Mubil Suv
Kandaraan Utilitas Sport (Basa Inggris: sport utility vehicle), disingkat SUV.
Di Indunisia, mubil samacam kaya ini rancak disambat "Jip".
Rancak mubil nang digolongakan sabagai SUV baisi lawan panggarak 4 ban (4x4) supaya kawa dipakai hagan malibas medan barat (off-road). Walau nang kaya itu, banyak mubil SUV di Indunisia nang kada baisi lawan panggarak 4 ban (4x4). Banyak merek mubil SUV nang baisi lawan panggarak 4 ban (4x4) nang kaya Toyota Land Cruiser, Jeep Wrangler, wan babarapa macam Toyota Fortuner wan Mitsubishi Pajero, dll.
Mubil SUV baisi ciri khas sorang, rancaknya di pasang ban serep di balakang wan biasanya baisi jarak nang tinggi matan tanah
Klasifikasi SUV
SUV Mini
SUV nang "Mini" marupakan SUV nang kalsnya halus wan baisi ukuran ramping, nang kaya matan SUV tipe ni adalah Daihatsu Terios, Suzuki Jimny, Daihatsu Taruna, dll. Torsi Mesin wan kapasitas Silinder (CC) tipe ini rancak diulah halus (1,0-1,8) wan mamakai Bensin sabagai minyak, lain sular.
SUV Compact
SUV batipe Compact (tarpadu) marupakan kalas SUV nang labih ka ukuran nang padat wan rancak diulah lawan kapasitas muatan wan ruang panumpang nang tarbatas, rancak jua baisi torsi mesin (CC) sedang (1.8-2.6). Kalasifikasinya ditangah-tangah SUV Mini/Halus wan SUV nang baukuran tanggung. Cuntuh matan SUV tipe nang ini adalah Nissa X-Trail, Chevrolet Captiva, Ford Escape, Honda CR-V, Toyota Rav4. dll. SUV nang ini labih ka pamakaian di kartak wan parkutaan, kada cucuk di medan barat (off-road).
SUV ukuran tanggung
SUV bartipe Mid-Sized marupakan kalas SUV nang ukurannya di tangah-tangah ukuran SUV Compact wan SUV Full-sized (ganal). Cuntuh matan SUV tipe ni adalah Toyota Fortuner, Mistubishi Pajero, Ford Explorer, Nissan Terrano, Volkswagen, Touareg, dll. Torsi mesin wan kapasitas silinder (CC) tipe ni baisi varian matan tanggun (2,4-2,6) sampai ganal (3.0).
SUV ukuran ganal
SUV batipe Full-sized (ukuran ganal) marupakan kalas SUV nang ukurannya di atas matan kalas Mid-sized (tanggung) wan jauh labih ganal matan kalas SUV Compact. SUV ukuran ni labih baisi ukuran interior wan eksterior nang ganal, luasm wan lebar sarta ukuran muatan nang kawa hibak. Tipe ni jua baisi torsi mesin (CC) nang ganal (3.0 kaatas) wan bamesin V8. CUntuh matan SUV nang ini adalah Chevrolet Suburban, Hummer, Nissan Armada, Nissan Patrol, Land Rover Discovery.
(Klasifikasi di atas kawa bavariasi antar parbidaan produksi di tiap negara)
Merek-merek Mubil SUV
- Suzuki Grand Vitara
- Toyota Fortuner
- Mitsubishi Pajero
- Honda CR-V (tagolong "Compact" SUV)
- Toyota Land Cruiser
- Toyota Land Cruiser Prado
- Ford Escape
- Chevrolet Captiva
- Jeep
- Subaru XV
- dll
Lihati Jua
- Panggarak 4 ban (4x4)
- off road
- sedan
- MPV
- jeep
- Mubil Pick Up
Referensi
- Gladwell, M. (2004, January 12). Big and bad. The New Yorker, LXXIX, 28-30. [1]
- Motor Trend. (Complete information on the Motor Trend reference is unavailable. However, the article was Motor Trend's announcement of the Lexus RX 300 as the 1999 SUV of the Year.)
Pranala luar
- (Bahasa Inggris) SUVs actually illegal on many residential roads Archived 2005-10-29 at the Wayback Machine
- (Bahasa Inggris) SUVs and oil dependency
- (Bahasa Inggris) The psychology of SUV purchasing. Includes a comparison of vehicles and their 'deaths inside vehicle' and 'deaths caused/outside of vehicle' rates.
- (Bahasa Inggris) Information on hybrid SUV's Archived 2006-03-16 at the Wayback Machine
- (Bahasa Indonesia) Fortuner SUV Terbaik Archived 2012-11-03 at the Wayback Machine
- (Bahasa Indonesia) Fortuner From Toyota Astra Archived 2012-11-04 at the Wayback Machine
- (Bahasa Indonesia) Pengertian dan Sejarah SUV
This article uses material from the Wikipedia Bahasa Banjar article Mubil SUV, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bahasa Banjar (DUHOCTRUNGQUOC.VN) is an independent company and has no affiliation with Wiki Foundation.