Afdelingswinkel
'n Afdelingswinkel is 'n kleinhandelbesigheid wat 'n wye verskeidenheid van algemene verbruikersware soos klere, huisraad, meubels en huishoudelike toestelle aanbied.
Gewoonlik kan klante tussen verskillende handelsname en prysvlakke kies. Afdelingswinkels word in groot geboue met meerdere verdiepings gehuisves wat oop staan vir die publiek en waar die wye reeks produkkategorieë in afdelings (van daar die naam afdelingswinkel) vertoon en verkoop word.
Produkkategorieë, wat in 'n afdelingswinkel aangebied word, varieer grootliks en kan naas algemene verbruikersware en klere ook kos, boeke, juweliersware, verbruikerselektronika, skryfbehoeftes, fototoerusting, speelgoed, kosmetika, tuinware, sporttoerusting, selfdoentoerusting, dierbehoeftes en ander insluit.
Sekere afdelingswinkels kan verder gekategoriseer word as afslagwinkels, terwyl hipermarkte en ander groot kleinhandelbesighede soos winkelsentrums tot die moderne ekwivalente van historiese afdelingswinkels ontwikkel het. Die meeste afdelingswinkels word deur groot nasionale of internasionale kettingondernemings bedryf. Ander is onafhanklike besighede of konsessiesake.
This article uses material from the Wikipedia Afrikaans article Afdelingswinkel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.