శ్యామ్ సింగరాయ్

నిహారిక ఎంటర్‌టైన్‌మెంట్‌ పతాకంపై వెంకట్‌ బోయనపల్లి నిర్మిస్తున్న ఈ సినిమాలో నాని హీరోగా, సాయి పల్లవి, కృతి శెట్టి, మడోన్నా సెబాస్టియన్ కథానాయికలుగా నటిస్తున్నారు. శ్యామ్‌ సింగరాయ్‌ కి‌ రాహుల్‌ సాంకృత్యన్ దర్శకత్వం వహిస్తున్నాడు. ఈ చిత్రానికి కథ సత్యదేవ్‌ జంగా, ఎడిటింగ్ నవీన్ నూలి, మిక్కీ జె. మేయర్ సంగీతమందిస్తున్నాడు. శ్యామ్‌ సింగరాయ్‌ 2021 డిసెంబర్ 24న ప్రపంచవ్యాప్తంగా విడుదలయింది. ఈ సినిమా ఓటీటీ హక్కులను నెట్‌ఫ్లిక్స్‌ సంస్థ దక్కించుకోగా 2022 జనవరి 21 నుంచి డిజిటల్ ప్రేక్షకులను అలరించనుంది.

శ్యామ్ సింగరాయ్
సినిమా పోస్టర్
దర్శకత్వం	రాహుల్‌ సాంకృత్యన్‌
రచన	జాంగా సత్యదేవ్‌
నిర్మాత	వెంకట్‌ బోయనపల్లి
తారాగణం	నాని సాయి పల్లవి కృతి శెట్టి మడోన్నా సెబాస్టియన్
ఛాయాగ్రహణం	సాను వర్గీస్
కూర్పు	నవీన్ నూలి
సంగీతం	మిక్కీ జె. మేయర్
నిర్మాణ సంస్థ	నిహారిక ఎంటర్‌టైన్‌మెంట్‌
విడుదల తేదీ	2021 డిసెంబర్ 24
దేశం	భారతదేశం
భాష	తెలుగు

• నాని - శ్యామ్ సింగ‌రాయ్, వాసుదేవ్
• సాయి పల్లవి - రోసీ, మైత్రి
• కృతి శెట్టి - కీర్తి
• మడోన్నా సెబాస్టియన్
• జిష్షూసేన్ గుప్తా
• మురళీ శర్మ
• రాహుల్ రవీంద్రన్
• అభినవ్ గోమఠం

శ్యామ్ సింగరాయ్ సినిమా షూటింగ్ హైదరాబాదులో 2020, డిసెంబరు 10న ప్రారంభమైంది. ఈ సినిమా పూజా కార్యక్రమాలతో రెగ్యులర్ షూటింగ్ ప్రారంభించారు. ఈ కార్యక్రమానికి నాని తండ్రి గంటా రాంబాబు, డైరెక్టర్ అనిల్ రావిపూడి, శివ నిర్వాణ, వెంకీ కుడుముల, మేర్లపాక గాంధీ ప్రత్యేక ఆహ్వానితులుగా హాజరయ్యారు. ముహూర్తపు షాట్‌‌కి నాని తండ్రి గంటా రాంబాబు క్లాప్ కొట్టగా.. యువ దర్శకులు శివ నిర్వాణ, వెంకీ కుడుముల స్క్రిప్ట్ అందించారు.మొదటి షెడ్యూల్ షూటింగ్‌ పూర్తి చేసుకున్న ఈ చిత్రం, కీలక సన్నివేశాల చిత్రీకరణ కోసం కోసం కలకత్తా వీధుల్లో షూటింగ్ చేస్తున్నారు.

ఈ సినిమాలో కొన్ని సన్నివేశాలు కోల్‌కతాలో జరగాల్సి ఉండగా, ఆర్ట్‌ డైరెక్టర్‌ అవినాశ్‌ కొల్లా ఆధ్వర్యంలో హైదరాబాద్‌లో పది ఎకరాల విస్తీర్ణంలో రూ.6.5 కోట్లతో ఈ సినిమాకు కోల్‌కతా బ్యాక్ డ్రాప్ భారీ సెట్ నిర్మించారు. ఈ సెట్ లో సినిమాకు సంబంధించిన కీలక సన్నివేశాలు చిత్రీకరించారు.

పాటలను మిక్కీ జె. మేయర్ స్వరపరిచారు. ఆడియో హక్కులను సరిగమ తెలుగు వారు సొంతం చేసుకున్నారు .