня прыблізна таго ж рэгіёну вызначаецца назва «Сярэдні Ўсход». Так гучыць назва рэгіёну па-арабску — الشرق الأوسط, пэрсыдзку — «khovar-e miyane», ангельску «Middle East», нямецку «Mittlerer Osten».
Блізкі Ўсход уключае краіны паўднёва-заходняй Азіі і паўночна-ўсходняй Афрыкі. Краіны, якія складаюць Блізкі Ўсход:
Плошча складае каля 9,7 млн км² з насельніцтвам больш за 300 млн чалавек (1995).
Гэты рэгіён — калыска вялікіх старажытных цывілізацыяў (Мэсапатамія, старажытны Эгіпет, Іран), і трох сусьветных рэлігіяў (юдаізм, хрысьціянства, іслам). Доўгі час Блізкі Ўсход быў цэнтрам старажытнага сьвету.
Большую частку насельніцтва Блізкага Ўсходу складае арабскамоўная супольнасьць, а большасьць яго насельнікаў складаюць мусульмане. Апрача арабскага сьвету да рэгіёну належыць неарабскія Турэччына і Іран.
Гэты рэгіён быў і працягвае быць палітычна нестабільным. Да войнаў, якія адбыліся ў рэгіёне, можна аднесьці: араба-ізраільскія войны, ірана-ірацкая вайна і войны ў Пэрсыдзкай затоцы.
Блізкі Ўсход — гэта вельмі важны рэгіён для сусьветнай эканомікі, тут канцэнтруецца значнай частка сусьветнай здабычы нафты. Таксама тут перакрыжоўваюцца важныя міжнародныя лініі камунікацыі (лётныя і марскія (Суэцкі канал)).
Абазначэньні Блізкі, Сярэдні і Далёкі Ўсход гэта тыповыя прыклады этнацэнтрычных назваў, а ў гэтым выпадку эўропацэнтрычных, ці кропка гледжаньня эўрапейцаў на ўсходнія цывілізацыі.
Блізкі Ўсход — сховішча мультымэдыйных матэрыялаў
This article uses material from the Wikipedia Беларуская (тарашкевіца) article Блізкі Ўсход, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.