சில்பா செட்டி: இந்திய நடிகை

பாஜிகர் (1993) திரைப்படத்தில் அறிமுகமானதிலிருந்து பாலிவுட், தமிழ், தெலுங்கு, கன்னடத் திரைப்படங்களில் நடித்து வருகிறார். 1994 இல் வெளிவந்த ஆக் திரைப்படத்தில் முக்கிய பாத்திரத்தில் நடித்தார். சில்பா தனது நடிப்புத் தொழிலில் இருந்து பலமுறை புறக்கணிக்கப்பட்டாலும் தன் திறமையை மீண்டும் மீண்டும் நிரூபித்தார். தத்கன் (2000) மற்றும் ரிஷ்தே (2002) ஆகிய திரைப்படங்களில் அவருடைய பாத்திரங்கள் பாராட்டப்பட்டன. பிர் மிலேங்கே (2004) திரைப்படத்தில் அவர் எயிட்ஸ் நோயாளியாக நடித்ததற்காக பல விருதுகளைப் பெற்றார். அவரது இளைய சகோதரி சமிதா செட்டியும் ஒரு பாலிவுட் திரைப்பட நடிகை ஆவார்.

ஷில்பா ஷெட்டி
2007 IIFA விருதுகள் விழாவில் சில்பா.
பிறப்பு	8 சூன் 1975 (1975-06-08) (அகவை 48) மங்களூர், இந்தியா
தொழில்	நடிகை, மாடல்
நடிப்புக் காலம்	1993–இன்றுவரை
வீட்டுத் துணைவர்(கள்)	ராஜ் குண்ரா (2007–இன்றுவரை)
இணையத்தளம்	http://www.shilpashettylive.com

சில்பா சந்தேகத்திற்கு இடமாக மாஃபியாவுடன் தொடர்பு உள்ளிட்ட பல சர்ச்சைகளில் சிக்கியுள்ளார். 2006 ஆம் ஆண்டில் அவருக்கு நயமின்மையோடு இருந்ததாகக் குற்றஞ்சாட்டப்பட்டு பற்றாணை தரப்பட்டது. 2007 ஆம் ஆண்டில் சில்பா, பிரித்தானிய செலிபிரிட்டி பிக் பிரதர் தொலைக்காட்சி நிகழ்ச்சியில் பங்கு பெற்றார். அதில் அவருடன் பங்கு பெற்ற ஜேட் கூடி, ஜோ ஓ'மேயரா, டேனியல் லியோட் ஆகியோரால் சர்வதேச இனவெறி சர்ச்சையில் சிக்கிய பிறகு சில்பா நிகழ்ச்சியின் இறுதியில் 63% வாக்குகள் பெற்று வெற்றி பெற்றார்.. அச்சம்பவம் அவரை 2007 ஆம் ஆண்டில் திரைப்படத்துறையிலும் அவரது நிலையினை மீண்டும் நிலைநிறுத்தியது. அந்த ஆண்டு அவர் நடித்த லைஃப் இன் எ... மெட்ரோ, ஆப்னே ஆகிய இரு திரைப்படங்களும் வெற்றி பெற்றன. லைஃப் இன் எ... மெட்ரோவில் அவரது நடிப்பு சிறப்பாக விமர்சிக்கப்பட்டது.

ஷில்பா ஷெட்டி பண்ட் சமூகத்தைச் சேர்ந்த பாரம்பரியமான கட்டுக்கோப்பான குடும்பத்தில் மங்களூரில் பிறந்தார்.

அவர் சுரேந்திரா மற்றும் சுனந்தா ஷெட்டியின் மூத்த மகள் ஆவார். அவரது பெற்றோர் மருந்துத்தொழில் துறையில் பயன்படுத்தப்படும் மூடிகள் தயாரிப்பாளர்கள் ஆவர். ஷில்பாவின் தாய் மொழி துளு ஆகும். எனினும் அவர் ஆங்கிலம், கன்னடா, மராத்தி, இந்தி, தமிழ், குஜராத்தி, தெலுங்கு, உருது மற்றும் அடிப்படை பிரெஞ்சு போன்ற மொழிகளும் பேசுவார்.

