水氣掣
水氣掣（residual-current device，簡稱RCD），係駁喺電路上嘅自動保護裝置，當漏電就會跳掣，以避免觸電。水氣掣亦叫漏電斷路器或者電流式漏電斷路器。
水總（residual-current circuit breaker with overcurrent protection，簡稱RCBO）即係水氣掣加埋電流太大或者短路嘅保護。
水氣掣嘅嘅原理係用電磁鐵量度火線同中線嘅電流。正常情況下，火線同中線嘅電流大細相同，方向相反，所以產生嘅磁場會抵消。當發生漏電，電流冇經中線返返水氣掣，就會有淨磁場，吸引金屬機械零件，令電路斷開。
水氣掣嘅水氣係電路嘅意思，同水汽嘅別寫水氣完全無關係。氣指電流，電流亦稱電氣。
 |
This article uses material from the Wikipedia 粵語 article 水氣掣, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈；可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.