جے پور: بھارتی صوبہ راجستھان کا دار الحکومت

جے پور
(ہندی میں: जयपुर) (انگریزی میں: Jaipur)
تاریخ تاسیس	1727
انتظامی تقسیم
ملک	بھارت
دار الحکومت برائے	راجستھان (1727–)
تقسیم اعلیٰ	ضلع جے پور
جغرافیائی خصوصیات
متناسقات	26°55′00″N 75°52′00″E / 26.916666666667°N 75.866666666667°E / 26.916666666667; 75.866666666667
رقبہ
بلندی
آبادی
کل آبادی
مزید معلومات
جڑواں شہر	کیلگری فریمونٹ، کیلیفورنیا ڈوڈوما پورٹ لوئس لاگوس
اوقات	متناسق عالمی وقت+05:30
گاڑی نمبر پلیٹ	RJ-14
رمزِ ڈاک	302001
فون کوڈ	141
قابل ذکر
باضابطہ ویب سائٹ	باضابطہ ویب سائٹ
جیو رمز	1269515
درستی - ترمیم

مغل راجپوت فنِ تعمیر کا نمونہ ہندوستانی ریاست راجستھان کا صدر مقام اور سب سے بڑا شہر،  جسے 18 نومبر  1727 کو  کچواھا  راجپوت خاندان کے مہاراجا  سوائے جے سنگھ ثانی نے بسایا اور اسی کی نسبت اس کا نام جے پور ہوا۔ جے سنگھ کا دور حکومت  1699 سے 1744  تک ہے۔ اندازہ  3 ملین کی آبادی والا یہ شہر  گلابی شہر بھی کہلاتا ہے۔ جس کی وجہ یہ بتائی جاتی ہے کہ سوائے رام سنگھ کے دور میں  انگلستان کے ولی عہد پرنس آف ویلز جو بعد میں ایڈورڈ ہفتم کے لقب سے تخت نشیں ہوئے، جب یہاں آئے تو اظہار مسرت و استقبال کے لیے شہر کو گلابی رنگ دیا گیا۔ جو آج تک  برقرار رکھا گیا یہی رنگ اس کو بلاد العالم میں ممتاز کرتا ہے۔ اس سے پہلے جے سنگھ کا دار الخلافہ  جے پور سے گیارہ کلومیٹر دور  امبر نامی شہر تھا   جہاں سے کثرت آبادی، قلت آب اور دیگر وجوہات کی بنا پر  نقل مکانی کی ضرورت محسوس کرتے ہوئے اس نے ایک نیا شہر بسانے کا فیصلہ کیا۔ شہر کی بنیاد رکھنے سے پہلے جے سنگھ نے ماہرین  فن تعمیرات   سے مشاورت کے ساتھ ساتھ اس فن پر دستیاب کتب سے بھی استفادہ کیا، بالآخر ایک برہمن بنگالی ماہرِ تعمیرات ودیادھر  چکرورتی  کو یہ ذمہ داری سونپی گئی جس نے ہندو فن تعمیر  واستو شاسترا کے اصولوں کے تحت    اس کا  نقشہ تیار کیا اور یوں جے پور ایک  شاہکار کی  حیثیت سے منصہ شہود پر آیا۔ جے سنگھ کو فلکیات، ریاضی اور مابعد الطبعیات سے گہری دلچسپی تھی اس کے ساتھ ساتھ وہ اسے دفاعی لحاظ سے بھی  مضبوط دیکھنا چاہتا تھا کیونکہ مرہٹوں کے ساتھ ہونے والی جنگوں کا اسے بخوبی اندازہ و تجربہ بھی تھا۔ ودیادھر  چکرورتی نے ان سب کو مد نظر رکھتے ہوئے اپنا کام شروع کیا تھا۔ اس نے  اسے نو حصوں  میں منقسم کیا   ، دو میں سرکاری عمارات اور محلات ہیں باقی سات عوام الناس کی رہاش کے لیے مخصوص کیے گئے،  ایک مضبوط فصیل  اور اس میں سات دروازے رکھے اور تمام عمارات کے بیچوں بیچ یعنی وسط شہر میں شاہی محل تعمیر کیا۔ اور  جے سنگھ کے لیے ایک رصد گاہ بھی تعمیر کی۔ شہر کا بنیادی ڈھانچہ تقریبا چار سال میں مکمل ہو ا۔ شہر کی بنیادی صنعتیں  دھات اور سنگ مرمر تھیں۔ قدیم درسگاہوں میں سنسکرت کالج1865،  مدرسہ ہنری  1868 اور  لڑکیوں کا کالج 1867 شامل ہیں۔ عمارات میں راج محل،ہوا محل، قلعہ جے گڑھ، جنتر منتر، جل محل، البرٹ ہال میوزیم، گووند دیو جی مندر،لکشمی نرائن مندر، باغ رام نواس وغیرہ شامل ہیں۔ جے پور سیاحوں کے لیے بے پناہ کشش رکھتا ہے۔ 2008 میں اسے ایشیا کا ساتواں بڑا سیاحتی مرکز قرار دیا گیا تھا۔ شخصیات میں  حسرت جے پوری، اکبر جے پوری، مولوی محمد یوسف جے پوری قابل ذکر ہیں۔