மும்பையில் செம்பூரில் உள்ள செண்ட் ஆண்டனி பெண்கள் உயர்நிலைப் பள்ளியில் அவர் கல்வி பயின்றார். பின்னர் மாதுங்காவில் உள்ள போடர் கல்லூரியில் கல்வி பயின்றார். அவர் ஒரு தேர்ந்த பரதநாட்டியக் கலைஞர் ஆவார். அவரது பள்ளிப் பருவத்தில் கைப்பந்து விளையாட்டு அணித் தலைவராக இருந்துள்ளார். அவர் கராத்தேவில் பிளாக் பெல்ட் வாங்கியுள்ளார். அவர் தற்போது ஜோடியாக நடனமாடும் விளையாட்டு நிபுணராகவும் ஆர்வலராகவும் உள்ளார்.

ஷில்பா தற்போது மும்பையில் அவரது பெற்றோர் மற்றும் இளைய சகோதரியும் பாலிவுட் நடிகையுமான ஷமிதா ஷெட்டியுடன் வசித்து வருகிறார். ஃபாரெப் (2005) என்ற திரைப்படத்தில் அவரும் அவரது சகோதரியும் இணைந்து நடித்தனர். 5 அடி 10 அங்குலம் (178 செ.மீ) உயரமுள்ள ஷில்பா ஷெட்டி பாலிவுட் நடிகைகளில் மிகவும் உயரமானவர் ஆவார். இங்கிலாந்தில் உள்ள சர்ரேவில் செயிண்ட் ஜார்ஜின் மலையில் சமீபத்தில் ஷில்பா அவரது காதலர் ராஜ் குந்த்ராவுடன் சேர்ந்து ஒரு வீடு வாங்கியிருப்பதாக 2009 மார்ச் 29 அன்று தெரியவந்தது.

திரைப்படத் தொழில் வாழ்க்கை

 

1991 ஆம் ஆண்டில் ஷில்பா அவரது 16 வயதில் லிம்காவுக்காக வடிவழகு செய்ததன் மூலம் தனது தொழில் வாழ்க்கையைத் தொடங்கினார். 1993 ஆம் ஆண்டில் பாஜிகர் திரைப்படத்தில் ஷில்பா அறிமுகமானார். அதில் உளவியல் ரீதியாக பாதிக்கப்பட்ட காதலனால் கொல்லப்படும் பெண்ணாக நடித்தார். ஷாருக்கான் மற்றும் கஜோல் ஆகியோருடன் சீமா என்ற துணைப் பாத்திரத்தில் ஷில்பா நடித்தார். அத்திரைப்படம் பெரியளவில் வெற்றி பெற்றது. பிலிம்பேர் சிறந்த துணை நடிகை விருதுக்கு ஷில்பா பரிந்துரைக்கப்பட்டார்.

