لباكتيرية (كلمة مدّاولة أصلها يوناني βακτηριον (باكتيريون)، بلمغريبية: عكيكيز (حرفية)، بلأمازيغية لمعيارية لمغريبية: ⵜⴰⴱⴰⵢⵕⴰⵔⵜ (تبايرارت)، بلعربية: بكتيريا) هيا واحد لخليقة حية ؤ وحدوخلوية و صغيوّرة (غادية من 1 حتال 10 ميكروميتر).
مقالة ؤلا فقرة خاصها تّقاد. هاد لمقالة ؤلا هاد لفقرة مرونة شوية، خاصّها تّقاد ؤ تزيد تّنضّم. مشاكيل: خاص لأسلوب ديالها يعاود يتقاد بشكل موسوعي ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط! |
هاد لكاين ميكروسكوپي وماكايتشافش بلعين لمجرّدة.
باكتيرية | ||
معلومات عامة | ||
سميتو لعيلمية | Bacteria (كارل ووز، 2024) 2024 | |
لخاصية د ترتاب | ضومين (بيولوجيا) | |
كاينتامي ل | حيويات | |
لعيشة | ||
عايش فلفترة | 3,500 مليون عام قبل لميلاد | |
معلومات خرين | ||
فعايلو | شلا مراضي و كايتسماو بعفاين باكتيريين (بحال مينانجيطة، طاعون، السل،نوّار ، التيفوس...) | |
موصوف ف هاد لمصادر | قاموس بروكهاوس وإفرون الموسوعي *قاموس بروكهاوس وإفرون الموسوعي الصغير *موسوعة ناتال *قاموس غرانات الموسوعي *المرجع الجديد للطلاب |
لباكتيرية عندها ميازي د لقبلوعلايف وكانعنيو بيهوم دوك لخلايق اللي ماعندهومش لعلفة ؤ اللي ناقصينهوم حتا التواشي لخلوية (بحال لميطوكوندريا، و الشبكة الداخلوپلازمية سوا لحرشة ولا لملسة). ضاهر باللي كاينين بعض لباكتيريات كايمرّضو بنادم ؤ كايديرو ليه مشاكل د ف صحتو وشي بعضين تاني لا، غي هو بعض لمرات راه لعفاين لباكتيرية تقدر تقتل - سيرتو للناس مالين مناعة على قد لحال.
لقراية عليهوم كاتسما باكتيريولوجيا، وهادي شقفة من صيونص واسعة سميتها ميكروبيولوجيا.
لباكتيريات معا هوما خلايق صغيوّرين (خلايق ميكروسكوپية) ماكانوش معروفين من واهلي، داكشي علاش سوقهوم ما تحلّو بيبانو حتال بدية دلقرن تمنطاش فاش أنطونيو فان لييوينهاويك لهولاندي (1632-1723) صاوب لميكروسكوپ لعدسي. ولايني فلقرن تسعطاش غاطّرا واحد لبلبالة عضيمة فهاد الضومين و ماليها هوما لويس پاستور و روبيرط كوخّ، اللول كشف علا لخدمة دلباكتيريات فالتخمار و فالتدواز دلمراضي، الجاوج كتاشف لعكيكيزة مولات السّل اللي تسمات باقي على سميتو "عكيكيزة ديال كوخّ" و لباكتيرية مولات بوݣليب.
بلبالة خرا ماكاتقلش قيمة علا ماقبل منها غاتنوض فلقرن عشرين وهيا لملاݣية دلۇنتيبيوتيك. دابا، حتال حدود لبدية دلقرن عشرين ماكان حتاشي دوا كايبرّي لمراضي اللي سبابها باكتيرية و ف 1903م پول هيرليش غادي يلقا دوا "طريپان روض" اللي كايتعتابر لۇنتيبيوتيك اللول كونطرموبرزيط(بلعربية: ضد الطفيليات). نفس لعاليم ست سنين منبعد غايضبّر عاوتاني علا واحد ل كونطرنوّاري (دوا ضد النوار) مجهد، هادشي كان غير لفتيلة اللولة واللي غاتزيد تزند ف1928م معا لمجية دليكسانضر فليمينݣ اللي دا شنعتو بلكشيف على لخدمة ديال واحد لفطريةدرويشة ملّݣنس دلپينيسيليوم فالنتجان ديال لپينيسيلين، هاد لكتيشاف غايتعاتبر "الربحة لعضيمة فالتاريخ ضد لمرضة" ويادلّي غايستاهل عليها لجايزة ديال نوبل.
بلاسف، لفرحة ماغاطّولش بزاف و لبشرية غادي تفيق علا موصيبة كبيرة اللي غاتهدد لكينونة ديالها واللي هيا لمقاومة لباكتيريّة. وبهاكا طبقات بلحرف لمتلة لمغريبية ديال "بوصولو بحصولو". دابا، معا لمساݣرة أولا لفعالية ديال هاد الدويان خلات لغاشي يخدمهوم كتر ملّقياس و بمانيرة معاودة و بسباب هادشي فعام 1942م غاتبان لمقاومة اللولة ضد لپينيسيلين نيت و مولاتها واحد لباكتيرية سميتها "ستافيلوكوكّوسة مدهّبة" يعني داك لپينيسيلين مابقا كايسوݣر والو ضد هاد لباكتيريات. ومن موراها غايبانو سناسل طوال من هاد لمقاومات.
