بنادم
لبشرية ؤلا لإنسانية ؤلا تابنادمية هيّا لمجموع د بنادم (ؤلا باشار ؤلا إنسان)، لّي هوما أفراد كينتاميو ل نّوع ديال لهوموساپيان، لّي هوّا النوع اللخراني لي باقي فوق لأرض ديال ݣنس لهومو ؤ أكتر نوع ف تّنضيمة د لّوليّات منتاشر فوق لأرض، ؤ تّعداد ديالو هوّا تقريبا 8 مليار فرد ل حد ليوم.
بنادم | ||
 | ||
| خصايصو | ||
| صوت لي كايدير | صوت الإنسان | |
| كاين منو | جسم الإنسان | |
| لخواص طبيعية | ||
| معلومات خرين | ||
| فعايلو | كائن اصطناعي | |
| موصوف ف هاد لمصادر | الموسوعة اليهودية لبروكهوس وإيفرون *الموسوعة الكتابية للأرشمندريت نيكيفور *قاموس غرانات الموسوعي *الموسوعة الكاثوليكية *قاموس بروكهاوس وإفرون الموسوعي *قاموس بروكهاوس وإفرون الموسوعي الصغير *الموسوعة البريطانية نسخة سنة 1911 *Collier's New Encyclopedia, 1921 *The Domestic Encyclopædia; Or, A Dictionary Of Facts, And Useful Knowledge *معجم التخاطب لماير | |
وخا لعولاما كيخدّمو لمصطلح د "بنادم" ؤلا "إنسان" على جميع لأنواع ديال ڭنس لهومو، تا دوك لي نقارضو، عملياً هاد الجوج كلمات كيتستعملو غير على لهوموساپيان لي كاين دابا. لهوموساپيان بان ب الشكل لحالي ديالو ف قارة إفريقيا هادي علاين 300.000 عام، و أقدم لأتار ديالو تّلقاو ل حد الساعة ف جبل إيغود ف لمغريب. مابين 160.000 و 60.000 عام قبل ليوم، بنادم بدا كيتصرف ب طرقان لي كاتبين تطور الدماغ و الدكا عندو، بحال لإنتاج ديال لفن و لأدوات ل أغراض مختالفة. التورة النيوليتية طرات هادي 13.000 تقريباً ف الجنوب لغربي د قارة أسيا (و بشكل مستاقل ف بلايص خرين بحال أمريكا الجنوبية)، و لي فيها طور بنادم الزراعة، و بدا كيبني تجمعات سكنية كبيرة و مدون و حضارات. بنادم قدر يدير بزاف د لإنجازات و يديڤلوپي مجموعة د لمفاهيم لي ماكاينينش ف الطبيعة، بحال الطيكنولوجيا، الصيونص، لفلسفة، الدين، لميطولوجيا و غيرهوم.
بنادم عندو قشرة قبل جبهية prefrontal cortex متطورة، لي كاتعطيه قدرات بحال اللوغة، لخيال، و لماخدة د لقرارات بشكل واعي، عكس لكائنات لخرة. هادشي خلاه يصنع أدوات طيكنولوجية متطورة، و يخدّم تفكير منطقي معقد، و يراكم لمعرفة على مدى أجيال، باش يبني حضارات.
لأصل د لكلمة
كلمة "بنادم" جات من لعربية بن آدم، يعني ولد آدم، لي هوّ أول بنادم بان فوق لأرض على حساب لمعتقد لإسلامي و لإبراهيمي بشكل عام. ف التخدام لعام، الصيغة النتوية د هاد لكلمة "بنادمة" قليل فاش كاتّستعمل، و غالباً كيكون عندها معنى قدحي (ديال السبّان). كيڭول لماتال لمغريبي "لي زرعتيه ينفعك من غير بنادم يلا زرعتيه يقلعك".
| مراحل د لحياة د بنادم | ||||
|---|---|---|---|---|
 | .jpg) | .jpg) |  |  |
 |  | .jpg) |  |  |
| وليّد ؤ بنيتة صغار | ولد ؤ بنت قبل لبولوغ | ولد ؤبنت مراهقين | راجل ؤ مرا بالغين | راجل ؤ مرا شارفين |
عيون لكلام
شوف تا
 | تقدر تزيد شوف بزاف د تّصاور و لمعلومات ديال People ف ويكيميديا كومنز. |
 هادي زريعة ديال مقالة خاصها تّوسع. تقدر تشارك ف لكتبة ديالها. |
This article uses material from the Wikipedia داريجة article بنادم, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.