1994 ஆம் ஆண்டில் ஆக் திரைப்படத்தில் அவரது முதல் முதன்மைப் பாத்திரம் அமைந்தது. அத்திரைப்படம் பாக்ஸ் ஆபிஸில் சுமாரான வெற்றியைப் பெற்றது. அதே வருடத்தில் அக்‌ஷய் குமாருடன் ஷில்பா நடித்த மெயின் கிலாடி டு அனாரி என்ற திரைப்படம் வெற்றி பெற்றது. இதன் பிறகு பல திரைப்படங்கள் பாக்ஸ் ஆபிஸில் சுமாரான வெற்றியையும் தோல்வியையும் தழுவின. ஷில்பா அதே ஆண்டில் ஆவ் பியார் கரேன் என்ற பெரிய பட்ஜெட் படத்தில் நடித்தார். அதனைத் தொடர்ந்து 1995 ஆம் ஆண்டில் ஹாத்கடி என்ற படத்தில் நடித்தார். சைஃப் அலிகான், கோவிந்தா மற்றும் மது ஆகியோருடன் ஷில்பா பணியாற்றினார். ஆனால் அத்திரைப்படங்கள் பாக்ஸ் ஆபிஸில் வெற்றிபெறவில்லை. 1997 ஆம் ஆண்டு ஷில்பாவின் தொழில் வாழ்க்கையில் மும்முரமான ஆண்டுகளில் ஒன்றாக அமைந்தது: வீதேவா தானி பாபு என்ற தெலுங்கு மொழிப் படத்தில் ஆரம்பித்து அவர் அந்த ஆண்டில் ஆறு வெவ்வேறு திரைப்படங்களில் நடித்தார். அந்த ஆண்டின் முதல் பெரிய பாலிவுட் அதிரடி செயல்கள் மிக்க திரைப்படமாக ஷில்பா நடித்த அவ்ஜார் அமைந்தது. ஷில்பா அந்த படத்தில் சல்மான் கான் மற்றும் சஞ்சய் கபூர் ஆகியோருடன் இணைந்து பிராத்னா தாக்கூர் என்ற பாத்திரத்தில் நடித்தார். 1998 ஆம் ஆண்டில் ஷில்பாவிற்கு பர்தேசி பாபு மட்டுமே வெளியானது. அதில் அவரது நடிப்பு விமர்சனரீதியாக பாராட்டைப் பெற்றது. அத்திரைப்படத்தில் நடித்தற்காக சிறந்த துணை நடிகைக்கான பாலிவுட் திரைப்பட விருதினை ஷில்பா பெற்றார். 2000 ஆம் ஆண்டில் தத்கன் படத்தில் நடித்ததற்காக ஷில்பா பாராட்டப்பட்டார். அந்த திரைப்படம் பாக்ஸ் ஆபிஸில் கணிசமான வெற்றியைப் பெற்றது. அந்த பாத்திரத்திற்காக அவர் வெவ்வேறு விருது விழாக்களில் சிறந்த நடிகைப் பிரிவில் பல பரிந்துரைகளைப் பெற்றார். அதன் பிறகு அனில் கபூர் மற்றும் கரிஷ்மா கபூர் ஆகியோருடன் ரிஷ்தே (2002) என்ற படத்தில் ஷில்பா நடித்தார். அதில் துடிப்பான மீனவப்பெண் வேடத்தில் அவரது நகைச்சுவையான நடிப்பு பாராட்டப்பட்டது. அத்திரைப்படதிற்காக பிலிம்பேர் சிறந்த துணை நடிகை விருதுக்குப் பரிந்துரைக்கப்பட்டார். மேலும் சிறந்த நகைச்சுவை நடிகை என்ற பிரிவில் பல பரிந்துரைகளைப் பெற்றார்.

