Suidelike Kroon: Sterrebeeld
Die Suidelike Kroon (Latyn: Corona Australis) is ’n klein sterrebeeld in die suidelike hemelruim.
Dit is een van die 48 konstellasies wat deur die 2de-eeuse sterrekundige Ptolemeus beskryf is en is steeds een van die 88 moderne sterrebeelde.
| Suidelike Kroon | ||||
 | ||||
| Latynse naam | Corona Australis | |||
| Genitief | Coronae Australis | |||
| Afkorting | CrA | |||
| Waarnemingsdata (Epog J2000) | ||||
| Regte klimming | 19h | |||
| Deklinasie | -40º | |||
| Grootte | 128 vk. grade (80ste) | |||
| Kwadrant | SQ3 | |||
| Besonderhede | ||||
| Hoofsterre | 6 | |||
| Helderste ster | Alpha Coronae Australis | |||
| Naaste ster | HD 166348 | |||
| Sterre helderder as 3 m | 0 | |||
| Sterre met planete | 1 | |||
| Messier-voorwerpe | 0 | |||
| Bayer-/Flamsteed-sterre | 14 | |||
| Meteoorreëns | Corona Australiede | |||
| Aangrensende sterrebeelde | ||||
| Boogskutter, Skerpioen, Altaar, Teleskoop | ||||
| ||||
Die Antieke Grieke het die sterrebeeld beskou as ’n blomkrans eerder as ’n kroon en het dit verbind met die Boogskutter of Sentour. Alpha en Beta Coronae Australis is die helderste twee sterre, met ’n oënskynlike magnitude van sowat 4,1. Hoewel die Suidelike Kroon nie helder is nie, het dit ’n kenmerkende voorkoms. Dit bevat een van die naaste stervormende streke aan die Aarde.
Ruimtevoorwerpe
Alpha Coronae Australis is ’n blou-wit hoofreeksster 130 ligjare van die Aarde af. Beta Coronae Australis is ’n oranje reusester sowat 510 ligjare van die Aarde af.
Van die mees prominente dubbelsterre is onder meer Gamma Coronae Australis, twee geel-wit sterre 58 ligjare van hier wat elke 122 jaar om mekaar wentel.
R Coronae Australis is ’n blou-wit onreëlmatige veranderlike ster waarvan die helderheid wissel tussen 9,7 en 13,9 mag. Dit word verberg deur ’n omringende nebula, NGC 6729, wat saam met hom verdof en verhelder. NGC 6729, NGC 6726 en 6727 en IC 4812 vorm saam die Corona Australis-nebula, ’n stowwerige, donker nebula wat ’n aktiewe stervormende streek is.
Die Suidelike Kroon bevat ook RX J1856.5-3754, ’n geïsoleerde neutronster wat een van die naastes aan die Aarde is.
Verwysings
Hierdie artikel is vertaal uit die Engelse Wiki
- The Cambridge Guide to the Constellations, Michael E. Bakich, Cambridge University Press, 1995, bl. 85
Eksterne skakels
- Wiki Afrikaans
Wiki Commons het meer media in die kategorie Suidelike Kroon.
This article uses material from the Wikipedia Afrikaans article Suidelike Kroon, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.