పై పాటలోని భాగం యొక్క అర్థం
“ | ఈశ్వర్ సత్య హై సత్య హీ శివ్ హై | ” |
—సత్యం శివం సుందరం అనే చిత్రంలో పాట భాగం |
-- లతా మంగేష్కర్ ఆలపించిన, వేకువ ఝామునే శివుని స్తుతిస్తూ, ఆ కుగ్రామంలో శివాలయాన్ని శుభ్రపరచే యువతిగా జీనత్ ఆమన్ నటించిన ఈ గీతం ఏ హిందువు మరువలేనిది. హైందవ ధర్మంలోని భక్తి/ఆధ్యాత్మికతలోనే పురుష లైంగికత శివుని రూపంలో నిగూఢమై ఉన్నదని, అది సత్యమని, అదే సుందరమని ఈ గీతం స్పష్టంగా తెలియజేస్తుంది!!
పురుష లైంగికత (ఆంగ్లం: Human Male Sexuality) అనగా పురుషుల శారీరక/మానసిక/సాంఘిక/సాంస్కృతిక/రాజకీయ లైంగిక స్వభావము, లైంగిక వాంఛలు, లైంగిక చర్యలు, లైంగిక స్పందనలు, వాటి సంబంధిత ప్రక్రియలు. పురుషుల లైంగికతకు సంబంధించిన నీతినియమాలు, మతంలోని పురుష లైంగికతలు కూడా పురుష లైంగికతలో భాగాలే.
అనాదిగా పురుష లైంగికత స్త్రీపురుషులిరువురికీ సమానంగా ఆనందోత్సాహాలని ఇచ్చింది. లలిత కళలలో, సంగీతంలో, సాహిత్యంలో అనేకానేకులకు ప్రేరణగా నిలిచింది. జీవరాశి జవసత్వాలతో కొనసాగటానికి భూమిపై జనాభివృద్ధికి కారణభూతమైనది. అయిననూ పురుష లైంగికత సానుకూల అభిప్రాయాన్ని మాత్రం పొందలేకపోయింది.
ప్రస్తుత సభ్యసమాజం పురుష లైంగికతను హేయమైనదిగా, మొరటుదనం గలదిగా, మృగతృష్ణగా పొరబడుతోంది. కానీ ఈ దురభిప్రాయానికి విరుద్ధంగా స్త్రీ లైంగికత ఎంత భిన్నమైనదో, క్లిష్టమైనదో, అద్భుతమైనదో పురుష లైంగికత కూడా అంతే భిన్నం, క్లిష్టం, అద్భుతం.
హిందూమతములో సృష్టి ప్రారంభం నుండే మానవ లైంగికతకు ప్రాధాన్యత ఉంది. దీనిలో భాగంగానే పురుష లైంగికత, స్త్రీ లైంగికతలు అనాదిగా ప్రస్తావించబడినవి.
శివుడి మూర్తీభవించిన రూపమే కాలగతికి చిహ్నం. ఆది పరాశక్తి యొక్క శక్తితో శివుడిలో చలనము కలుగుతుంది. ఈ శక్తితోనే శివుడు విశ్వవినాశనానికి, దాని పునర్నిర్మాణానికి కారకుడౌతాడు. మహాశక్తియే శివుడి భార్య.
భూమిపై ప్రకృతిగా అవతరించిన ఆది పరాశక్తి పరబ్రహ్మ స్వరూపం. పరమసత్య స్వరూపం. సృష్టి యొక్క మూల సృష్టికర్త, పరిరక్షకురాలు, వినాశకారి. ఆది పరాశక్తే అఖండ సత్యం. ఈ శక్తి దానికై అదే సంపూర్ణం. ఈ జగత్తుకు శివుడిని పురుషుని రూపంలో ఆహ్వానించటానికి తాను స్త్రీ రూపంలో జన్మనెత్తినది. భూభాగం పై ఆది పరాశక్తి ప్రాథమికంగా ఫలవంతమైన స్త్రీ స్వరూపంలో అవతరించిననూ పురుషావతారంలోనూ ఆ శక్తి నిగూఢంగా దాగి ఉంది. సాక్షాత్ పరమశివుడి స్త్రీ రూపమే ఆది పరాశక్తిగా, ఈ రూపమే మహాదేవిగా, పార్వతీ దేవిగా గుర్తింపబడుతోంది.
