Кувэйт

Мяжуе з Іракам (242 км), і Саудаўскай Арабіяй (222 км) — агульная працягласьць мяжы 963 км, зь іх 499 па моры. Адзін з асноўных экспартэраў нафты ў сьвеце, удзельнік ОПЭК.

Кувэйт دولة الكويت Dawlat al-Kuwayt
Сьцяг Герб
Дзяржаўны гімн: «Ан-Нашыд аль-Ватані»
Афіцыйная мова	арабская
Сталіца	Кувэйт
Найбуйнейшы горад	Кувэйт
Форма кіраваньня эмір прэм’ер-міністар	канстытуцыйная манархія Наваф I Джабэр аль-Мубарак аль-Хамад ас-Сабах
Плошча  • агульная  • адсотак вады	157-е месца ў сьвеце 17 818 км² нязначны
Насельніцтва  • агульнае (2006)  • шчыльнасьць	137-е месца ў сьвеце 2 889 042 167,5/км²
СУП  • агульны (2009)  • на душу насельніцтва	71 месца ў сьвеце $137,450 млрд $38 875
Валюта	Кувэйцкі дынар (KWD)
Часавы пас	AST (UTC+3)
Незалежнасьць ад Вялікабрытаніі	19 чэрвеня 1961
Аўтамабільны знак	KWT
Дамэн верхняга ўзроўню	.kw
Тэлефонны код	+965

Кувэйт падзяляецца на 6 правінцыяў (махафаза), якія ў сваю чаргу дзеляцца на раёны. Сьпіс правінцыяў наступны:

• Эль-Ахмаді
• Эль-Фарванія
• Эль-Асіма
• Эль-Джахра
• Хавалі
• Мубарак аль-Кабір

Асноўныя гарады — Кувэйт (сталіца) і Джахра (прыгарад Кувэйту). Жылыя кварталы і бізнэс-раёны разьмяшчаюцца ў Сальме і Хавалі. Прамысловасьць сабраная ў асноўным у Эль-Асіме. Рэзыдэнцыя эміра знаходзіцца ў Баяне — прыгарадзе сталіцы.

Прамысловасьць

Аснову эканомікі краіны складае здабыча нафты. Кувэйт — адзін з асноўных пастаўшчыкоў нафты. Разьвіцьцё атрымалі нафтапераапрацоўка і нафтахімія. Здабыча нафты забясьпечвае 50% СУП краіны, яе доля ў экспарце складае 90%. Сярэднегадавыя аб’ёмы здабычы нафты складаюць 100 млн тонаў. Пад час вайны з Іракам эканоміка Кувэйту значна страціла з-за таго, што ірацкія войскі ажыцьцявілі выкід значнай колькасьці нафты ў Пэрсыдзкую затоку. Таксама разьвітыя вытворчасьць будаўнічых матэрыялаў, угнаеньняў, харчовая прамысловасьць. Разьвіваецца апрасьненьне марской вады, па якім Кувэйт зьяўляецца лідэрам. Угнаеньні складаюць важную частку экспарту краіны. Таксама разьвітая здабыча жэмчугу.

Энэргетыка Кувэйту заснаваная на нафце. Гадавая выпрацоўка энэргіі складае 31,5 млрд кВт·г.

Сельская гаспадарка

Большая частка тэрыторыі Кувэйту — гэта пустэльні, што стрымлівае разьвіцьцё сельскай гаспадаркі. Для апрацоўкі прыгодна толькі каля 1% тэрыторыі. Разьвіцьцё атрымала толькі жывёлагадоўля, якая да адкрыцьця нафтавых радовішчаў была асноўным заняткам мясцовых жыхароў.

Насельніцтва краіны складае прыкладна 2,33 млн чалавек. Зь іх сапраўдныя арабы-кувэйтцы, якімі лічацца людзі, якія змогуць даказаць свае кувэйцкія генэалягічныя карані з 1920 году, складаюць толькі 45%. Астатнія жыхары — эмігранты зь іншых арабскіх краінаў (35%), Ірану, Пакістану і Індыі (14%), якія жывуць у краіне, але ня маюць кувэйцкага грамадзянства. Гарадзкое насельніцтва — 98% (самае высокае ў сьвеце).

  Кувэйт — сховішча мультымэдыйных матэрыялаў