'n Sportnutsvoertuig, kortweg sportnuts of SNV (Engels: SUV) is 'n motorvoertuig soortgelyk aan 'n stasiewa of motorkar, gewoonlik toegerus met vierwielaandrywing en ligte veldryvermoë.
Sommige SNVs beskik oor dieselfde sleepvermoë as 'n bakkie, met die passasiersruimte van 'n minibus of groot sedan.
Die Jeep Cherokee van 1983 en veral die Ford Explorer van 1990 het SNVs gewild gemaak by moeders en gesinne in die laat 1980s en vroeë 1990s, ten spyte van hul reputasie as gevaarlike voertuie (alhoewel minibusse ook swak gevaar het in veiligheidstoetse). Teen 1994 is daar meer SNVs verkoop in die Verenigde State as minibussies. Verkope het 'n hoogtepunt in die 1990s tot middel 2000s bereik, waarna SNV verkope tydelik afgeneem het as gevolg van hoë oliepryse en 'n dalende ekonomie. Die tradisionele bakkie-gebaseerde SNV is geleidelik verdring deur die oorkruis SNV, wat gebruik maak van 'n motorplatform vir ligter gewig en beter brandstofverbruik, en as 'n teenvoeter dien vir die kritiek op sportnutsvoertuie. Teen 2010 het SNV verkope steeds gegroei oor die wêreld heen, ten spyte van hoë brandstofpryse.
Hierdie artikel is in sy geheel of gedeeltelik vanuit die Engelse Wiki vertaal. |
This article uses material from the Wikipedia Afrikaans article Sportnutsvoertuig, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.