印度敎(Hinduism,梵文:Sanātana Dharma सनातन धर्म 永恆之法)係現存世界上最古老嘅宗敎,發源自印度,而家仍然係印度好多人嘅信仰。佢有差唔多10.5億信徒(1993年估計數)(德國一機構統計數字係大概9億),僅次於擁有超過20億信徒嘅基督敎同11億信徒嘅伊斯蘭教。,有好多國家都以印度教為人民主要信仰,好似尼泊爾、斯里蘭卡、孟加拉、印尼、馬來西亞、巴基斯坦、泰國等。印度敎係吠陀文化為基礎發展得來。
印度教其實係指印度嘅民族宗教,喺伊斯蘭教統治印度嗰陣,佢哋叫印度嘅民族宗教做 Hinduismus,意思係「拒絕改變宗教嘅印度土著」,不過一直到近代先有印度人稱自己嘅宗教叫印度教(Hinduismus)。不過印度喺英國殖民時代嗰陣,英政府就用 Hinduism 嚟稱呼印度嘅民族宗教,但喺做人口調查,就稱印度嘅民族宗教做「婆羅門教」(Brahmanismus)而唔係叫印度教,不過亦有人將婆羅門敎同印度教視為兩種印度嘅宗教。
不過喺印度,印度嘅民族宗教原本係叫 Sanatanadharma(永恆宗教)或者 Vaidika-dharma(吠陀宗教)。Sanatanadharma 係指生物永恆嘅職分。而 Vaidika-dharma ,就係指印度教徒信奉嘅經典《吠陀》(Vedas),佢含意係指上帝嘅知識同關於上帝嘅科學。而《吠陀》基本上係所有印度教派別嘅經典同教義,不過唔同派別都各自信奉其他唔同嘅經文。
This article uses material from the Wikipedia 粵語 article 印度教, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.