கர்வ் என்ற படத்தில் வெளியீட்டுடன் 2004 ஆம் ஆண்டும் அவருக்கு சிறந்த ஆண்டாக அமைந்தது. அந்த படத்தில் அவர் சல்மான் கானுடன் ஆதரவற்ற முஸ்லீம் நடனப்பெண்ணாக நடித்தார். ஷில்பாவிற்கு படத்தின் கதை பிடித்திருந்ததால் அவர் அந்த திரைப்படத்தில் நடிக்க ஒப்புக்கொண்டார். காவல் நாடக வகையைச் சேர்ந்த அந்த திரைப்படம் பாக்ஸ் ஆபிஸில் சிறப்பான வெற்றியைப் பெறவில்லை. எனினும் பீர் மிலேங்கே படத்தில் அவரது நடிப்புக்காக மிகவும் பாராட்டப்பட்டார். அப்படத்தில் திறமையான நகரத்துப் பெண் பாதுகாப்பற்ற உடலுறவினால் எச்.ஐ.வியினால் பாதிக்கப்பட்டு அதன் விளைவாக சமூகத்தால் ஏற்றுக்கொள்ளப்படாமல் விலக்கப்பட்ட உணர்வுப்பூர்வமான வேடத்தில் நடித்தார். அந்தப் படம், 1993 ஆம் ஆண்டில் வெளிவந்த பிலடெல்பியா என்ற படத்தின் அடிப்படையில் எடுக்கப்பட்டது. மேலும் அப்படம் அதுவரை பாலிவுட்டில் சொல்லப்படாத சமூக புறக்கணிப்பை எதிர்த்துப் போராடத் தெரிந்துகொள்ள வேண்டும் என்ற கருத்தை மையமாகக் கொண்டு வெளியானது. அந்த திரைப்படத்தில் நடித்ததற்காக ஷில்பா பிலிம்பேர் சிறந்த நடிகை விருதுக்குப் பரிந்துரைக்கப்பட்டார். மேலும் அத்திரைப்படம் அவருக்கு எச்.ஐ.வி தொடர்பான தொண்டு செய்ய உந்துதலாக அமைந்தது (கீழே பார்க்க). இந்தியாFM இன் திரை விமர்சகர் தரண் ஆதர்ஷ் பின்வருமாறு குறிப்பிட்டார். "பிர் மிலேங்கே முழுமையாக ஷில்பா ஷெட்டிக்கு உரியதாக இருக்கிறது. அவர் வெளிப்படுத்தியிருந்த நடிப்பை சரியாகச் சொல்ல வேண்டுமென்றால் அவரது திரை வாழ்க்கை பணியில் மிகச்சிறந்த நடிப்பு எனலாம். அவரது சிறப்பான தோற்றத்தின் காரணமாகவே பார்ப்பவர்கள் அந்த பாத்திரத்தை உணர்ந்தும் பிறரது உணர்வை பிரதிபலிக்கும் நடிப்பையும் பார்த்தார்கள். அவரது அந்த பாத்திரத்தின் வலி மற்றும் உணர்வுப்பூர்வமாக பொங்கும் அவரது கண்களிலேயே வெளிப்படுத்தியிருந்தார். இந்த ஆண்டில் பார்த்த மிகவும் நினைவில் நிற்கக்கூடிய நடிப்பு." ஆழமற்ற பாடல்கள் மற்றும் நடனங்கள் கொண்ட பாத்திரங்கள் ஆழமான பாத்திரங்களுக்கு பதிலாக இருந்தது என்ற போக்கினை உடைக்கும் விதமாக அவர் நடித்த அதிரடிச் செயல்கள் நிறைந்த தஸ் (2005) ஓர் முன்மாதிரியாக அமைந்தது. எனினும் பாக்ஸ் ஆபிஸில் அப்படம் சுமாராகவே சம்பாதித்தது. தீவிரவாதத்திற்கு எதிரான அமைப்பின் உறுப்பினர் என்ற வழக்கமற்ற பாத்திரத்திற்காக தன்னை புதிதாக மாற்றி காண வேண்டியிருந்தது என ஷில்பா கூறினார். 2005 ஆம் ஆண்டில் அவர் தனது சகோதரியுடன் இணைந்து ஃபாரெப் படத்தில் நடித்தார். ஷில்பாவிற்கு 2006 ஆம் ஆண்டு ஒரே படமான ஷாதி கர்கே பஸ் கயா யார் மிகவும் காலம் கடந்து வெளியானது. அந்தப்படம் பாக்ஸ் ஆபிஸில் தோல்வியைத் தழுவியது. ஆனால் அவரது பாத்திரமான முழுதாக விருப்பமில்லாத மனைவி பாத்திரத்தில் அவரது நடிப்புக்கு நற்பெயர் கிடைத்தது. 2006 ஆம் ஆண்டில் அவர் ஜலக் டிக்லஜா என்ற சோனி எண்டர்டெயின்மன்ட் டெலிவிசனின் நடன நிகழ்ச்சிக்கு நடுவராக இருந்தார். அந்நிகழ்ச்சி ஐக்கிய இராட்சிய நடன நிகழ்ச்சியான ஸ்ட்ரிக்ட்லி கம் டேன்சிங்கை அடிப்படையாகக் கொண்டு தயாரிக்கப்பட்டது.

ஷில்பா ஒரு முறை மணிரத்னத்தின் மேடை நிகழ்ச்சியான நேற்று, இன்று, நாளை என்ற நிகழ்ச்சியிலும் பங்கு பெற்றுள்ளார்.

2007 ஆம் ஆண்டு ஷில்பாவிற்கு பாக்ஸ் ஆபிஸில் மிகவும் வெற்றிகரமான ஆண்டாக அமைந்தது. அந்த ஆண்டில் அவரது முதல் வெளியீடான லைஃப் இன் எ... மெட்ரோ குறிப்பிடத்தகுந்த வரவேற்பைப் பெற்றது. மேலும் லெசெஸ்டர் சதுக்கத்தில் திரையிடப்பட்ட முதல் பாலிவுட் திரைப்படம் இதுவாகும். அத்திரைப்படம் அனுமதிச் சீட்டு வருவாயில் சிறப்பான வருமானத்தைப் பெற்றது. மேலும் மூன்று வாரங்களிலேயே பாதி வெற்றி என அறிவிக்கப்பட்டது. கூடுதலாக அந்த திரைப்படம் பாராட்டாக விமர்சிக்கப்பட்டது. மேலும் ஷில்பாவின் நடிப்பும் பாராட்டப்பட்டது. சி.என்.என்-ஐ.பி.என். இன் ராஜீவ் மசந்த் பின்வருமாறு எழுதினார். "அவரது நடிப்பு வெகு சிறப்பானதாக இருந்தது. மேலும் இந்நாளில் எவ்வித கேள்விகளுக்கும் அப்பாற்பட்டு ஷில்பா மிகவும் சிறப்பாக நடிக்கக் கூடியவர்". அந்த ஆண்டில் ஷில்பாவின் இரண்டாவது திரைப்படமான தர்மேந்திரா, சன்னி மற்றும் பாபி ஆகிய மூன்று தியோல்களுடன் அவர் நடித்த அப்னேவும் பாக்ஸ் ஆபிஸில் சிறப்பான வெற்றியைப் பெற்றது.