فاش كانسمعو بميكروب عقلنا كايمشي نيشان لشي خلايق حيين بعايدهوم صغيرة بزاف ماكانشوفوهومش بعينينا و بلعقلاني ماغايتشافوش بشي حاجة خرا من غير بلميكروسكوپ لاحقاش طايتهوم ماكتفوتش 750 ميكروميط فالطولة. كانقشعو شلا فورمات عند هاد لخلايق، كاينين ݣنوسا دلباكتيريات مكوّرين كايتسماو بلكوكّوسة (طرجامة من Kôkkos بليونانية و كاتعني زرّيعة) شي ݣنوسا خرين مجبّدين عليهوم و عندهوم فورمة ديال عكيكّيزة (حيتاش طولتهوم فايتة عرضهوم، وهي طرجامة من اللاتينية هاد لخطرة: Bacilus ومعنيتها: عصا، زرواطة) بيدما شي بعضين عندهوم سيفة ديال بيضة ماهوما مكورين ؤ ماهوما مجبدين داكشي علاش سميتهوم "عكيكزوكوكوسة" ، فوق من هادشي (واخا بواحد لقد قليل) كاينين ݣنوسا خرين فورمتهوم دايرة كي الضّمة (كايكونو محنيين ؤ مبوقلين فلخر ديالهوم) بحال لباكتيرية مولات بوݣليب ويقدرو يتسماو "بوضمة"، شي وحدين خرين قامتهوم ملوية كايتسماو بالداريجة "بولوّاية" ؤ مزوارتهوم أولا لموهيمة فيهوم هيا مولانوار باكتير. هاد التنويعة فلفورمات سبابها هوا لمقادة ديال السيتوسكوليطة و لحيط لخلوي اللي عندها دور كبير فلعيشة دلباكتيرية.
ف لغالب لباكتيريات كايتجمعو معا بعضياتهوم فواحد لمة كاتسما ب لف (بالنݣليزية: colony وكاتعني مستعمارة)، وسميتها هكاك لاحقاش لباكتيريات كايدكسو فواحد لمجموعة و اللي فيها كايتشاركو معا بعضياتهوم فواحد طريقة دلمعيشة و زيد عليها تقدر تعاونهوم حتا ف لحماية و ف لمقاومة. جات السمية د اللف فالداريجة من ديك لمحالفة دلقبايل فلحرب ضد نفس لعدو ولا لنفس لموراد.
التدكاس دلباكتيريات ولا اللف لباكتيري عندو فورمات على حساب الطاسيلة دلباكتيرية، بالنسبة للكواكس الرايجة يقدرو يتجمعو فهاد الشكال:
كيما ياد تدكر فلفايت، لباكتيريات كايدخلو فلماركة د لقبلوعلوف هادشي كايعني باللي عندهوم لخصايص التاليين:
لمعرفة ديال الشوروط دلكبورية دلباكتيريا كاتنفع بزاف فزريعها، يعني واش هاد لباكتيرية غاتزرع فبلاصة عادية ولا فشي بلاصة فشكل:
كاينين شلا نواع و نقدرو نكلاصيوهوم على حساب السخونية لمخيّرة دلكبورية:
لقيمة لمزيانة دلقدرة لهيدروجينية دلبلاصة كاتكون مابين 0.5 و 10.5 (pH)، و معروف باللي لباكتيريات لمرّاضة ولا اللي مرتابطة بلبنادم كاتكون فلغالب سوا محايدة ولا قاعيدية شوية. ل"پسودوموناس" و "بوضمّة مول بوݣليب" كايبغيو لبلايص لقاعيدية.
كاينة واحد لحالة بوحدها ديال واحد لباكتيرية مرّاضة للمعدة و كادير واحد لمرضة سميتها لحريق دلمعدة و هاد لباكتيرية كاتصبر لتاحيماضيت دلمعدة ؤكاتسما بلهيليكوباكتير پيلوري.
حݣا، كاينين شي باكتيريات ملحوباغية كايحتاجو لملحة (NaCl) ضاروري باش يكبرو، و كاينين وحدين خرين كايتسماو بل ملحوهانية كايقبلو واحد التاكونصونطريت معتادلة دلملحة و يقدرو يكبرو بلا بيها كيف الستافيلوكوكوسة لمدهّبة.
لبلاصة د زريع مديورة من خيلوطة دلماواد لماكلية (حمايض أمينية، پيپتيدات،سكار...)
تقدر تزيد شوف بزاف د تّصاور و لمعلومات ديال Bacteria ف ويكيميديا كومنز. |
This article uses material from the Wikipedia داريجة article باكتيرية, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.