విజయ్ సాయి: హాస్యనటుడు

హాస్యప్రధాన పాత్రలు ఎక్కువగా పోషించాడు. కుటుంబ కలహాల నేపథ్యంలో 2017 డిసెంబరు 11 సోమవారం రోజున తన ఇంట్లో ఆత్మహత్య చేసుకున్నాడు.

విజయ్ సాయి పూర్వీకులు మహారాష్ట్రకు చెందినవారు. తర్వాత వీరు ఒంగోలు లోని రంగుతోటకు వచ్చి స్థిరపడ్డారు. విజయ్ తల్లిదండ్రులు సుబ్బారావు, లక్ష్మీ దేవి. పదో తరగతి వరకు విజయ్ అక్కడే చదివాడు. విజయ్ వేదికలపై బ్రేక్ డ్యాన్సులతో అలరించేవాడు. కుమారుని హీరోగా చూడాలనే తలంపుతో తండ్రి హైదరాబాదులో స్థిరపడ్డాడు. విజయ్ కు వనిత అనే ఆమెతో వివాహం అయిన తర్వాత ఓ పాప కుందన జన్మించింది. తర్వాత దంపతులిద్దరూ విడిపోయారు. విడాకుల అనంతరం పాప తల్లి సమక్షంలోనే ఉంది. పాపను చూసేందుకు భార్య అనుమతించకపోవడంతో మనస్తాపానికి గురయ్యాడు.

• అమ్మాయిలు అబ్బాయిలు
• ఒకరికి ఒకరు
• మంగళ
• కరెంట్
• వరప్రసాద్ పొట్టిప్రసాద్
• ప్రేమించుకున్నాం పెళ్ళికి రండి (2004)
• బొమ్మరిల్లు
• నా గర్ల్‌ఫ్రెండ్ బాగా రిచ్ (2009)
• ఇందుమతి
• ఏకలవ్యుడు
• అదుగో (2018)

2017 డిసెంబరు 11 సోమవారం హైదరాబాదులోని యూసఫ్ గూడ లోని తన ఫ్లాట్ లో ఆత్మహత్య చేసుకున్నాడు. ఆత్మహత్యకు ముందు విజయ్ తన సెల్ ఫోనులో సెల్ఫీ వీడియో తీసుకున్నాడు. అందులో పరువు, మానసిక వేదనతో ఆత్మహత్య చేసుకున్నట్లు తెలిపాడు. తన చావుకు భార్య వనిత, వరలక్ష్మి, విన్నీ, బృందతోపాటు పారిశ్రామికవేత్త శశిధర్‌, న్యాయవాది శ్రీనివాస్‌ కారణమని ఆరోపించాడు. వీరంతా తనను మానసికంగా హింసించారని ఆవేదన వ్యక్తం చేశాడు.

విజయ్ తండ్రి సుబ్బారావు ఫిర్యాదు మేరకు పోలీసులు విజయ్ భార్య వనిత, శశిధర్, న్యాయవాది శ్రీనివాస్ లపై కేసు నమోదు చేశారు. వీరిని అరెస్టు చేయడానికి వెళ్ళగా పరారయ్యారని 2017 డిసెంబరు 15 న పోలీసులు తెలిపారు.