మహిషాసురుడి సోదరియైన మహిషి, అతని సంహరించిన దేవతలపై పగ సాధించాలని బ్రహ్మ కోసం తపస్సు చేసి అతడిని ఈ విధంగా కోరినది:
శివుడికి, కేశవుడికి పుట్టిన సంతానం తప్ప నన్నెవరూ జయించకూడదు. అది కూడా ఆ హరిహర తనయుడు పన్నెండేళ్ళపాటు భూలోకంలోని ఒక రాజు వద్ద సేవా ధర్మం నిర్వర్తించాలి, అలా కానిపక్షంలో అతడు కూడా నా ముందు ఓడిపోవాలి.
బ్రహ్మ మహిషికి ఆ వరం ప్రసాదించి అదృశ్యమైపోతాడు.
క్షీరసాగరమథనం అనంతరం దేవతలకు, రాక్షసులకు అమృతం పంచేందుకు విష్ణువు మోహినిగా అవతారం ధరించి కార్యం నిర్వహిస్తాడు. తరువాత అదే రూపంలో విహరిస్తున్న మోహినిని చూసి శివుడు ఆమె పట్ల ఆకర్షింపబడతాడు. వారి కలయికతో శివకేశవుల తేజస్సుతో శాస్త (అయ్యప్ప) జన్మించాడు.
అర్ధనారీశ్వర, బృహన్నల, శిఖండి అవతారాలు నపుంసకులను సూచిస్తాయి.
ఇతర మతాలు కూడా పురుషాంగం యొక్క ప్రాధాన్యతను గుర్తించాయి. పురుషాంగం
మొదలగు వాటికి సంకేతాలుగా గుర్తించబడింది.
పురుష లైంగికత యొక్క కారకాలు ఈ క్రింది అంశాలను బట్టి ఉంటాయి.
పురుషులు తమని తాము అర్థం చేసుకోకుండా, తమకు కావలసిందేమిటో తెలుసుకోకుండా దూసుకుపోవాలనుకోవటం వలన తమను తాము పురుషులుగా స్థాపించుకోలేక, కావలసినది అందుకోలేక అర్థం లేని పోటీతత్వంలో ఇరుక్కుపోతారు.
ఈ క్రింది ఆకర్షణలలో కొన్ని సరి అనిపించిననూ, మరికొన్ని మనల్ని ఆశ్చర్యానికి గురి చేసిననూ ఇవి వాస్తవాలు. పైగా పురుషుని అనుభవంలో ఇవి ఆరోగ్యకరం, సహజం, సాధారణం.
మొదటి నుండి స్త్రీలతో పోలిస్తే పురుషులలోనే లైంగిక ఆసక్తి ఎక్కువ అనే నానుడి ఉంది. ఇందులో ఎంతోకొంత సత్యం లేకపోలేదు.
లైంగిక ప్రేరేపణను అందించే స్పర్శ, వాసన, చూపు, ఆలోచన లేదా ఊహ పురుషులలో లైంగిక స్పందనను కలుగజేస్తుంది. సాధారణ స్థితిలో పురుషాంగం లోనికి ప్రవహించే రక్తం, పురుషాంగం నుండి బయటకు ప్రవహించే రక్తం సమపాళ్ళలో ఉంటుంది. అయితే, అంగస్థంబన జరుగుతూ ఉన్న సమయంలో బయటకు ప్రవహించే రక్తం కన్నా లోనికి ప్రవహించే రక్తం క్రమంగా హెచ్చుతుంది. దీంతో చాలా రక్తం పురుషాంగం లోనే బంధించబడి ఉంటుంది. అందుకే అది వ్యాకోచించి గట్టిపడుతుంది. వృషణాలు పరిమాణంలో పెరగటం, చనుమొనలు గట్టిపడటం లేదా నిక్కబొడుచుకొనటం, అధిక రక్తప్రసరణ జరిగిన చోట చర్మం ఎర్రబడటం జరుగుతాయి. రక్త పీడనం, గుండె వేగం, శ్వాసవేగం కూడా పెరుగుతాయి. శరీరం ఆసాంతం కండరాలలో పట్టు పెరుగుతుంది. తర్వాత పురుషుడు సంభోగానికి ఉపక్రమిస్తాడు.
