Duitse Krieketbond
Die Duitse Krieketbond (Duits: Deutscher Cricket Bund, afgekort “DCB”) is die bestuursliggaam wat krieket in Duitsland beheer en is in Essen gesetel.
Die beheerliggaam is in 1988 gestig en in Essen gesetel. Sedert 1999 verteenwoordig dit Duitsland by die Internasionale Krieketraad (IKR) as ’n assosiaatlid en sedert 1997 ook by die Europese Krieketraad (European Cricket Council, “ECC”).
| Duitse Krieketbond | |
|---|---|
 Kenteken van die Duitse Krieketbond | |
| Duitse naam | Deutscher Cricket Bund |
| Afkorting | DCB |
| Land |  Duitsland |
| Sportsoort | Krieket |
| Stigting | 1988 |
| Lid van | Internasionale Krieketraad |
| Aangesluit in | 1991 |
| Vastelandse beheerliggaam | Europese Krieketraad |
| President | Severin Weiss |
| Setel | Essen, Duitsland |
| Amptelike taal | Duits |
| Amptelike webwerf | cricket.de |
Geskiedenis
Die Duitse Krieketbond is in 1988 herstig en verantwoordelik vir die reëling van krieket in Duitsland. In 1991 het hulle ’n geaffilieerde lid by die Internasionale Krieketraad (IKR) geword en in 1999 ’n geassosieerde lid. Daarbenewens was die Duitse beheerliggam in 1997 ’n stigtingslid van die Europese Krieketraad. Die DCB bestaan uit agt plaaslike beheerliggame.
Taak
Die Duitse Krieketbond organiseer verskeie nasionale spanne, insluitend Duitsland se nasionale seniorkrieketspan vir mans, vroue en jeug. Hulle is ook verantwoordelik vir die bestuur en organisasie van T20I-reekse teen ander spanne, en vir die reëling van internasionale wedstryde tuis. Daarbenewens is die Duitse Krieketbond verantwoordelik vir inkomsteverkryging deur die verkoop van kaartjies, borgskappe en uitsaairegte, veral in verband met die Duitse span.
Kenteken
Die Duitse Krieketbond se kenteken toon ’n bondsarend in swart op ’n rooi agtergrond, omring deur die belettering Deutscher Cricket Bund.
Sien ook
Verwysings
Eksterne skakels
This article uses material from the Wikipedia Afrikaans article Duitse Krieketbond, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.