செலிபிரிட்டி பிக் பிரதர் 2007

ஷில்பா, செலிபிரிட்டி பிக் பிரதர் UKவில் பங்கு பெற்று வெற்றி பெற்றவர் ஆவார். மேலும் செலிபிரிட்டி பதிப்புகளில் பங்கு பெற்ற முதல் இந்தியப் பிரபலம் இவராவார். அவர் அதில் பங்கு பெறுவதற்காக ரூபாய்.31.5 மி (£367,500 GBP) பெற்றதாக அறிவிக்கப்பட்டது. அவர் அந்நிகழ்ச்சியை தொகுத்து வழங்கிய டேவினா மெக்கால்லிடம் பின்வருமாறு கூறினார், "நான் இங்கு பங்கு பெற வந்திருப்பதில் அனைத்து இந்திய மக்களும் மிகவும் பெருமைப்பட வேண்டும்". அவர் பங்கு பெறுவதைப்பற்றி அவர்: "எனக்கு எதிர்பார்ப்பே கிடையாது. உண்மையில் நான் காக்க நினைக்கும் ஒரே ஒரு விஷயம் என்னுடைய சுய மரியாதை மற்றும் என்னுடைய கண்ணியம் ஆகும்" என்றார். அவரது சகோதரி ஷமிதா டைம்ஸ் ஆஃப் இந்தியாவில் "ஷில்பா இதுவரை எடுத்த முடிவுகளிலேயே மிகவும் துணிச்சலான முடிவு"என்றார்.

அவர் அங்கிருந்த நேரத்தில் ஷில்பா, உடன் தங்கியிருந்தவர்களான கரோல் மலோன் மற்றும் கென் ரஸ்ஸல் ஆகியோருக்கு தியானம் கற்றுத்தந்தார். மேலும் டர்க் பெனடிக்ட் டால் அதிர்ச்சியூட்டும் வகையில் நடத்தப்பட்டார். ஆனால் 7 ஆம் நாளில் அவர்களுக்குள் கோபம் சண்டையாக வலுத்தது. ஷில்பாவின் இருப்பை எதிர்த்து ஒரு குழு வீட்டிற்குள் உருவாயிற்று. அந்த வீட்டிற்குள் அவரைக்குறி வைத்து நடத்தப்பட்ட இனவெறி சர்ச்சை உலகெங்கும் வெளிப்பட்டதைத் தொடர்ந்து (கீழே பார்க்க), ஷில்பா 63% பொது மக்களின் ஓட்டைப்பெற்று வெற்றி பெற்றார். மேலும் அவர் தனது அனுபவத்தை "நம்பமுடியாததாகவும், உணர்ச்சியில் ஆழ்த்து அளவிலும் இருந்தது" என விவரித்தார். மேலும் தொடர்ந்து பொது மக்களுக்கு, "எனது நாட்டுக்கு பெருமை தேடித்தரும் அரிய வாய்ப்பை எனக்கு வழங்கியுள்ளார்கள்" என்று நன்றி தெரிவித்தார்.

செலிபிரிட்டி பிக் பிரதருக்குப் பிறகு

2007 ஆம் ஆண்டு பிப்ரவரி மாதம் ஷில்பா மத்திய மந்திரி கெயித் வாஸின் அழைப்பை ஏற்று நாடாளுமன்ற கீழ்சபையில் வரவேற்பில் கலந்து கொண்டார். பின்னர் பிரதம மந்திரி டோனி பிளேரைச் சந்தித்தார்._{http://en.wikinews.org/wiki/Big_Brother_star_meets_Tony_Blair} மேலும் அவர் 2007 ஆம் ஆண்டு மார்ச் மாதம் லண்டனில் உள்ள மார்ல்போரோ இல்லத்தில் எலிசபெத் II ராணியைச் சந்திக்க அழைக்கப்பட்டார். திஸ் மார்னிங் பேட்டியின் போது ஷில்பா பிரித்தானிய ஈஸ்ட் எண்டர்ஸ் குடும்ப தொலைத் தொடரில் நடிக்க அவரை அழைத்ததை உறுதிபடுத்தினார். ஆனால் அவர் அதில் நடிக்கச் சம்மதித்தால் அவரது மற்ற வேலைகள் அனைத்தையும் நிறுத்தி வைக்க வேண்டியிருக்கும் எனக் கூறி மறுத்தார்.

