Hassium

108 Bh ← Hassium → Mt Os ↑ Hs ↓ nix Periodensystem
Allgemeen
Naam, Teken, Atomtall	Hassium, Hs, 108
Cheemsch Serie	Övergangselement
Klöör	nich bekannt
Atommass	270 u
Elektronenkonfiguratschoon	[Rn]5f146d67s2
Elektronen je Schaal	2, 8, 18, 32, 32, 14, 2
Physikaalsche Egenschoppen
Atomare Egenschoppen
Annere Egenschoppen
Isotopen (Utwahl)
Hööftartikel: Isotopen vun Hassium Iso VN t½ VO VE (MeV) VP 269Hs nee 9,7 s α 265Sg 270Hs nee 10 s α 266Sg 271Hs nee 4 s α 267Sg

Dat Element, dat to de Transactinoiden tellt, hett dat Atomteken Hs un de Atomtall 108. Hassium is butendem en Övergangselement.

Dat Element weer an’n 14. März 1984 to’n eersten mol bi de Sellschop för Sworionenforschen (GSI) in Darmstadt dör Versmölten vun Blieatomen mit Iesenatomen herstellt. As vörlöpigen Naam hett Hassium toeerst de Beteken Unniloctium (Teken Uno) kregen, weer aver ok as Eka-Osmium betekent. Den offiziellen Naam hett dat Element 1997 kregen. De leit sik af vun den latiensche Woort Hassia för dat Bundsland Hessen, woneem dat opdeckt worrn is.

Hassium verfallt gau wedder, so as de meisten Transactinoiden. De wichtigsten opstunns bekannten Isotopen sünd ²⁶⁹Hs, ²⁷⁰Hs un ²⁷¹Hs mit Halfweertstieten vun 9,7 s, ~10 s un ~4 s. De meisten annern Isotopen verfallt noch gauer.

Liekers is dat 2001 mööglich wesen an’t GSI in Darmstadt en Verbinnen vun Hassium mit Suerstoff to tügen. Wegen de hogen Flüchtigkeit warrt annahmen, dat sik dat dorbi üm Hassiumtetroxid ²⁶⁹HsO₄ hannelt hett, analog to Osmiumtetroxid. Ofschoonst de Halfweertstiet lütt is, künnen de Forschers an’n Dag in’n Dörsnitt twee bit dree Moklekülen na en Thermochromatograaf leiden. Unvermodens weis HsO₄ op de Detekterböverflachen en högere Afscheedtemperatur un dormit en sietere Flüchtigkeit op as OsO₄.

  Hassium. Mehr Biller, Videos oder Audiodateien to’t Thema gifft dat bi Wiki Commons.

  Wiktionary: Hassium – Bedüdensverklaren, Woortherkamen, Synonymen, Översetten

• Nuklidkoort bi’t National Nuclear Data Center