Die Swart-Mfolozirivier (Swart-Umfolozirivier, Imfolozi emnyama) is 'n rivier in KwaZulu-Natal.
Swart-Mfolozirivier | |
---|---|
Stroomgebied | KwaZulu-Natal, Suid-Afrika |
Oorsprong | oos van Vryheid, KwaZulu-Natal |
Monding | samevloei in Mfolozirivier |
Oorsprong-hoogte | 1 500 m |
Monding-hoogte | 46 m |
Koördinate: 28°21′7.67″S 31°58′51.02″O / 28.3521306°S 31.9808389°O 31°58′51.02″O / 28.3521306°S 31.9808389°O |
Hierdie rivier ontspring op 'n hoogte van 1500 m bo seespieël, ongeveer 20 km oos van Vryheid by 27° 48′ 23″ suid en 31° 2′ 16″ oos.
Die rivier is opvallend kronkelrig en loop deur savanneveld, met lae bome en welige plantegroei. Op die suidoostelike hoek van die Hluhluwe-iMfolozipark sluit dit by die Wit-Mfolozirivier aan om die Mfolozirivier te vorm. Die Mbhekamuzi- Thake-, Sikwebezi- en die Vunariviere is die grootstes van 'n groot aantal sytakke.
Die Thangami-warmbron is suidoos van die dorpie Swart-Umfolozi en wes van die dorpie KwaCeza, op die noordelike oewer geleë.
Umfolozi is 'n Zoeloe-woord met die betekenis “die dwalende een”. Dit verwys na die baie kronkels in die rivier. Waarskynlik het die opvallende hoeveelheid donker klippe in die rivierbedding tot die voorvoegsel swart aanleiding gegee.
This article uses material from the Wikipedia Afrikaans article Swart-Mfolozirivier, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.