కోమటిరెడ్డి వెంకటరెడ్డి భారతదేశానికి చెందిన రాజకీయ నాయకుడు.
ఆయన నల్లగొండ నియోజకవర్గం నుండి ఐదుసార్లు ఎమ్మెల్యేగా, ఒకసారి లోక్సభ సభ్యుడిగా, ఉమ్మడి ఆంధ్రప్రదేశ్, తెలంగాణ రాష్ట్రంలో మంత్రిగా పని చేశాడు.
కోమటిరెడ్డి వెంకటరెడ్డి | |||
| |||
అధికారంలో ఉన్న వ్యక్తి | |||
అధికార ప్రారంభం 07 డిసెంబర్ 2023 | |||
గవర్నరు | తమిళిసై సౌందరరాజన్ | ||
---|---|---|---|
ఎమ్మెల్యే | |||
పదవీ కాలం 03 డిసెంబర్ 2023 – ప్రస్తుతం | |||
నియోజకవర్గం | నల్గొండ | ||
పదవీ కాలం 2014 – 2018 | |||
ముందు | బూర నర్సయ్య గౌడ్ | ||
నియోజకవర్గం | నల్గొండ | ||
తెలంగాణ కాంగ్రెస్ స్టార్ క్యాంపెయినర్ | |||
ప్రస్తుత పదవిలో | |||
అధికార కాలం 2022 | |||
నియోజకవర్గం | భువనగిరి | ||
పదవీ కాలం 23 మే 2019 – 06 డిసెంబర్ 2023 | |||
నియోజకవర్గం | భువనగిరి | ||
ఎమ్మెల్యే | |||
పదవీ కాలం 1999 – 2014 | |||
నియోజకవర్గం | నల్గొండ | ||
వ్యక్తిగత వివరాలు | |||
జననం | బ్రాహ్మణవెల్లెంల, నార్కెట్పల్లి మండలం, నల్లగొండ జిల్లా | 1965 మే 23||
జాతీయత | భారతీయుడు | ||
రాజకీయ పార్టీ | భారత జాతీయ కాంగ్రెస్ | ||
తల్లిదండ్రులు | పాపిరెడ్డి, సుశీలమ్మ | ||
జీవిత భాగస్వామి | కోమటిరెడ్డి సబితా | ||
బంధువులు | కోమటిరెడ్డి రాజగోపాల్ రెడ్డి | ||
సంతానం | శ్రీనిధి | ||
నివాసం | నల్లగొండ, తెలంగాణ |
కోమటిరెడ్డి వెంకటరెడ్డి 2023లో జరిగిన అసెంబ్లీ ఎన్నికల్లో ఎమ్మెల్యేగా గెలిచి, డిసెంబర్ 07న రోడ్లు, భవనాలు, సినిమాటోగ్రఫీ శాఖ మంత్రిగా భాద్యతలు చేపట్టాడు.
కోమటిరెడ్డి వెంకటరెడ్డి 1965 మే 23న తెలంగాణ రాష్ట్రం, నల్లగొండ జిల్లా, నార్కెట్పల్లి మండలం, బ్రాహ్మణవెల్లెంల గ్రామంలో కోమటిరెడ్డి పాపిరెడ్డి, సుశీలమ్మ దంపతులకు జన్మించాడు. ఆయన 1980లో హైదరాబాద్, మలక్పేట్లోని అమరజీవి పొట్టి శ్రీరాములు ఉన్నత పాఠశాల నుంచి ఎస్ఎస్సీ, పత్తర్ఘట్టీలోని ఎన్.బీ.సైన్స్ కాలేజీలో ఇంటర్మీడియట్, గండిపేట్లోని చైతన్య భారతి ఇనిస్టిట్యూట్ ఆఫ్ టెక్నాలజీ నుంచి బి.ఇ. పట్టా అందుకున్నాడు.
కోమటిరెడ్డి వెంకటరెడ్డి కాంగ్రెస్ పార్టీ ద్వారా రాజకీయాల్లోకి వచ్చి పరిలో వివిధ హోదాల్లో పని చేసి 1999లో జరిగిన అసెంబ్లీ ఎన్నికల్లో నల్గొండ శాసనసభ నియోజకవర్గం నుండి తొలిసారి ఎమ్మెల్యేగా అసెంబ్లీకి ఎన్నికయ్యాడు. ఆయన ఆ తరువాత 2004, 2009, 2014లో వరుసగా ఎమ్మెల్యేగా ఎన్నికయ్యాడు. ఆయన వైఎస్సార్, రోశయ్య మంత్రివర్గాలలో ఐటీ, యువజన సర్వీసులు, క్రీడల మంత్రిగా, కిరణ్ కుమార్ రెడ్డి మంత్రివర్గంలో మౌలిక వసతులు, పెట్టుబడులు, రేవుల శాఖ మంత్రిగా పని చేశాడు.
