Minki Van Der Westhuizen
Willemien “Minki” van der Westhuizen (gebore 26 Februarie 1984) is 'n Suid-Afrikaanse model en televisiepersoonlikheid.
Minki van der Westhuizen | |
|---|---|
 | |
| Gebore | Willemien van der Westhuizen 26 Februarie 1984 |
| Nasionaliteit |  Suid-Afrika |
| Beroep | Model en televisiepersoonlikheid |
| Webwerf | https://www.minkivanderwesthuizen.com/ |
Vroeë lewe
Van der Westhuizen is in Durbanville, Wes-Kaap, gebore en matrikuleer aan Hoërskool Stellenberg, naby Bellville.
Loopbaan
Modelwerk
Van der Westhuizen het op die ouderdom van 16 met modelwerk begin. In haar matriekjaar, 2002, is sy gekies deur 'n modehuis, Guess, om deel van 'n internasionale veldtog te wees. Van der Westhuizen word deur Max Models in Kaapstad verteenwoordig. In 2002, 2003, 2006 en 2007 verskyn sy in die swemdraguitgawe van die Suid-Afrikaanse tydskrif Sports Illustrated, asook op die voorblad van die tydskrif GQ.
Sy is deur die tydskrif, Maxim, as nommer 24 van 100 mooiste vroue in 2003 gelys en is as die sexy’ste vrou ter wêreld aangewys deur die lesers van die tydskrif FHM in 2004. In 2003 is sy ook gekies as die gewildste prikkelpop deur die Amerikaanse weermagtroepe wat diensplig in Irak gedoen het.
Televisie
Van der Westhuizen het in die spesiale uitsending van 2006 Sports Illustrated se swemdrag uitgawe verskyn op die M-Net kanaal. In 2007 was sy in 'n episode van Behind the Name, 'n dokumentêre reeks op E.tv wat in elke episode op 'n bekende persoon fokus. Van der Westhuize het haar eerste ontmoeting met televisieaanbieding gehad met die SABC2-reeks, Pasella in 2007. Kykers kon haar as persoon beter leer ken en haar toenemendheid en sprankelende persoonlikheid het die vloei van die onderhoudvoering vergemaklik.
Van der Westhuizen was ook vir twee seisoene die aanbieder van die realiteitsreeks op kykNET, Boer Soek 'n Vrou, wat ook gemaak het dat sy die Aanbieder van die Jaar-toekenning gewen het by die Huisgenoot Tempo-toekennings. Sedert 2019 het sy haar eie geselsprogram op die Via-kanaal op DStv, Minki.
Film
In 2007 vertolk van der Westhuizen die rol van Mimi in die film, Big Fellas.
Toekennings
- Huisgenoot Tempo-toekenning: Aanbieder van die Jaar (2018)
Persoonlike lewe
Van der Westhuizen het vanaf 2004 tot 2006 met oud-Proteakrieketkaptein Graeme Smith uitgegaan. In 2007 is sy met 'n sakeman van Stellenbosch, Constant Visser, getroud, maar in November 2009 is hulle geskei.
In Junie 2012 is sy met die rugbyspeler Ernst Joubert getroud. Die egpaar het drie dogters: Katerien (gebore Julie 2013), Elise (gebore Augustus 2014) en Elsa (gebore Maart 2018).
Bronnelys
- https://www.duhoctrungquoc.vn/wiki/en/Minki_van_der_Westhuizen
- https://briefly.co.za/34875-minkie-van-der-westhuizen-biography-age-baby-husband-wedding-family-stunning-hair-instagram-contact-details.html
- https://peoplepill.com/people/minki-van-der-westhuizen/
- https://informationcradle.com/minki-van-der-westhuizen/
Eksterne skakels
- https://www.minkivanderwesthuizen.com/ Geargiveer 17 Oktober 2020 op Wayback Machine
- Wiki Afrikaans
Wiki Commons het meer media in die kategorie Minki van der Westhuizen.
This article uses material from the Wikipedia Afrikaans article Minki van der Westhuizen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.