Barack Obama (Honolulu, 4 agosto 1961) el xe el 44° presidente dei Stati Unii de ła Mèrica. El xe el primo negro che xe riusìo a rivar a sta caréga, el ga vinto l'ełesion del 4 novenbre 2008, cofà candidà del Partio Democràtego. El se gà insedià cofà presidente el 20 xenaro 2009. So pare el jera un negro del Kenya, so mare na dona bianca del Kansas. El xe sposà con Michelle Obama, con cui el gà do fiole, ła Malìa (nata inte el 1998) e la Sasha (nata inte el 2001) . El so programa el mira a cambiar el mondo intiero e el so moto col qual ga vinto łe elexion el xe "Yes we can" che vol dir "Si, ghe ła podemo far".
Obama, nato ae Hawaii, el gà vissù anca in Indonesia quando sò mare se gà trasferìo là dopo averse assà co el kenyota. So mare là la ga conossùo uno del posto e co eo la gà avuo na fiola, ła soreastra de Obama. In seguito Obama xe 'ndà a studiar in Amèrica vivendo da sò noni materni. El se gà laureà in lege a Harvard e dopo el xe 'ndà a Chicago a far el "community organizer", insoma impegnandose inte el sociae e nea difesa dei diritti sivii dei ceti medio-bassi. Propio a Chicago el gà conossùo Michelle e la gà sposà inte el 1992. Inte el 1996 Obama se gà candidà ae elexion del Senado de l'Illinois col Partio Democràtego e el gà vinto co un grande successo. Inte el 2000 el xe gà candidà pa un posto al Senado Federale ma el xe stà sconfito subito ae primarie del Partio Democratico. Inte el 2004 el xe gà ripresentà e non solo el gà vinto e primarie ma anca ła "general election" batendo l'aversario republican e deventando così senador dei Stati Unii in rapresentansa de l'Illinois. Inte el 2007 el se gà uficialmente candidà aa presidensa dei Stati Unii e dopo ła dificie, longa e estenuante prova dee primarie contro Hillary Clinton, finalmente inte el zugno 2008 el xe riusìo a conquistar ła nomination come candidato uficiae dei Democràteghi aa presidensa. El xe stà quasi senpre in testa in tei sondagi davanti al so rivae membro del Partio Republicàn , el senador dea Arizona John McCain, nato inte el 1936 e che xe stà prisoniero in Vietnam pa 5 anni (1968-1973). Obama gà vinto conquistando, oltre a stati-ciave come Florida e Ohio, anca stati tradisionalmente republicani come Colorado, North Carolina e Virginia. El gà na popoarità che supera el 60%.
Controło de autorità | VIAF (EN) 52010985 · ISNI (EN) 0000 0001 2133 1026 · · LCCN (EN) n94112934 · GND (DE) 132522136 · BNF (FR) cb15591663c (data) · BNE (ES) XX4663545 (data) · ULAN (EN) 500404040 · NLA (EN) 44067442 · NDL (EN, JA) 01112565 · WorldCat Identities (EN) n94-112934 |
---|
This article uses material from the Wikipedia Vèneto article Barack Obama, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnùo el xe disponibile soto CC BY-SA 4.0, almanco che no ghe sia scrito difarente. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vèneto (DUHOCTRUNGQUOC.VN) is an independent company and has no affiliation with Wiki Foundation.