పురుషుల భావప్రాప్తి జరిగేముందు అది జరగబోతోందని వారు గ్రహించగలరు. వీర్య స్ఖలనం 2-3 సెకన్ల పాటు జరుగుతుంది. భావప్రాప్తి జరిగే సమయంలో కండరాలు కుంచించుకుపోతాయి. వారు తీవ్రమైన, ఆనందకరమైన భావాలకు లోనవుతారు. సౌఖ్యాన్ని అందించే ఈ భావోద్రేకాలతో వారు తీయగా ముక్కటం, మూల్గటం, అరవటం/కేకలు వేయటం, రొప్పటం, శ్వాస/దంతాలు బిగపట్టటం, భాగస్వామిని గట్టిగా హత్తుకోవటం/గాఢంగా చుంబించటం, పిడికిళ్ళు బిగించటం, భాగస్వామి అరచేతులను తమ అరచేతులతో నులమటం వంటివి చేస్తారు. ఈ క్రమంలోనే పురుషాంగం వీర్యాన్ని స్ఖలిస్తుంది. కాళ్ళు, ఉదరభాగం, చేతులు, వీపు, పురుషాంగం ఆకస్మికంగా పలుమార్లు కుంచించుకుపోయి తిరిగి చైతన్యవంతం అవ్వటం గమనించవచ్చును. వీర్యం ఒక్క ఉదుటున బయటకు దూకటమో, లేక మెల్లగా ఊటలా ఊరటమో జరుగుతుంది. పురుషుడికి సడలిపోయిన, ప్రశాంతమైన భావన కలుగుతుంది. విశ్రాంతిగా అనిపిస్తుంది. పురుషాంగంలోకి రక్తప్రసరణ తరుగుతూ వస్తుంది. పురుషుడు నిదానిస్తాడు. రక్తప్రసరణ తిరిగి సమస్థితికి చేరుకొనగనే అంగం పూర్తిగా మెత్తబడి యథాస్థితికి చేరుకొంటుంది. ఇక మరికొంత సమయం వరకు పురుషునిలో అంగస్థంబనగానీ, వీర్యస్ఖలనం గానీ జరగవు. దీనినే వక్రీభవన కాలము (refractory period) అంటారు. వక్రీభవన కాలము యొక్క నిడివి పరిస్థితులను బట్టి, వయస్సును బట్టి ఒక్కొక్కరిలో ఒక్కొక్క విధంగా ఉంటుంది.
పురుషుని లైంగిక స్పందనలు పలు కారకాలపై ఆధారపడి ఉంటుంది. అవి:
సాధారణంగా పురుషులకు వీర్యస్ఖలనం, భావప్రాప్తి ఒక్కటే. సాంకేతికంగా ఇవి రెండు వేర్వేరు అంశములు.
నవ తంత్రములో దీని గురించి విస్తృతంగా చర్చించబడింది. స్ఖలించకనే భావప్రాప్తి ఎలా పొందవచ్చును? ఒకే సంయోగంలో పలుమార్లు ఎలా భావప్రాప్తి పొందవచ్చును? తను స్ఖలించాలనుకొన్నప్పుడే పురుషుడు ఎలా స్ఖలించవచ్చునో, ఇందులో మెళకువలు ఉన్నాయి.
ప్రతి పురుషుడు కొండకచో అంగస్థంబన సమస్యలు ఎదుర్కొంటారు. ఇది సర్వసాధారణం. ఎపుడో ఒక మారు ఈ సమస్యను ఎదుర్కొన్నంత మాత్రాన నపుంసత్వం ఆవహించినట్లు కాదు. కొందరు పురుషులలో హస్తప్రయోగం సమయంలో అంగం స్థంబించిననూ, భాగస్వామితో సంభోగానికి పూనుకొన్నపుడు మాత్రం సమస్యగా ఉంటుంది. ఇది ఎంతమాత్రం విచిత్రం కాదు.
