92వ అకాడమీ పురస్కారాలు ప్రదానోత్సవ కార్యక్రమం 2020, ఫిబ్రవరి 9న (భారత కాలమానం ప్రకారం ఫిబ్రవరి 10 సోమవారం ఉదయం) అమెరికా కాలిఫోర్నియా లాస్ ఎంజెల్స్ నగరంలోని హాలీవుడ్ డాల్బీ థియేటర్లో జరిగింది.
2019లో ప్రపంచవ్యాప్తంగా రూపొందిన చిత్రాలనుండి ఉత్తమ చిత్రాలను ఎంపికచేసి అకాడమీ ఆఫ్ మోషన్ పిక్చర్ ఆర్ట్స్ అండ్ సెన్సెస్ వారిచే ఆస్కార్ అవార్డులు ఇవ్వబడ్డాయి. ఈ పురస్కారంలో భాగంగా 24 విభాగాలలో అకాడమీ అవార్డులను అందించారు. యునైటెడ్ స్టేట్స్ లో ఈ కార్యక్రమాన్ని అమెరికన్ బ్రాడ్ కాస్టింగ్ కంపెనీ ప్రసారం చేసింది, దీనికి లినెట్ హోవెల్ టేలర్, స్టెఫానీ అలైన్ నిర్మాతలుగా వ్యవహరించగా, గ్లెన్ వైస్ దర్శకత్వం వహించాడు. 2019లో వ్యాఖ్యాత లేకుండా నిర్వహించిన 91వ అకాడమీ పురస్కారాలు కార్యక్రమం విజయవంతం అయినందువల్ల, ఈసారి కూడా మళ్ళీ వ్యాఖ్యాత లేకుండా నిర్వహించబడుతుందని అమెరికన్ బ్రాడ్ కాస్టింగ్ కంపెనీ ప్రకటించింది.
92వ అకాడమీ పురస్కారాలు | |
---|---|
Date | ఫిబ్రవరి 9, 2020 ( భారత కాలమానం ప్రకారం 2020, ఫిబ్రవరి 10 సోమవారం ఉదయం) |
Site | డాల్బీ థియేటర్ హాలీవుడ్, లాస్ ఎంజెల్స్, కాలిఫోర్నియా, అమెరికా |
Produced by | లినెట్ హోవెల్ టేలర్ స్టెఫానీ అలైన్ |
Directed by | గ్లెన్ వైస్ |
Highlights | |
ఉత్తమ చిత్రం | పారాసైట్ |
ఎక్కువ పురస్కారాలు | పారాసైట్ (4) |
ఎక్కువ నామినేషన్లు | జోకర్ (11) |
Television coverage | |
Network | అమెరికన్ బ్రాడ్ కాస్టింగ్ కంపెనీ |
Duration | 3 గంటల, 35 నిముషాలు |
అకాడమీ 11వ వార్షిక గవర్నర్స్ అవార్డుల వేడుక 2019, అక్టోబరు 27న హాలీవుడ్ ప్రాంతంలోని హైలాండ్ సెంటర్ గ్రాండ్ బాల్రూమ్లో నిర్వహించబడింది.
ఆస్కార్ అవార్డుగా పిలవబడుతున్న అకాడమీ పురస్కారాలు అకాడమీ ఆఫ్ మోషన్ పిక్చర్ ఆర్ట్స్ అండ్ సైన్సెస్ ప్రతీ ఏటా చలనచిత్రరంగంలో అత్యుత్తమ ప్రతిభ కనబర్చిన దర్శకులకు, నటీనటులకు, రచయితలకు, ఇతర సాంకేతిక నిపుణులకు ఇచ్చే ప్రతిష్ఠాత్మక బహుమతులు. మొట్టమొదటి అకాడమీ అవార్డుల ప్రదానోత్సవం 1929, మే 16న హాలీవుడ్లోగల హోటల్ రూజ్వెల్ట్లో జరిగింది. 1927, 1928 సంవత్సరాలలో చలనచిత్ర రంగంలో అత్యుత్తమ ప్రతిభ కనబరిచిన వారిని సన్మానించడంకోసం నటుడు డగ్లస్ ఫెయిర్ బ్యాంక్స్, విలియం డెమిలీ కలిసి ఈ పురస్కారాన్ని ఏర్పాటు చేశారు.
దక్షిణ కొరియా చిత్రం పారాసైట్ ఉత్తమ చిత్రంతోసహా నాలుగు అవార్డులతో ప్రథమస్థానంలో నిలిచింది, విదేశీ భాషకు చెందిన ఒక సినిమా ఉత్తమ చిత్రంగా ఎంపికకాడం ఇదే తొలిసారి. 1917 సినిమా మూడు అవార్డులను గెలుచుకోగా ఫోర్డ్ వర్సెస్ ఫెరారీ, జోకర్, వన్స్ అపాన్ ఏ టైమ్ ఇన్ హాలీవుడ్ సినిమాలు రెండు అవార్డుల చొప్పున గెలుచుకున్నాయి.
92వ అకాడమీ పురస్కారాల్లో, 53 సినిమాల నుండి 124 నామినేషన్లు వచ్చాయి. వాటిల్లో 16 సినిమాలకు 24 విభాగాల్లో అకాడమీ బముమతులు వచ్చాయి.
నామినేషన్లు | సినిమా |
---|---|
11 | జోకర్ |
10 | ది ఇరిశ్వన్ |
1917 | |
వన్స్ అపాన్ ఏ టైమ్ ఇన్ హాలీవుడ్ | |
6 | జోజో ర్యాబిట్ |
లిటిల్ విమెన్ | |
మ్యారేజ్ స్టోరీ | |
పారాజైట్ | |
4 | ఫోర్డ్ వర్సెస్ ఫెరారీ |
3 | బాంబ్ షెల్ |
స్టార్ వార్స్: ది రైజ్ ఆఫ్ స్కైవాకర్ | |
ది టూ పోప్స్ | |
2 | హరిఎల్ |
హనీలాండ్ | |
జూడీ | |
పెయిన్ అండ్ గ్లోరీ | |
టాయ్ స్టోరి 4 |
పురస్కారాలు | సినిమా |
---|---|
4 | పారాసైట్ |
3 | 1917 |
2 | ఫోర్డ్ వర్సెస్ ఫెరారీ |
జోకర్ | |
వన్స్ అపాన్ ఏ టైమ్ ఇన్ హాలీవుడ్ |
This article uses material from the Wikipedia తెలుగు article 92వ అకాడమీ పురస్కారాలు, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). అదనంగా సూచించని పక్షంలో పాఠ్యం CC BY-SA 4.0 క్రింద లభ్యం Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki తెలుగు (DUHOCTRUNGQUOC.VN) is an independent company and has no affiliation with Wiki Foundation.