రాజ్‌మా

ఇవి ముదురు ఎరుపు రంగులో ఉండి చూడడానికి కిడ్నీ ఆకారాన్ని పోలి ఉంటాయి. వీటిని రెడ్ బీన్ అని కూడా అంటారు.

రాజ్‌మా
అన్నంతో వడ్డిచ్చిన రాజ్మా
ప్రత్యామ్నాయ పేర్లు	రాజ్‌మా, రాజ్మా , లాల్ లోబియా
మూల స్థానం	భారత ఉపఖండం
ప్రాంతం లేదా రాష్ట్రం	భారతదేశం, నేపాల్, బంగ్లాదేశ్, పాకిస్తాన్
Associated national cuisine	భారతీయ వంటకాలు
మూల పదార్థాలు	కిడ్నీ బీన్స్
display: inline-block; line-height: 1.2em; padding: .1em 0; width: 100%;	100 గ్రాముల ఉడికించిన రాజ్మా బీన్స్‌లో 140 కేలరీలు ఉంటాయి kcal
Cookbook:రాజ్‌మా  రాజ్‌మా

రాజ్మా అనేది ఎర్రటి కిడ్నీ బీన్స్‌తో తయారు చేయబడిన ఉత్తర భారతీయ వంటకం. ఎంతో ప్రజాదరణ పొందినది. చాలా మంది ఎంతో ఇష్టంగా తినే ఈ ఆహారంలో ఆరోగ్యానికి మేలుచేసే పోషకపధార్థాలు అధిక మొత్తంలో ఉంటాయి.

వీటిని నానబెట్టి, ఆపై ఉల్లిపాయలు, టొమాటోలు, మసాలా దినుసులతో ఉడకబెట్టి రాజ్మా మసాలా అనే వంటకాన్ని తయారు చేస్తారు. దీనిని రాజ్మా లేదా లాల్ లోబియా అని కూడా పిలుస్తారు. ఇది చాలా మందపాటి గ్రేవీలో ఎర్రటి కిడ్నీ బీన్స్‌తో కూడి ఉంటుంది. దీన్ని సాధారణంగా అన్నంతో, రోటీలతో వడ్డిస్తారు. ఇది భారత ఉపఖండం నుండి ఉద్భవించిన ఒక శాఖాహారం.  ఇది భారతదేశంతో పాటు నేపాల్, బంగ్లాదేశ్, పాకిస్థాన్‌లోని పంజాబ్ ప్రావిన్స్‌లో సాధారణ ఆహారంలో భాగం. ఎర్రటి కిడ్నీ బీన్‌ను మెక్సికో నుండి భారత ఉపఖండానికి తీసుకువచ్చిన తర్వాత ఈ వంటకం అభివృద్ధి చేయబడింది.

100 గ్రాముల ఉడికించిన రాజ్మా బీన్స్‌లో దాదాపు 140 కేలరీలు, 5.7 గ్రాముల ప్రోటీన్, 5.9 గ్రాముల కొవ్వు, 18 గ్రాముల కార్బోహైడ్రేట్ ఉంటాయి.

ఎర్రటి కిడ్నీ బీన్స్‌లో ఫైటోహెమాగ్గ్లుటినిన్ శాతం ఎక్కువ, అందువల్ల ముందుగా నానబెట్టి, కనీసం అరగంట పాటు ఉడికించకపోతే విషపూరితం. ఇది యు.ఎస్ ఫుడ్ అండ్ డ్రగ్ అడ్మినిస్ట్రేషన్ వారి సిఫార్సు. దీంతో వాటిల్లోని టాక్సిన్‌ను పూర్తిగా నాశనం అవుతుంది. అయితే క్యాన్డ్ రెడ్ కిడ్నీ బీన్స్ నేరుగా తినవచ్చు. సరిగా ఉడకని ఉడకని రాజ్మా గింజలు తినడం వల్ల తీవ్రమైన వికారం, విరేచనాలు, వాంతులు, పొత్తికడుపు నొప్పులకు కారణమవుతాయి.