దీనికి పలు కారణాలు ఉండవచ్చును.
సాధారణంగా యువకులైన పురుషులలో మానసికాందోళనల వలన, వయసు పై బడిన వారిలో శారీరక కారణాల వలన ఈ సమస్య ఎదురౌతుంది.
ఒత్తిడి, ఆందోళనలలో ఉన్న సమయాలలో శీఘ్ర స్ఖలనం సర్వసాధారణం. అయితే ఏది శీఘ్రస్ఖలనం, ఏది కాదు అనేది చర్చించవలసిన అంశం. సాధారణంగా పురుషుడు తాను స్ఖలిస్తాననుకొన్న సమయం కన్నా ముందే స్ఖలించటం, లేదా భాగస్వామిని సంతృప్తి పరచే లోపే స్ఖలించటాన్ని శీఘ్రస్ఖలనంగా పరిగణించవలసి ఉంటుంది. చాలా మంది పురుషులు, స్థంబించిన పురుషాంగాన్ని యోని లోకి ప్రవేశపెట్టిన 2-3 నిముషాలకు స్ఖలిస్తారు. (పుస్తకాలు, చిత్రాలు, పుకార్లు ఈ నిడివిని అతిశయంగా పెంచి గంటల తరబడి పురుషులు సంభోగించటం వంటివి చెప్పటం/చూపటం చేస్తాయి. కానీ ఇది వాస్తవం కాదు.) అదే స్త్రీలకైతే భావప్రాప్తి పొందటానికి సంభోగ సమయం 12-14 నిముషాల నిడివి అవసరం ఉంటుంది. కానీ ఈ సంభోగ సమయం ఆసాంతం యోని సంభోగమే అవ్వవలసిన అవసరం లేదు. కేవలం యోని సంభోగంతోనే వారు భావప్రాప్తి చేరుకొనరు. స్త్రీ భావప్రాప్తి పొందుటకు చుంబనం, స్పర్శ, యోనిశీర్ష ప్రేరేపణ వంటి ఇతర అనేక చర్యల అవసరం అవుతాయి. వాస్తవానికి కొంత మంది స్త్రీలు హస్తప్రయోగం చేసేటప్పుడు ఎటువంటి యోని సంభోగం లేకుండానే కేవలం యోనిశీర్ష ప్రేరేపణ తోనే భావప్రాప్తి పొందగలరు.
పురుష లైంగికతలోని స్వేచ్ఛను కొన్ని సంఘాల ఆమోదించగా, కొన్ని సంఘాలు ఆమోదించకపోవచ్చును. అందుకే కెనడా వంటి దేశాలు లింగభేదానికి, లైంగికతకు, లైంగిక వాంఛలకు, లైంగిక ఆకర్షణలకు అతీతంగా మానవ లైంగిక హక్కులను పరిరక్షించటానికి చట్టాలను చేశాయి.
పురుష లైంగికత గురించి పురుషుల కంటే కూడా, పురుషుల హక్కుల కొరకు పోరాడే స్త్రీలే ఎక్కువగా అర్థం చేసుకొన్నారు.
