'n Chloroplas is 'n organel wat in fotosinterende plante voorkom.
Fotosintese vind in die organel plaas om glukose aan die plant verskaf. Dis die chloroplas wat verantwoordelik is vir die groen kleur van plante. Chloroplaste is die setel van fotosintese en bevat die groen pigment, chlorofil, en ander pigmente en komponente wat betrokke is by die vaslegging van ligenergie en die omskakeling daarvan na bruikbare chemiese energie. Tydens fotosintese word koolsuurgas uit die atmosfeer in die chloroplas geassimileer en omgeskakel na koolhidrate m.b.v. die produkte van ligvaslegging. Hierdie koolhidrate word gebruik in die res van die selmetabolisme. Binne-in die chloroplas kom ʼn komplekse lamellêre membraansisteem, bekend as die tilakoïedsisteem, voor. Op sommige plekke is die tilakoïed lamellas op mekaar gestapel om granums te vorm. Die tilakoïedmembrane bevat die komponente wat benodig word om ligenergie te oes. Die chloroplas matriks, of stroma, bevat die ensiem ribulose-1,5-bisfosfaatkarboksilase/oksigenase (RuBisCo) wat betrokke is by die vaslegging van koolsuurgas.
This article uses material from the Wikipedia Afrikaans article Chloroplas, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.