నటి అన్నపూర్ణ: సినీ నటి

ఈమె అసలు పేరు ఉమామహేశ్వరి. పదమూడేళ్ళ వయసు నుంచీ నాటకాల్లో నటించడం మొదలుపెట్టింది. తర్వాత సినిమాల్లోకి ప్రవేశించింది.

అన్నపూర్ణ
జననం	ఉమామహేశ్వరి (ఉమ) (1948-10-17) 1948 అక్టోబరు 17 (వయసు 75) విజయవాడ, కృష్ణా జిల్లా, ఆంధ్ర ప్రదేశ్
ఇతర పేర్లు	ఉమామహేశ్వరి, అన్నపూర్ణమ్మ
వృత్తి	రంగస్థల, సినిమా నటి
క్రియాశీల సంవత్సరాలు	1970–ప్రస్తుతం

చిన్నతనంలోనే రంగస్థల ప్రవేశం చేసిన ఈమె తెనాలి నాటక సమాజాలలో అనేక పాత్రలు పోషించింది. వీనిలో భయం, ఉలిపికట్టె, పల్లెపడుచు, పేదరైతు, కన్నబిడ్డ, కాంతా-కనకం, పూలరంగడు మొదలైనవి.

1975లో దాసరి నారాయణరావు దర్శకత్వం వహించిన స్వర్గం నరకం సినిమాలో మోహన్ బాబు సరసన కథానాయకిగా తెలుగు సినీరంగంలో పరిచయమైంది. ఆ సినిమా నిర్మాణ సమయంలోనే దర్శకుడు దాసరి నారాయణరావు ఈమె పేరును అన్నపూర్ణగా మార్చాడు. ఈమె పుట్టి,పెరిగింది కృష్ణాజిల్లాలోని విజయవాడ. తండ్రి ప్రసాదరావు ఆర్టీసీలో పనిచేసాడు.తల్లి సీతారావమ్మ. ముగ్గురు ఆడపిల్లల్లో ఈమె పెద్ద. ఒక తమ్ముడు ఉన్నాడు. ఈమెకు 1974లో పెళ్ళి జరిగింది. 25 సంవత్సరాల పాటు మద్రాసులో ఉండి తరువాత 1996లో హైదరాబాదు వచ్చి స్థిరపడింది.

మనిషికో చరిత్ర, డబ్బు భలే జబ్బు, మా ఇంటి ఆడపడుచు సినిమాలకుగాను నంది అవార్డులు అందుకుంది.