Franci Swanepoel: Suid-Afrikaanse aktrise en televisiepersoonlikheid

Sy was die dogter van Nic en Marida Swanepoel. Franci is in Johannesburg gebore en het aan Hoërskool Linden gematrikuleer. Sy het grootgeword in die vermaaklikheidsbedryf en het vanaf die ouderdom van vyf aan radiodramas deelgeneem.

Sy het drama aan die Universiteit van Stellenbosch studeer.

As student het sy opgetree in produksies van Women Behind Bars (1993), Die Renosters (1994), Ipekonders (1994), en Die Vampier (ATKV Kampustoneel 1994).

Tydens haar professionele loopbaan was sy te sien in Droom (1998), Siener in die Suburbs (KKNK 2002), Junkiedrome, High Street Theatre, 2002, Janneman (Woordfees 2011), Aantrekkingskrag in 2011, as Bea in Boksballade (KKNK 2013).

Sy het saam met Sandra Prinsloo in die produksie van Soebatsfontein by die Innibosfees van 2018 verskyn.

Haar televisierolle sluit Binnelanders in. Sy het ook as aanbieder van Fiësta op KykNET gewerk.

Sy is bekroon met die ATKV-Veertjie as beste aktrise vir haar rol as Toeks Joubert in Binnelanders in 2010.

• Beeld, 19 April 2010.
• Beeld, 26 September 2011.
• Rapport, 31 Maart 2013.
• "Pitkos vir almal by Innibos", Rapport Beleef 27 Mei 2018.