ఫరీద్ రఫీక్ జకారియా (జననం 1964 జనవరి 20) భారతీయ అమెరికన్ పాత్రికేయుడు, రాజకీయ వ్యాఖ్యాత, రచయిత.
ఆయన సిఎన్ఎన్ టెలివిజన్ ప్రసారం చేస్తున్న ఫరీద్ జకారియా జీపిఎస్ కార్యక్రమానికి హోస్ట్, అత్యంత ప్రజాదరణ పొందిన ది వాషింగ్టన్ పోస్ట్ ఆంగ్ల పత్రికకు కాలమిస్టు. అంతేకాకుండా, ఆయన న్యూస్వీక్ అనే అమెరికన్ వీక్లీ న్యూస్ మ్యాగజైన్ కాలమిస్ట్గా, న్యూస్వీక్ ఇంటర్నేషనల్ ఎడిటర్గా, టైమ్ పత్రికకు ఎడిటర్గా వ్యవహరిస్తున్నాడు.
ఫరీద్ జకారియా | |
---|---|
జననం | ఫరీద్ రఫిక్ జకారియా 1964 జనవరి 20 ముంబై, మహారాష్ట్ర, భారతదేశం |
విద్య | బ్యాచిలర్ ఆఫ్ ఆర్ట్స్ (యేల్ యూనివర్సిటీ) మాస్టర్ ఆఫ్ ఆర్ట్స్ (హార్వర్డ్ యూనివర్సిటీ), డాక్టర్ ఆఫ్ ఫిలాసఫీ |
వృత్తి |
|
ఉద్యోగం | సిఎన్ఎన్ (CNN) |
Notable credit(s) | ఫరీద్ జకారియా జిపిఎస్, హోస్ట్ (2008–ప్రస్తుతం) టైమ్ మ్యాగజైన్ సంపాదకుడు (2010–2014) న్యూస్వీక్ ఇంటర్నేషనల్, సంపాదకుడు(2000–2010) ఫారిన్ ఎక్స్ఛేంజ్ (యూఎస్ టీవి సిరీస్), హోస్ట్ (2005–2007) ఫారిన్ ఎఫ్ఫైర్స్, మాజీ మేనేజింగ్ ఎడిటర్ |
జీవిత భాగస్వామి | పౌలా థ్రోక్మోర్టన్ (m. 1997; div. 2018) |
పిల్లలు | 3 |
తల్లిదండ్రులు | రఫీక్ జకారియా (తండ్రి) ఫాతిమా జకారియా (తల్లి) |
బంధువులు | అరిఫ్ జకారియా (కజిన్) ఆసిఫ్ జకారియా (కజిన్) |
పురస్కారాలు | పద్మభూషణ్ పురస్కారం (2010) |
జనవరి 2010లో, జర్నలిజం రంగానికి చేసిన కృషికి గానూ పద్మభూషణ్ పురస్కారంతో ఆయనను భారత ప్రభుత్వంసత్కరించింది.
ఫరీద్ జకారియా ముంబైలో కొంకణి ముస్లిం కుటుంబంలో జన్మించాడు. ఆయన తండ్రి, రఫీక్ జకారియా (1920-2005), ఇండియన్ నేషనల్ కాంగ్రెస్తో సంబంధం ఉన్న రాజకీయ నాయకుడు, ఇస్లామిక్ వేదాంతవేత్త. ఆయన తల్లి ఫాతిమా జకారియా (1936–2021), అతని తండ్రి రెండవ భార్య, ఆమె కొంతకాలం సండే టైమ్స్ ఆఫ్ ఇండియా సంపాదకురాలు.
ఫరీద్ జకారియా ముంబైలోని కేథడ్రల్ అండ్ జాన్ కానన్ స్కూల్లో చదివాడు. ఆయన 1986లో యేల్ యూనివర్సిటీ నుండి బ్యాచిలర్ ఆఫ్ ఆర్ట్స్తో పట్టభద్రుడయ్యాడు, అక్కడ అతను యేల్ పొలిటికల్ యూనియన్ అధ్యక్షుడిగా, యేల్ పొలిటికల్ మంత్లీకి ఎడిటర్ ఇన్ చీఫ్, స్క్రోల్ అండ్ కీ సొసైటీ సభ్యుడు, పార్టీ ఆఫ్ ది రైట్ సభ్యుడు. ఆ తరువాత, ఆయన 1993లో హార్వర్డ్ విశ్వవిద్యాలయం నుండి పి.హెచ్.డి పొందాడు.
ఆయన యునైటెడ్ స్టేట్స్ పౌరసత్వం కలిగి ఉన్నాడు. 1997లో, ఆయన ఆభరణాల డిజైనర్ అయిన పౌలా థ్రోక్మోర్టన్ను వివాహం చేసుకున్నాడు. ఈ దంపతులకు ముగ్గురు పిల్లలు ఉన్నారు. జూలై 2018లో, అతని భార్య విడాకుల కోసం దరఖాస్తు చేసింది. ఆయన న్యూయార్క్ నగరంలోని అప్పర్ వెస్ట్ సైడ్లో నివసిస్తున్నాడు.
This article uses material from the Wikipedia తెలుగు article ఫరీద్ జకారియా, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). అదనంగా సూచించని పక్షంలో పాఠ్యం CC BY-SA 4.0 క్రింద లభ్యం Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki తెలుగు (DUHOCTRUNGQUOC.VN) is an independent company and has no affiliation with Wiki Foundation.