Xäzärlär — törki telle qäbilälär, VI ğasırdan Tönyaq-Könçığış Qawqazda häm Kaspiy buyı dalalarında küçmä tormış itkännär.
Xäzärlär dä Könçığış Awrupağa hunnar urdası belän bergä kilep çıqqannar.
Татарстан тарихы | |
Төзелү тарихы Шәһәрләр Ханнар 1552 Мәдәният Социаль һәм дини тормыш Уфа губернасы 90 нчы еллар |
Xäzärlär barsillar, sawirlar, bäläncärlär qäbilälärenä, şulay uq borınğı bolğar xalqına qärdäş xalıq bulğan. Xäzär tele borınğı bolğar telenä yaqın bulğan dip sanala.
Baştaraq xäzärlär Tönyaq Dağstannıñ Kaspiy yar buylarında häm Tübän İdelneñ uñyaq dalalarında küçenep yörgännär. Sawirlar belän bergäläp, alar xätta İran belän Vizantiä arasındağı köçle suğışlarda da qatnaşqannar. Ä sawirlar şul uq hunnar berlegendäge törki qäbilälärdän bulğannar, soñraq xäzärlär belän kileşep alar yaña berläşmä tözegännär.
VI yözneñ 60-nçı yıllarında xäzärlär Törki qahanlığı buysınuında qalğannar. Yöz yıllap waqıt ütkäç, alar annan ayırılıp çıqqannar häm üzläreneñ däwläten — Xäzär qahanlığın - oyıştırğannar. Ğomumän, xäzärlär häm Törki qahanlığınıñ töp xalqı, fändä qabul itelgänçä, bik borınğı Aşin — «büre» ıruınnan çıqqannar, ä büre böten törki dönyası başlanğıçınıñ simvolı bulıp isäplänä. Başta xäzärlär arasında Täñreçelek dine taralğan bulğan.
X ğasırda Xäzär qahanlığı tarqala, ä xäzärlär bütän törki xalıqlarda arasında taralğan, soñraq alar Altın Urdağa kergän.
Xäzär qahanlığında ğadi xalıq İslam häm Xristian dinen qabul itkän, ä qayber xäzär aqsöyäkläre Yähüd dinen qabul itkän.
Yähüd dinen qabul itkän xäzärlär Awrupadağı yähüdlär-aşkenazi, qaraimnar, qırımçaqlar näsel başlığı bulıp sanala, xristian dinen qabul itkän xäzärlär kazaklar (ukrainnar, urıslar) arasında yuğalğan, ä İslam dinen qabul itkän xäzärlär - tatarlar häm Qawqaz törki xalıqlarına ağıp kergän.
This article uses material from the Wikipedia Tatarça / Татарча article Xäzärlär, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мәгълүмат CC BY-SA 4.0 буенча таратыла (әгәр башкасы күрсәтелмәсә). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tatarça / Татарча (DUHOCTRUNGQUOC.VN) is an independent company and has no affiliation with Wiki Foundation.