Pamahiin

Karaniwang nailalapat ang mga paniniwalang ito at kaugalian sa suwerte, propesiya, at ilang espirituwal na nilalang, partikular ang paniniwala na maaring mahulaan ang kaganapan sa hinaharap sa pamamagitan ng partikular na (tila) hindi kaugnay na nakaraang pangyayari.

Gayon din, kadalasang ginagamit ang salitang pamahiin upang tukuyin sa isang kasanayang panrelihiyon na hindi ginagawa ng karamihan sa isang binigay na lipunan na hindi alintana ang namamayaning relihiyon na mayroon din hinihinalang pamahiin.

Kadalasang panira sa pangkalahatan ang pagtutukoy sa isang bagay bilang pamahiin. Ang bagay na sinasabing ganito sa karaniwang pananalita ay tinutukoy bilang pamabayang paniniwala (folk belief) sa polklorístika.

Sa kulturang Pilipino, bahagi na ang pamahiin sa matagal na panahon at ginagawa pa rin ng karamihan. Bagaman walang basehan ang mga ito, mayroon makukuha dito na mabuting halimbawa, gawi at pag-iingat. Ilan lamang sa halimbawa ng pamahiing Pilipino ang ang oro, plata, mata na nagsasabing kung nahahati sa tatlo ang hakbang ng hagdan ng isang tahanan ay nangangahulgang nakakaakit ang sambayanan sa kamatayan. Ang isang pang halimbawa ng pamahiin ay ang paglalagay ng ngipin ng isang bata sa bubong upang makaakit ng suwerte. May mga Pilipino din na kahit hindi naniwala sa pamihiin ay sinusunod pa rin tulad ng hindi pagtulog na basa ang buhok dahil nakakabulag o ang hindi pagwalis sa gabi dahil aalis ang suwerte.