జస్లీన్ కౌర్ వీడియో వివాదం పై వార్తా ఛానెళ్ళు అన్నీ ముద్దాయి సరవ్ జీత్ సింగ్ కు శాపనార్థాలు పెడుతోండగా, లఘు చిత్ర రూపకర్త అయిన దీపికా భరద్వాజ్ అనే స్త్రీ మాత్రం రెండు వైపులా వినకుండా కేవలం ఒక స్త్రీ పురుషుడిపై చేసే లైంగిక వేధింపుల ఆధారంగానే అతను ఆమెను లైంగికంగా వేధించాడనే నిర్ధారణకు రావటం అసమంజసమని అవే వార్తా ఛానెళ్ళలో తెలిపారు. జస్లీన్ కౌర్ విషయంలో జరిగినది కేవలం ఒక వాదులాట మాత్రమేననీ, వాదులాటకూ, వేధింపుకూ తేడా ఉండేది మనం గమనించాలన్నారు. స్త్రీవాదులచే నిష్కర్షగా విమర్శింపబడుతోన్ననూ, పురుషుల హక్కుల కోసం పోరాడే ఈ స్త్రీలు మాత్రం వారెంచుకొన్న మార్గాన్ని వీడలేదు. వీరికి సన్నిహితులైన పురుషులు తప్పుడు వరకట్న వేధింపు వ్యాజ్యాలలో, తప్పుడు మానభంగ వ్యాజ్యాలలో స్త్రీల చేతే ఇరికించబడటం కళ్ళారా చూసిన వీరు, ఈ మార్గాన్ని ఎంచుకొన్నారు. ఈ చట్టాల దుర్వినియోగం పురుషులకే కాక, అత్త/ఆడపడుచు స్థానాలలో ఉన్న స్త్రీలకు కూడా శాపం కావటంతో ఈ మహిళలు ఈ చట్టాల దుర్వినియోగం ఆగాలని కోరుకొంటున్నారు.
రోహ్తక్ సోదరీమణుల వీడియో వివాదంలో సత్యాసత్యాల నిగ్గు తేల్చటానికి సైతం దీపిక స్వయంగా రోహ్తక్ బయలుదేరి అక్కడి ప్రత్యక్ష సాక్షులను విచారించి, ప్రసార మాధ్యమాలలో జరిగిన ప్రచారం వాస్తవాధారితం కాదని తెలుపటానికి తాను విచారించిన వారి వీడియోలు తీసి అంతర్జాలంలో పోస్టు చేసినది. తర్వాత ఈ సోదరీమణులకు పురుషులకు దేహశుద్ధి చేయటం పరిపాటి అని తేలినది. మెల్లగా ఈ ఉదంతాలలో నిజాలు బయటపడ్డాయి. తన స్వంత మాటలలో,
"Look, I totally get it that women suffer a lot in the country. There is a lot of sexism everywhere and women face a really raw deal. But what I want to show is that you can't correct that wrong by perpetuating another wrong. You can't have laws that are misused against men.
(చూడండి, ఈ దేశంలో ని సమస్యలతో స్త్రీలెలా సతమతమౌతారో నాకు పూర్తిగా అవగాహన ఉన్నది. సర్వత్రా లైంగికత వ్యాపించి ఉండటంతో, స్త్రీలు నిజంగానే అసౌకర్యాలకు గురౌతారు. కానీ నేను చూపించదలచుకొన్నదల్లా ఏంటంటే, ఒక తప్పును సరి చేయటానికి, మనం మరొక తప్పిదాన్ని చేయలేం. పురుషులపై చట్టాలక దుర్వినియోగానికి ఒడిగట్టలేం.)"
స్త్రీవాదులు చేసే వాదనకు భిన్నంగా, లైంగిక వేధింపుల/గృహ హింస వ్యాజ్యాలను బాధితులుగా చెప్పుకొనే స్త్రీలు వారు తమ వ్యాజ్యాలను వెనక్కు తీసుకోకపోవటానికి కారణం స్త్రీల పై ద్వేషం కాదని, ఇవి ధనవ్యామోహంతో బనాయించబడ్డ కేసులని పురుషుల హక్కుల కోసం పోరాడే స్త్రీలు తెలుపుతారు. పురుషులే ఎక్కువ ఆత్మహత్యలకు పాల్పడుతోన్న, పురుషులపైనే ఎక్కువగా హింస జరుపబడుతోన్న ప్రస్తుత తరుణంలో దృష్టి కేంద్రీకరించవలసినది స్త్రీ/స్త్రీ లైంగికత/స్త్రీ హక్కుల పైన కాదని, పురుషులు/పురుషుల లైంగికత/పురుషుల హక్కుల పైనేనని వీరు తెలిపారు. సహాయనిధులలో సైతం ఎక్కువ భాగం స్త్రీ సంక్షేమ సంస్థలకే కేటాయించబడుతోందని తెలిపారు.
