Die Columbiarivier (Engels: Columbia River) is 'n groot suidwes-vloeiende rivier in Kanada en die Verenigde State.
Die Columbiarivier het 'n lengte van 2 000 km en is die waterrykste rivier in Noord-Amerika, wat in die Stille Oseaan uitmond, asook die langste rivier in die Pasifiese Noordweste van Noord-Amerika. Die rivier is genoem na die Amerikaanse kaptein Robert Gray se skip Columbia Rediviva, wie die rivier op 11 Mei 1792 as eerste Europese bevaar het.
Columbiarivier | |
---|---|
Die Columbiarivier naby Revelstoke, Kanada. | |
Die stroomgebied van die Columbiarivier. | |
Oorsprong | Columbiameer, Brits-Columbië (Kanada) |
Monding | Oregon en Washington, Verenigde State Stille Oseaan |
Stroomgebied | Brits-Columbië (Kanada) asook Oregon en Washington (Verenigde State) |
Lengte | 2 000 km (1 243 myl) |
Oorspronghoogte | 820 m (2 690 voet) |
Mondinghoogte | 0 m |
Gemiddelde afloop | 7 500 m³/s (265 000 ft³/s) |
Stroomgebiedopp. | 668 000 km² (258 000 myl²) |
Kaart van die Columbiarivier-bekken in Noord-Amerika. |
Die Columbiarivier ontspring in die Columbiameer in die Kanadese provinsie Brits-Columbië en vloei in suidwestelike rigting, waar dit die Amerikaans-Kanadese grens kruis en deur die stede Portland en Vancouver loop. Op die laaste 480 km vorm die Columbiarivier die grens tussen die Amerikaanse deelstate Oregon en Washington. Die rivier se bekken streek oor sowat 668 000 km², waarvan sowat 15% in Kanada geleë is. Die langste sytak van die Columbiarivier is die Snakerivier.
This article uses material from the Wikipedia Afrikaans article Columbiarivier, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.