Obama Barak

4. eloku 1961, Gonolulu, Havajad, AÜV) om enzne, 44. AÜV:oiden prezident (20.01.2009—20.01.2017, radoi kaks' strokud). Mez' om AÜV:oiden Demokratižen partijan ühtnijan. Nobelän kožundpremijan laureat (2009).

Obama Barak
angl.: Barack Obama[1][2]
Barak Obama vn 2012 tal'vkus
nimi sündundan jäl'ghe:	angl.: Barack Hussein Obama II[3]
radmižen toižend:	politikanmez', advokaat, political writer, community organizer, riigimees, jurist, podcaster, õpetlane, memuarist
sündundan dat:
sündundan sijaduz:	Kapiolani Medical Center for Women and Children[d], Gonolulu, Honolulu County[d], Hawaii osariik[d], Amerikan Ühtenzoittud Valdkundad[3]
valdkund:	Amerikan Ühtenzoittud Valdkundad[3][14][15][16]  Kenii[17][18]
tat:	Barack Obama vanem[d][3]
mam:	Stanley Ann Dunham[d][3]
avtograf:
sait:	barackobama.com[1][2]
Obama Barak VikiAitas
Om sädusid VikiPurtkiš

Tuleban aigan politikanmehen kazvatajad sädiba tundmust opendusen aigan Havajiden universitetas Manoas. Hot' heiden kazvatajad oliba vasthapäi, mel'heižed naiba, i naimiželo jätksi koume vot (1961−1964). Barak Husein Obama-vanhemb (1936−1982) oli kenijalaine, Stenli Enn Danhem-mam (1942−1995) oli päivlaskmaiževropižen i čeroki-indejižen augotižlibundanke. Barakan-noremban bab kazvati tütrenpoigad hätken aigan, priha nägui tatad jäl'gmäižen kerdan kümnevoččen.

Mam läksi mehele kahtenden kerdan, se mez' oli indonezijalaine Lolo Sutoro, üläopenik mugažo. Barak openui Džakartan valdkundaližes školas kuz'..kümne vot igäs, sen jäl'ghe pördui Gonolulhu i eli maman kazvatajil pästandhasai prestižižes privatižes «Panehou»-školaspäi vl 1979. Školan jäl'ghe mez' openui kaks' vot Los Andželesan Päivlaskmaižes kolledžas i sid' jätksi rattemata opendust Kolumbijan universitetas «rahvahidenkeskeižed kosketused»-specializacijanke.

Amerikaine politikanmez' om vn 1983 Kolumbijan universitetan pästnik bakalavran arvonke. Mez' openui Garvardan universitetan Oiktusen školas, siš hän oli universitetižen periodižen Harvard Law Review-pästandan redaktoran.

Obama radoi kundaližen organizatoran mugažo i advokatan civiližen oiktusen sferas. Vspäi 1992 vhesai 2004 hän oli konstitucižen oiktusen opendajaks Čikagon juridižiden tedoiden institutas i ühtenaigašti oli valitud koume kerdad da radoi Illinois-štatan senatas vll 1997−2004.

Mez' läksi prezidentan radnikusespäi vl 2017 hüvästusen reitinganke 60 %. Eläb Vašington-pälidnas.

Barak om naižiš vspäi 1992, Mišel' Robinson Obama (sünd. 1964) om hänen ak, jurist. Par sünduti da kazvati kaht tütärt naimiželos: Malia Enn (Malia Ann, s. 1998) i Nataša (Natasha, enamba tetas kut Saša, s. 2001).