பிரித்தானிய தொலைக்காட்சித் தயாரிப்பு நிறுவனமான டூஃபோர், தி ரியல் ஷில்பா ஷெட்டி என்ற தலைப்பில் ஷில்பாவை மையமாகக் கொண்டு ஒரு ஆவணத் திரைப்படத்தை தயாரித்து ஸ்கை ஒன்னில் ஒளிபரப்பியது. செலிபிரிட்டி பிக் பிரதர் வென்ற பிறகு அதிகளவில் ஷில்பாவிற்கு வணிகரீதியிலான வாய்ப்புகள் வந்தன. அத்தகைய நிகழ்ச்சியின் வணிகரீதியிலான லாபத்திற்காகவே அவரால் 'இனவெறி' சர்ச்சை தூண்டப்பட்டது என்ற அதிகளவிலான குற்றச்சாட்டும் உள்ளது. அவர் இந்தியாவில் விற்பனையைத் தொடங்கிய OK! பத்திரிகையின் முதல் பதிப்பின் அட்டைப்படத்தில் இடம்பெற்றார்.

2007 ஆம் ஆண்டு செப்டம்பர் மாதத்தின் முற்பகுதியில் அவர் வில்ஸ் லைப்ஸ்டைல் இந்தியா ஃபேஷன் வீக்கின் மாடலாக வந்தார். லாரா தத்தா மற்றும் செலினா ஜெட்லி உள்ளிட்ட சில புகழ்பெற்ற பாலிவுட் நடிகைகளும் அதில் பங்கு பெற்றுள்ளனர். 2007 ஆம் ஆண்டு அக்டோபர் மாதத்தில் இருந்து ஷில்பா மிஸ்பாலிவுட் இசை நிகழ்ச்சியில் காணப்படுவார். அவரது அடுத்த நிகழ்ச்சி நிரல் சமையல் புத்தகமான சோல் கர்ரி மேலும் உரு பட்டேலின் சர்வதேச முயற்சியான ஹனுமனில் சீதா வேடத்தில் நடிக்கிறார்.

பிக் பாஸ்

2008 ஆம் ஆண்டு ஆகஸ்ட் மாதத்தில் ஷில்பா பிக் பாஸின் இரண்டாவது சீசனில் பங்கேற்றார். இது பிக் பிரதர் நிகழ்ச்சியின் இந்திய பதிப்பாகும். சர்ச்சைக்குரிய விதமாக ஜேட் கூடியும் முதலில் உடன் தங்குபவர்களில் ஒருவராக இருந்தார். ஆனால் கூடிக்கு கர்பப்பை வாய் புற்றுநோய் இருந்தது என்ற செய்தி கிடைத்தவுடன் தொடரின் துவக்கத்திலேயே பிக் பாஸ் வீட்டை விட்டு அவர் வெளியேறினார். பின்னர் அவர் 2009 மார்ச் 22 அன்று மரணமடைந்தார்.

இந்தியன் ப்ரீமியர் லீக்

2009 ஆம் ஆண்டு பிப்ரவரி மாதத்தில் ஷில்பாவும் அவரது தொழில் பங்குதாரர் ராஜ் குந்த்ராவும் சேர்ந்து 11.7% பணயமாக ஏறக்குறைய $15.4 அமெரிக்க டாலர்கள் செலுத்தி இந்தியன் ப்ரீமியர் லீக்கின் ராஜஸ்தான் ராயல்ஸ் கிரிக்கெட் அணியின் உரிமையாளர்கள் ஆனார்கள்.

வடிவழகு மற்றும் நடிப்பு இவற்றுடன் சேர்த்து ஷில்பா தன்னை பிற வணிக ரீதியிலான மற்றும் இலாப நோக்கமற்ற நிறுவனங்களின் நடவடிக்கைகளில் ஈடுபட்டுள்ளார்.

