Costa Brava
Die Costa Brava (Katalaans vir ruwe, wilde kus) is die kusstrook van Oos-Spanje tussen Barcelona en die grens met Frankryk.
Dié kus van 200 kilometer aan die Middellandse See in Katalonië is ’n gewilde vakansiebestemming.
«Des d'aquesta trona
de Sant-Elm
Ferran Agulló intuí
la idea de batejar
la Costa Brava»
Vertaling:
Op hierdie uitgestrekte rots kom Ferran Agullò op die idee van die naam “Costa Brava”
Costa Brava het goue sandstrande, kristalhelder seewater, rots uitsteeksels en inhamme, regaf kranse en denne- en eikewoude. Aan die binneland van die Costa Brava word goed bewaarde Middeleeuse dorpies in tipies mediterreense landskappe aangetref. In die voetheuwels van die Pireneë word forel gevulde strome en beskermde mere gevind.
Die naam Costa Brava is die eerste keer op 12 September 1908 in die Katalaanse koerant, La veu de Catalunya, in 'n artikel van die skrywer en digter Ferran Agulló gebruik. In die artikel beskryf hy die ruwe en toe nog onherbergsame karakter van die kus met sy talle onreëlmatige rotse en grotte. Op 29 September 1963 het die munisipaliteit van Sant Feliu de Guíxols 'n gedenksteen by die kaap van die Ermitatge de Sant Elm opgerig, presies op die plek waar Ferran Agulló die inspirasie vir die naam van die kus sou vind, al word die egtheid van die staaltjie betwis.
Die gebied het 'n Mediterreense klimaat. Die streek word soms deur 'n koue noordewind geteister wat veral in die winter ysige kou lug inwaai en tot 'n wolklose helder blou hemel aanleiding gee.
Verwysings
Eksterne skakels
- Wiki Afrikaans
Wiki Commons het meer media in die kategorie Costa Brava.
3°12′25.74″O / 42.0579750°N 3.2071500°O
This article uses material from the Wikipedia Afrikaans article Costa Brava, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.