Hassii (Hs — hassium latinan kelel) om 108nz' himine element himižiden elementoiden periodižes tabludes.
Sen sijaduz om kahesandes gruppas, tabluden seičemendes periodas.
108 | 2 14 32 32 18 8 2 |
Hs 269 | |
Hassii |
Ei ole hassijad londuses. Se om transaktinoidine ratud element. Germanižiden fizikantedomehiden grupp Jügedoiden ioniden Institutaspäi (Darmštadt) avaiži hassijan vl 1984 hahktinan-208 i raudan-58 südäitukreakcijas.
Vspäi 1997 element om nimitadud Saksanman Hessen-man mödhe (latin.: Hassia), Darmštadt oli sen keskaigaižeks pälidnaks.
Himižed ičendad oma osmijan kartte.
Hassii om radioaktivine päličmänendmetall. Metallan muju om hobedaiž-vauged ezimeletaden. Ei ole sadud znamasižes lugumäras heredan čihodamižen tagut.
Atommass — 269. Ninevuz (normaližiš arvoimižiš) — 40,7 g/sm³ (ezimeletaden).
Vodele 2010 kaik om 12 avaitud izotopad 263..271, 273, 275 da 277 atommassanke, i niiden koume izomärad. Kaikiš hätkemban hassii-269-izotopan pol'čihodamižen pord om 9,6 sekundad. Kaikiden izotopoiden čihodamine tegese α-sädegoičendanke, lopiše siborgijan sädandal. Sen ližaks kebnemb hassii-264 jagase erazvuiččikš südäitukuikš.
Hassii Vikiaitas |
This article uses material from the Wikipedia Vepsän article Hassii, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.