కోమటిరెడ్డి వెంకటరెడ్డి 2018 తెలంగాణ అసెంబ్లీ ఎన్నికల్లో నల్గొండ అసెంబ్లీ నియోజకవర్గం నుండి కాంగ్రెస్ పార్టీ తరపున పోటీ చేసి ఓటమి పాలయ్యాడు. ఆయన 2019 లోక్సభ ఎన్నికల్లో పార్లమెంట్ ఎన్నికల్లో భువనగిరి నియోజకవర్గం నుండి కాంగ్రెస్ పార్టీ తరపున పోటీ చేసి తన సమీప ప్రత్యర్థి తెలంగాణ రాష్ట్ర సమితి అభ్యర్థి బూర నర్సయ్య గౌడ్ పై 4500 ఓట్ల మెజారిటీతో గెలిచాడు. 2022 ఏప్రిల్ 10న కాంగ్రెస్ అధిష్టానం ఆయనను 2023 శాసన సభ ఎన్నికల టీ కాంగ్రెస్కు స్టార్ క్యాంపెనర్గా నియమించింది. ఆయనను 2023 సెప్టెంబరు 20న కాంగ్రెస్ ఎన్నికల స్క్రీనింగ్ కమిటీలో స్థానం కల్పిస్తూ కాంగ్రెస్ అధిష్టానం నిర్ణయం తీసుకుంది.
కోమటిరెడ్డి వెంకటరెడ్డి 2023లో జరిగిన అసెంబ్లీ ఎన్నికల్లో నల్గొండ నుండి ఎమ్మెల్యేగా గెలిచి, డిసెంబర్ 07న రోడ్లు, భవనాలు, సినిమాటోగ్రఫీ శాఖ మంత్రిగా ప్రమాణస్వీకారం చేసి, డిసెంబర్ 10న తెలంగాణ సచివాలయంలోని 5వ అంతస్తు తన చాంబర్లో అధికారికంగా బాధ్యతలు స్వీకరించాడు.
కోమటిరెడ్డి వెంకట్రెడ్డి 2024లో జరగబోయే లోక్సభ ఎన్నికల్లో డిసెంబర్ 18న భువనగిరి లోక్సభ నియోజకవర్గ ఇన్చార్జ్గా కాంగ్రెస్ పార్టీ నియమించగా, డిసెంబర్ 24న ఖమ్మం జిల్లా ఇన్చార్జ్ మంత్రిగా రాష్ట్ర ప్రభుత్వం నియమించింది. లోక్సభ ఎన్నికల్లో భువనగిరి ఇన్చార్జ్గా ఉన్న ఆయనను మార్చి 31న సికింద్రాబాద్ లోక్సభ ఇన్చార్జ్గా మారుస్తూ తెలంగాణ రాష్ట్ర కాంగ్రెస్ ఇంచార్జ్ దీపాదాస్ మున్షీ ప్రకటించింది.
కోమటిరెడ్డి వెంకటరెడ్డి తెలంగాణ ఉద్యమంలో కీలకంగా పని చేసి, 2010లో ఒకసారి, 2011 అక్టోబరులో మరోసారి తన శాసనసభ సభ్యత్వానికి రాజీనామా చేయగా అప్పటి కాంగ్రెస్ ప్రభుత్వం ఆయన రాజీనామాలను అంగీకరించలేదు. తెలంగాణ రాష్ట్ర ఏర్పాటును కోరుతూ నల్గొండ పట్టణంలో నవంబరు 1, 2011 నుంచి తొమ్మిది రోజుల పాటు నిరాహార దీక్ష చేపట్టాడు.
సంవత్సరం | వివరణ |
---|---|
1999 | మొదటిసారి ఎమ్మెల్యేగా ఎన్నికయ్యాడు |
2004 | 2వ సారి ఎమ్మెల్యేగా ఎన్నికయ్యాడు |
2009 | 3వ సారి ఎమ్మెల్యేగా ఎన్నికయ్యాడు వైఎస్సార్, రోశయ్య, కిరణ్ కుమార్ రెడ్డి మంత్రివర్గాలలో
|
2014 | 4వ సారి ఎమ్మెల్యేగా ఎన్నికయ్యాడు
|
2019 | 17వ లోక్సభకు భువనగిరి నుండి ఎంపీగా ఎన్నికయ్యాడు
|
2023 | 5వ సారి ఎమ్మెల్యేగా ఎన్నికయ్యాడు
|
కోమటిరెడ్డి వెంకటరెడ్డి కుమారుడు కోమటిరెడ్డి ప్రతీక్ రెడ్డి 2011లో మెదక్ జిల్లా కొల్లూరు వద్ద జరిగిన రోడ్డు ప్రమాదంలో మరణించాడు. ఆయన ఆ తరువాత తన కుమారుడి జ్ఞాపకార్థం కోమటిరెడ్డి ప్రతీక్ ఫౌండేషన్ను ఏర్పాటు చేసి నల్గొండ పట్టణంలో రూ.3.5 కోట్లు ఖర్చు చేసి ప్రతీక్ స్మారక ప్రభుత్వ బాలుర జూనియర్ కళాశాల, బాలికల కోసం వృత్తి విద్యా నైపుణ్య కళాశాలను ఏర్పాటు చేసి, రోడ్డు భద్రతపై అవగాహన కార్యక్రమాలను చేపట్టి ఫౌండేషన్ తరపున ఒక అంబులెన్స్ను ఏర్పాటు చేశాడు. కోమటిరెడ్డి ప్రతీక్ ఫౌండేషన్ ద్వారా జాబ్ మేళాను నిర్వహించి నిరుద్యోగ యువతకు ఉద్యోగ అవకాశాలను అందిస్తున్నాడు.
This article uses material from the Wikipedia తెలుగు article కోమటిరెడ్డి వెంకటరెడ్డి, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). అదనంగా సూచించని పక్షంలో పాఠ్యం CC BY-SA 4.0 క్రింద లభ్యం Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki తెలుగు (DUHOCTRUNGQUOC.VN) is an independent company and has no affiliation with Wiki Foundation.