எச் ஐ வி/எய்ட்ஸ்

2006 ஆம் ஆண்டு பிப்ரவரி மாதம் ஷில்பா, இந்தியாவில் எச்.ஐ.வி/எய்ட்ஸ் பிரச்சினையை எதிர்கொள்வதற்கு உதவும் பொருட்டு வடிவமைக்கப்பட்ட BBC வோர்ல்ட் சர்வீஸ் ட்ரஸ்ட் தொலைக்காட்சி நிகழ்ச்சியில் உதவி அளித்தார். இந்த நிகழ்ச்சியில் மற்ற பிரபலங்களான விவேக் ஓபராய், தியா மிர்ஸா மற்றும் ரவீனா டாண்டன் ஆகியோரும் தனித்தனி பகுதிகளில் பங்கு பெற்றனர். இதில் ஷில்பா நோயின் நிலைப் பற்றி விழிப்புணர்வு ஏற்படுத்துவதில் பணியாற்றிய ஓர் இளம் சாதனையாளரை பின்தொடர்வதாகும். எச்.ஐ.வி-எய்ட்ஸ்சினால் துன்பப்படுகிறவர்களுக்கு ஒருமைப்பாட்டிணை காட்டும் விதமாக பங்கேற்றதாக செய்திகள் கூறின.

குறிப்பாக இந்த பிரச்சினை ஷில்பாவின் மனதிற்கு நெருக்கமானது என்பது எச்.ஐ.வி-பாஸிடிவ்வால் பாதிக்கப்பட்டவராக அவர் 2004 ஆம் ஆண்டில் தோன்றிய பிர் மிலேங்கே திரைப்படத்தினாலாகும். அந்த திரைப்படத்தைப் பற்றியும் எச்.ஐ.வி பற்றியும் ஷில்பா பின்வருமாறு பொதுவாகக் குறிப்பிட்டார்: "எச்.ஐ.வி பாசிட்டிவ் நோயாளிகள் பற்றி ஏன் படம் இருக்கக்கூடாது? இது நமது சமூகத்தால் இழுக்கென்ற நிலையிலேயே இருக்கிறது. இந்தப் பிரச்சினையை முனைப்பாக காட்டவே நாங்கள் அந்த படத்தை உருவாக்கினோம் ... அந்தப் படம் நமது நாட்டில் எயிட்ஸ் பற்றிய சமூக விழிப்புணர்வை ஏற்படுத்தும். இது பற்றி நமது சமூகத்தில் பேசுவதற்கு இதுவே மிகவும் உகந்த நேரம்".

PETA

2006 ஆம் ஆண்டு மார்ச் மாதம் ஷில்பா, காட்டு விலங்குகளை சர்க்கஸில் பயன்படுத்துவதற்கு எதிராக PETAவில் ஒரு பகுதியாக விளம்பரப் பிரச்சாரம் செய்வதற்கு அதில் இணைந்ததாக பல தரப்பிலிருந்தும் அறிவிக்கப்பட்டது. PETA இந்தியா செய்தி வெளியீட்டின் படி ஷில்பா நெடுங்காலமாகவே PETAவை ஆதரிப்பவர். அதன் பிரச்சாரத்திற்கு உதவும் விதமாக புலியின் உடையில் அவர் இருப்பது போன்ற புகைப்படங்களில் தோற்றமளித்தார். கூண்டிற்குள் குணிந்தபடி புகைப்படத்திற்காக அமர்ந்திருந்தது பற்றி விவரிக்கும் போது, அது மிகவும் இடைஞ்சலாக இருந்தது. ஆனால் அதனை உருவாக்கியவர்கள் பட்ட சிரமத்தைப் பார்க்கும் போது அந்த இடைஞ்சல் மிகவும் சிறிய விசயம் எனக் குறிப்பிட்டார். "ஒருமுறை மேன்மைபடுத்தப்பட்ட விலங்குகள் தங்களைவிட சிறிதே பெரிதான கூண்டுகளிலிருந்து வெளியேறி ஒரு நாளில் சில நிமிடங்கள் மட்டும் வளையத்தில் வித்தை காட்ட கட்டாயப்படுத்துதில் எந்த அர்த்தமும் இல்லை. மேலும் அவ்விலங்குகளுக்கு அது நிலைகுலைக்கச் செய்யும். சர்க்கஸில் விலங்குகள் பாதிக்கப்படுவதைத் தடுப்பதற்கு சிறந்த வழி சர்க்கஸைப் புறக்கணிப்பதே ஆகும்".

