Effektiewe Bevolkingsgrootte

Die effektiewe bevolkingsgrootte is gebaseer op die voortplantingstempo van ’n geïdealiseerde bevolking met ’n lukrake alleelverspreiding. Die totale grootte van ’n bevolking kan misleidend wees, aangesien nie alle lede kan voortplant en hulle allele aan die volgende geslag oordra nie. Daarom, om ’n sinvolle skatting van die kleinste lewensvatbare bevolking te maak, word die effektiewe bevolkingsgrootte volgens die volgende formule bereken:

${\displaystyle N_{e}={4N_{f}N_{m} \over N_{f}+N_{m}}}$ 

Hier staan ${\displaystyle N_{f}}$  vir die getal vroue in die bevolking en ${\displaystyle N_{m}}$  vir die getal mans. As daar byvoorbeeld 400 reproduktiewe vroue en 400 reproduktiewe mans in ’n bevolking van 1 000 mense is, kan dit so bereken word:

${\displaystyle N_{e}}$  = (4 × 400 × 400) / (400 + 400) = 800 (80%).

In bevolkings wat werklik ondersoek is, het ${\displaystyle N_{e}}$  altyd slegs ’n breukdeel van die totale bevolking beloop, aangesien talle invloede op die individue inwerk en hul vermoë beperk om voort te plant. Die doel om ’n ${\displaystyle N_{e}}$  te handhaaf bo die MVP het ontstaan uit kommer oor die vraag of bevolkings genoeg genetiese veranderlikes het om hulle deur evolusie te kan aanpas.

•   Hierdie artikel is in sy geheel of gedeeltelik uit die Duitse Wiki vertaal.