Marlene Dumas: Suid-Afrikaansgebore Nederlandse kunstenaar
Marlene Dumas (gebore 3 Augustus 1953 in Kaapstad, Suid-Afrika) is 'n Suid-Afrikaansgebore kunstenaar wat sedert 1976 in Amsterdam, Nederland woon en werk.
Sy kombineer elemente van ekspressionisme met konsepsuele kuns in ink-en-waterverfwerke en olie-op-doekskilderye.
| Marlene Dumas | |
|---|---|
 | |
| Gebore | 3 Augustus 1953 Kaapstad, Suid-Afrika |
| Sterf | |
| Nasionaliteit |  Suid-Afrika Nederland |
| Veld | Skilder |
| Opleiding | Michaelis se skool van Beeldende Kunste, de Ateliers |
| Webwerf | www |
Marlene Dumas het in Kuilsrivier grootgeword en by die Hoër Meisieskool Bloemhof in Stellenbosch skoolgegaan. Sy het daarna by die Universiteit van Kaapstad studeer van 1972 tot 1975 waar sy 'n BA-graad in beeldende kuns verwerf het. Sy het daarna in 1976 na Nederland geïmmigreer waar sy by die Ateliers '63 in Haarlem gewerk het.
Dumas het spoedig internasionale sukses behaal. In 1982 het sy op 29-jarige ouderdom aan Documenta VII in Kassel deelgeneem. Sy het solotentoonstellings in van die wêreld se voorste galerye en museums gehou soos die Tate in Londen (1996), die Pompidou-sentrum in Parys (2001) en die Museum vir Eietydse Kuns in New York (2002). In 1995 het sy Nederland op die Venesiese Biënnale verteenwoordig.
Op 8 November 2007 is haar eerste solouitstalling in Suid-Afrika, getiteld Intimate Relations, by die Suid-Afrikaanse Nasionale Kunsmuseum in Kaapstad geopen. Die uitstalling skuif later na Johannesburg waar dit van 6 Februarie tot 29 Maart 2008 in die Standard Bank-galery vertoon is. In 2008 word ’n solotentoonstelling van haar werk in die Museum vir Moderne Kuns in New York gehou.
Die doel van haar werk is om die verhouding tussen kuns, vroulike modelle en selfs pornografie uit te beeld. Die beginpunt van baie van haar werk is Polaroidfoto's van haar vriende en minnaars. Sy gebruik ook tydskrifte en pornografiese materiaal. Dumas skilder ook portrette van kinders en erotiese tonele.
In Februarie 2005 is haar skildery "Die Onderwyser" wat sy in 1987 geskilder het vir 'n rekordprys van $3,34 miljoen deur die afslaers Christie's in Londen verkoop. Die skildery vertoon 'n uitbeelding van 'n geposeerde klasfoto.
Verwysings
Eksterne skakels
- website Marlene Dumas
- Zeno X Galery – Marlene Dumas beelde, biografie en cv.
- Die Saatchi Galery – Marlene Dumas, galery in Londen met beelde, inligting, teks en 'n biografie van Marlene Dumas
- Die dokumentêre program 'Miss Interpreted' volg Dumas se aktiwiteit vir 'n periode van ses maande terwyl sy vir 'n uitslalling voorberei wat sodoende intieme insae in haar werk en idees vertskaf. Dit is beskikbaar by DocsOnline
This article uses material from the Wikipedia Afrikaans article Marlene Dumas, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.