అమెరికా సంయుక్త రాష్ట్రాలు అమలు చేయబోయే మహిళలపై హింసకు అంతర్జాతీయ చట్టం (The International Violence Against Women Act) ను నిరసిస్తూ ప్రపంచవ్యాప్తంగా పురుషులను కూడగట్టుకొని వాషింగ్టన్, డి.సి. లోని ఆ దేశపు కాంగ్రెస్ తో చర్చించటానికి ఉమా కిరణం బయలుదేరినది. ఈ చట్టం ప్రకారం బాధితులు రక్షించబడి, నేరస్థులు శిక్షించబడతారు. పాశ్చాత్య విలువలను భారతదేశం పైన రుద్దవద్దని, పురుషబాధితులను కూడా గుర్తించాలని ఉమా అభిప్రాయపడ్డారు. లైంగికత పై సాంఘిక అవగాహన కుంటుపడి ఉన్నదని, పురుష లైంగికత సంకుచితంగా అర్థం చేసుకొనబడి ఉన్నదని, పురుష లైంగికతను నిత్యం ఎగతాళి చేయబడటం, దానికి నేరపు రంగును పులమాలని చూడటం వంటి వలన సమస్యను మరింత జటిలం చేస్తున్నాయన్నారు. వారి మాటలలో,
"We need to be sensitive towards men and their needs as well.
(పురుషులను, వారి అవసరాలను కూడా మనం గుర్తించవలసిన ఆవశ్యకత ఉన్నది.)"
"Sexual arousal is easily discernible in men, whereas it is not obvious in women. As a result, men constantly face allegations of being obsessed with sex.
(పురుషులలో లైంగిక ప్రేరేపణ స్పష్టంగా గోచరిస్తుంది, కానీ అదే ప్రేరేపణ స్త్రీలలో అంత స్పష్టంగా కనబడదు. ఫలితంగా, పురుషుల ధ్యాస ఎల్లప్పుడూ శృంగారం చుట్టూనే కేంద్రీకృతం అయి ఉంటుందనే అపప్రదను వారు నిత్యం ఎదుర్కొనవలసి వస్తోన్నది.)"
"It is also believed that men always indulge in sex voluntarily, whereas women are thought to take part in sex either to fulfil the sexual or emotional needs of men or because they are forced to do so by men against their will.
(శృంగారంలో ఐచ్చికంగా పాల్గొనేది ఎప్పుడూ పురుషులేనని, స్త్రీలు కేవలం పురుషుల లైంగిక/భోవోద్వేగ అవసరాలను తీర్చటానికి లేదా కేవలం వారి ఇష్టానికి వ్యతిరేకంగా పురుషులచే బలవంతం చేయబడతారనే తప్పుడు అభిప్రాయం కూడా కలదు.)"
"Today, male sexuality is ridiculed, insulted, misunderstood, undermined, disregarded, criminalised and everything but respected.
(ఈ రోజున పురుష లైంగికత గేలి చేయబడుతోన్నది, అవమానింపబడుతోన్నది, అపార్థం చేసుకొనబడుతోన్నది, అణగద్రొక్కబడుతోన్నది, నిరాకరించబడుతోన్నది, నేరపూరితం చేయబడుతోన్నది; గౌరవించటం తప్పితే మిగతావన్నీ చేయబడుతోన్నది.)"
లైంగికానందం పొందే మునుపే గర్భం గురించి, అత్యవసర గర్భనిరోధక పద్ధతుల గురించి, లైంగికంగా సంక్రమించే వ్యాధుల గురించి పురుషుడు తెలుసుకొనవలసిన అవసరం ఉంది.
