কুৰুলী ফেঁচা

 

কুৰুলী ফেঁচাৰ দেহটো থোপোকা। দৈৰ্ঘ্য প্ৰায় ২১ ছে:মি:। দেহৰ ওপৰৰ অংশ মটিয়া-মুগা বৰণৰ আৰু বগা ফুটুকীয়া দাগেৰে পৰিপূৰ্ণ। তলৰ অংশ বগা আৰু মটিয়া ৰঙৰ ফুটুকীয়া। ইয়াৰ চকুৰ মণিৰ বৰণ হালধীয়া। ইয়াৰ চকুৰ চেলাউৰি (supercilium) আৰু ডিঙিৰ পটা বগা ৰঙৰ। মতা আৰু মাইকী দেখিবলৈ একে হয়।

কুৰুলী ফেঁচাৰ পাঁচবিধ উপ-প্ৰজাতি বৰ্তমানলৈকে চিনাক্ত কৰা হৈছে-

• Athene albida (Koelz, 1950 )- পশ্চিম এছিয়াৰ ইৰাণ আৰু পাকিস্তান ত পোৱা যায়।
• "Ahene indica (Franklin, 1831) -উত্তৰ ভাৰত;
• Athene brama (Temminck, 1821)-দক্ষিণ ভাৰত;
• Athene ultra (Ripley, 1948)-উত্তৰ-পূব ভাৰতত দেখা যায়। আৰু
• Athene pulchra (Hume, 1873)- দক্ষিণ-পূব এছিয়াৰ ম্যানমাৰৰ পৰা থাইলেণ্ড পৰ্যন্ত বিস্তৃত।

 

কুৰুলী ফেঁচা সাধাৰণতে নিশাচৰ যদিও ইয়াক কেতিয়াবা দিনৰ ভাগতো দেখা পোৱা যায়। গছত জিৰণি লোৱা অৱস্থাত অন্য চৰা্য়ে ইয়াকজাক পাতি খেদা (mob) দেখা যায়। ইয়াৰ মাতটো তীক্ষ্ণ (harsh and loud)। ই প্ৰধানকৈ পুৱতি নিশা বা সূৰ্য্য অস্ত যোৱাৰ পিছত মাত মাতে।

খাদ্য

কুৰুলী ফেঁচাই সাধাৰণটে বিভিন্ন ধৰণৰ পোক-পতংগ আৰু সৰু আকাৰৰ মেৰুদণ্ডী প্ৰাণী চিকাৰ কৰি খায়। t মেৰুদণ্ডী প্ৰাণীৰ ভিতৰত নিগনি, বাদুলী, ভেকুলী, সৰু সাপ আদিয়ে প্ৰধান। তদুপৰি কেতিয়াবা ইহঁতে বৃশ্চিক তথা মলাস্কা আদিও আহাৰ হিচাপে গ্ৰহণ কৰে বুলি জনা যায়।

প্ৰজনন

কুৰুলী ফেঁচাই সাধাৰণতে নৱেম্বৰৰ পৰা এপ্ৰিল মাহত প্ৰজনন কৰে। ই গছৰ সুৰুঙা বা ওখ মথাউৰিত গাঁত খান্দিও বাহ সাজে। বাহটোত গছৰ পাত, গাৰ পাখি আদিৰে সাজে। এবাৰত ই সাধাৰণতে তিনিৰ পৰা চাৰিটাকৈ কণী পাৰে। পোৱালিক ই প্ৰথমে পোক-পতংগ, পইতাচোৰা আদি আৰু পিছলৈ সৰু প্ৰাণী যেনে নিগনি আদি খুৱায়। পোৱালিয়ে জন্মৰ ২০-২৮ দিনৰ ভিতৰত বাহ এৰে।

• Kumar,TS; Rao,JVR (1984). "Diurnal changes in the body temperature of nestling Spotted Owlet, Athene brama brama (T)". Geobios, Jodhpur খণ্ড 11 (5): 216–218. 
• Lamba,BS; Tyagi,AK (1976). "Incubation period in Northern Spotted Owlet, Athene brama indica (Franklin)". Newsl. Zool. Surv. India খণ্ড 2 (4): 128–129. 
• Suresh, Kumar T. (1980). The life-history of the Spotted Owlet (Athene brama brama Temminck) in Andhra Pradesh.. Raptor Research Centre, Hyderabad. Pub. No. 4.. 
• Mahmood-ul-Hassan, Muhammad; Beg, Mirza Azhar; Mushtaq-ul-Hassan, Muhammad; Rana, Shahnaz Ahmed (2007). "Nesting and Breeding Habits of the Spotted Owlet (Athene brama) in Punjab, Pakistan". Journal of Raptor Research খণ্ড 41 (1): 50–52. doi:10.3356/0892-1016(2007)41[50:NABHOT]2.0.CO; 2.