Blou-Nyl
Die Blou-Nyl (Amharies: ዓባይ, ʿAbbay, Arabies: النيل الأزرق, an-Nīl al-Azraq) is die tweede grootste sytak van die Nylrivier in Afrika.
Dit is saam met die Wit-Nyl een van twee bronriviere van die Nyl. Ofskoon sy gemiddelde afloop groter as dié van die Wit-Nyl is, word die Blou-Nyl as grootste sytak beskou en nie as gelykwaardige bronrivier nie, terwyl die Wit-Nyl as die Nylrivier se hoofloop beskou word.
| Blou-Nyl | |
|---|---|
 | |
 Die stroomgebied van die Wit- en Blou-Nyl. | |
| Oorsprong | Klein-Abayrivier/Tanameer, Ethiopië Ethiopiese Hoogland |
| Monding | Saamvloei met die Wit-Nyl naby Khartoem, Soedan |
| Stroomgebied | Ethiopië en Soedan |
| Lengte | 1 450 km |
| Oorspronghoogte | 2 744 m |
| Mondinghoogte | 380 m |
| Gemiddelde afloop | 2 349 m³/s |
| Stroomgebiedopp. | 325 000 km² |
 Kaart van die Blou-Nylbekken in Afrika. | |
Die naam van die rivier is 'n onakkurate vertaling van die Arabiese woord Azraq, wat sowel "blou" as "donker" beteken. Die donker kleur van die Blou-Nyl word deur die groot hoeveelheid fyn, korrelrige grondmateriaal veroorsaak wat uit die Ethiopiese Hoogland meegevoer word.
Die Blou-Nyl ontspring in Noord-Ethiopië suidoos van die Tanameer, vloei 800 km deur Ethiopië en 650 km deur Soedan, waar die Blou-Nyl net suid van Khartoem met die Wit-Nyl saamvloei. Belangrike stede aan die rivier is Bahri, Khartoem en Omdoerman.
Sien ook
Verwysings
Eksterne skakels
- Wiki Afrikaans
Wiki Commons het meer media in die kategorie Blou-Nyl. - (en) "Blue Nile River". Encyclopædia Britannica. Besoek op 26 April 2019.
This article uses material from the Wikipedia Afrikaans article Blou-Nyl, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.