ఇటీవలి కాలంలో దూసుకుపోతున్న ఆధునిక స్త్రీవాదం, సంఘంలో పెరుగుతోన్న ఆమోదాల వలన పాశ్చాత్య దేశాలలో స్త్రీ లైంగికతకు విమోచన లభించిననూ అన్నింటా ముందుండే ఈ దేశాలలో సైతం పురుష లైంగికత సమస్యాత్మకంగానే పరిగణింపబడుతోంది. మునుపెన్నడూ లేని విధంగా అక్కడి యువతుల లైంగికతకు/లైంగికానందాన్ని అనుభవించుటకు/లైంగిక భావాలను వ్యక్తపరచుటకు ఎటువంటి పరిమితులు ఉండవలసిన అవసరం లేదని నమ్మకం కలిగించబడ్డది. యుగయుగాలుగా స్త్రీల వివాహేతరసంబంధాలపై విధించబడ్డ నిషేధాజ్ఞలు సడలించబడినవి.
పురుషులకు కావలసిందల్లా ఒక్కటే అనే సున్నిత, పరిహాస పదజాలం నుండి అతిపెద్ద అపవాదుల వరకు పురుష లైంగికత అపార్థం చేసుకొనబడుతోన్నది. పురుషుల ఓరచూపు భయకంపితులని చేస్తోంది. వారి వాంఛలు వారి దుందుడుకు స్వభావాన్ని సూచిస్తోంది. లైంగిక నేరాలను తగ్గించే సరియైన, అవసరమైన ప్రయత్నాలతో పురుష లైంగికత ప్రమాదకరమైనది, భయోత్పాతము సృష్టించేది అనే అవాంఛిత అభిప్రాయాన్ని నాటుకుపోయేటట్లు చేసినవి. మగజాతి, మృగజాతి ఒక్కటేనన్న నానుడిని తీసుకువచ్చింది.
పురుష లైంగికత అనగానే స్ఫురించేది కాఠిన్యమే. పురుషులు సైతం వారికి కావలసినదేమిటో తెలుసుకోకుండా, తమని తాము అర్థం చేసుకోకుండా కాఠిన్యమంటే ఏమిటో (తద్వారా పురుష లైంగికత అంటే ఏమిటో) తెలిపే మూలాల కోసం వెదుకుతూ ఉంటారు.
స్త్రీ జాతికి సమస్యలున్నవి. వారి సమస్యలన్నీ పురుషజాతి వలనే. అని పదే పదే వెలువడే దురభిప్రాయంతోనే ఈనాటి ఈ దుర్భర పరిస్థితి దాపురించింది. అశ్లీలత బాలుర లైంగిక అభివృద్ధికి, వారి స్వాభిమానానికి, సంఘంలో వారి ప్రతిబింబానికి, చేటు తెచ్చింది. వారిలో మానసిక ఆందోళనలను పెంచింది. ఈ మానసిక రుగ్మతల వలన కేవలం లైంగికత/లైంగిక సంబంధాల కారణం చేత ఆత్మాహుతికి పాల్పడే యువకుల సంఖ్య అవే కారణాల చేత ఆత్మాహుతికి పాల్పడే యువతుల కంటే దాదాపు నాలుగు రెట్లు ఎక్కువగా ఉంది.
పాశ్చాత్య దేశాలలో వయసుపైబడి యువకుల సాంగత్యం కోరే స్త్రీలు సున్నితమైన Cougar (ఒక రకమైన మార్జాలము) లేదా కఠినమైన MILF (మదర్ ఐ లైక్ టు ఫక్) వంటి మారుపేర్లతో గౌరవప్రదంగా సంబోధించబడుతున్నారు. అవే వాంఛలు గల పురుషులు మాత్రం విటులుగా, అప్రాచ్యపు ముసలి వారుగా సంబోధించబడుతున్నారు.
పురుష లైంగికతలో సానుకూల అంశాలను స్వాగతించినట్లయితే పురుషులు సంతుష్టులై వారి ఆత్మవిశ్వాసాన్ని పెంచుకొని చక్కని లైంగిక భాగస్వాములుగా, మంచి ప్రేమికులుగా ఇంకా చెప్పాలంటే సహృదయులుగా ఎదగగలరు.
This article uses material from the Wikipedia తెలుగు article పురుష లైంగికత, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). అదనంగా సూచించని పక్షంలో పాఠ్యం CC BY-SA 4.0 క్రింద లభ్యం Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki తెలుగు (DUHOCTRUNGQUOC.VN) is an independent company and has no affiliation with Wiki Foundation.