Bliski wuchod je geografiske zapřijeće z europskeje perspektiwy za arabske kraje juhozapadneje Azije a Israel, mjez Srjedźnym, Čerwjenym a Arabskim morjom.
Wosebje region tak mjenowaneho „płódneho połměsačka“ a Arabska połkupa słušatej k Bliskemu wuchodej. Husto liča so nimo tež tež Turkowska, Cypernska, Egyptowska a Iran k tomu.
W stawiznach wobsahowaše zapřijeće cyły teritorij Osmaniskeho mócnarstwa zwonka Europy.
Porno Bliskemu wuchodej słušeja k Dalokemu wuchodej wuchodoaziske kraje kaž China a Japanska.
Bliski wuchod płaći na jednym boku z Mezopotamiskej a Egyptowskej jako najstarši kulturny region na swěće a jako jadrowy kraj třoch wulkich nabožinow – židowstwa, křesćanstwa a islama. Na tamnym boku so tam dla geostrategiskeho połoženja a wulkeho mnóstwa zemskich pokładow, předewšěm zemskeho wolija, přeco zaso wojuje.
K Bliskemu wuchodej we wuskim zmysle słušeja staty Bahrain, Irak, Israel, Jemen, Jordaniska, Katar, Kuwait, Libanon, Oman, Sawdi-Arabska, Syriska a Zjednoćene arabske emiraty.
This article uses material from the Wikipedia Hornjoserbsce article Bliski wuchod, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.