Nudels

Para sa ibang gamit, tingnan ang luglog (paglilinaw).

Ang salitang pansit ay karaniwang ginagamit na panawag sa mga mahahabang nudel na gawa mula sa bigas.

Gawa ang mga nudels mula sa mga masa (dough) na walang lebadura na hinugisan para maging payat na mga hibla o bilugang silindro (hugis tubo), at niluluto sa kumukulong tubig. Ayon sa uri, maaaring tuyuin o pinalalamig muna ang mga nudel bago lutuin. Nagmula ang katawagan nito sa Ingles – noodle – mula sa nudel ng wikang Aleman. Sa Ingles, ang noodle ang pinakapanlahatang katawagan para sa mga masang walang lebadura na gawa mula sa iba’t ibang tipo ng mga sahog at kinabibilangan ng sari-saring mga hugis. Pangkaraniwang inihahain ang mga nudels, na kaparis ng mga laso, na may kasamang sarsa o nakababad sa mga sabaw.

Nagmula sa Dinastiya ng Silangang Han – sa pagitan ng AD 25 at 220 – ang unang nasusulat na mga pagbanggit tungkol sa mga nudels. Noong Oktubre 2005, natuklasan ang pinakamatandang nudel mula sa Lajia (kalinangan Qijia) sa may Ilog Dilaw ng Qinghai, Tsina. Sinasabing gawa mula sa foxtail millet at broomcorn millet ang mga luglog na ito na mayroon nang gulang na 4,000 mga taon.

• bihon
• miswa
• makaroni
• ispageti
• miki
• ramen