பின்னர் ஷில்பா ஒரு பேட்டியில் அதனைப் பற்றி அவர் தீவிரமாக உணர்வதாகவும், இது போன்ற விலங்குகளைக் கொடூரமான முறையில் கொடுமைப்படுத்தப்படுவதை கேள்விப்பட்டு பயப்படுவதாகவும் தனது எண்ணத்தை வெளிப்படுத்தினார். "நான் அதைத் தடுக்க வேண்டும் என நினைத்தேன். என்னால் அவற்றின் வாழ்க்கையில் சிறிய மாற்றத்தையேனும் ஏற்படுத்த முடியுமெனில் ஏன் நான் அதை செய்யக்கூடாது?"

ஷில்பா காதல் தொடர்பாக அடிக்கடி ஊகிக்கப்படுபவராக உள்ளார். எனினும் திருமணம் தொடர்பான கேள்வியை அவரிடம் கேட்கும் போதெல்லாம் பதிலேதும் சொல்வதில்லை. அவர் முன்னர் அக்‌ஷய் குமாருடன் டேட்டிங்கில் ஈடுபட்டிருந்தார். ஆனால் பின்னர் ஷில்பாவின் நண்பரும் சக நடிகையான ட்விங்கிள் கன்னாவுடன் முன் ஆய்வு ஏதுமின்றி அவர் டேட்டிங்கை ஆரம்பித்தவுடன் அந்த ஜோடி 2000 ஆம் ஆண்டில் பிரிந்தது. அந்த விவகாரம் பற்றி ஸ்டார் டஸ்ட் பத்திரிகையில் "மதிப்பிழக்கும்" வகையில் செய்தி வெளியிட்டிருந்ததை எதிர்த்து ஷில்பா வெற்றிகரமாக வழக்கு தொடுப்பதற்கு ஏதுவாக அமைந்தது.

தி டைம்ஸ் ஆஃப் இந்தியா பேட்டியில் ஷில்பா, திரைப்பட இயக்குநர் அனுபவ் சின்ஹாவுடன் காதல் வதந்திகளை மறுத்தார். மேலும் அவரது மிகு வேலைகள் அட்டவணை மீது கவனம் செலுத்த வேண்டுமென்பதால் அவரது கைத்தொலைப்பேசி எண்ணையும் மாற்றியதாகக் குறிப்பிட்டார். ஆனால் பின்னர் த சன்டே மிர்ரர் பத்திரிகையில் வெளிவந்த பேட்டியில் ஷில்பாவின் நண்பர், ஷெட்டி சின்ஹாவின் மீது "காதலில்" இருந்தார். ஆனால் பெற்றோர்களின் எதிர்ப்பு, சமூகத்தால் ஏற்றுக்கொள்ளப்படாத நிலை (சின்ஹா ஒரு திருமணமானவர் இரண்டு குழந்தைகள் உடையவர், எனினும் தற்போது தனியாக உள்ளார்) மற்றும் பொதுவான மக்கள் பார்வைக்கு எதிராக இருப்பது போன்றவற்றிற்கு பயந்தே அவருடன் சேர்ந்து இருக்க முடியவில்லை எனக் குறிப்பிட்டார்.

உறுதியாகக் கூறப்பட்ட மாஃபியா தொடர்புகள்

2003 ஆம் ஆண்டு மே மாதத்தில் ஷில்பாவின் பெற்றோர்களுக்கும் இந்திய நிழல் உலகத்திற்கும் இடையில் உறுதியாகக் கூறப்படும் வகையில் தொடர்பு இருந்ததாக சர்ச்சை வெடித்தது. சூரத் காவல் துறை அவரின் பெற்றோர்களுக்கு எதிராக அச்சுறுத்தி பணம் பறித்ததாக கைது வாரண்ட் பிறப்பித்து கைது செய்தது. சூரத்தின் காவல் ஆணையர் டி.கே. குப்தா ஊடகங்களுக்கு ப்ரஃபுல் சாரீசின் உரிமையாளர்கள், மும்பையைச் சேர்ந்த நிழல் உலக நபர்கள் சிலர் ஷில்பாவின் சார்பாக பணம் கேட்டு தொலைபேசியில் மிரட்டல் விடுத்ததாக குற்றஞ்சாட்டியுள்ளார்கள் எனக் கூறினார். 1998 ஆம் ஆண்டில் ஷில்பா ப்ரஃபுல் சாரிசுக்கு வடிவழகு செய்வதற்காக ஒப்புதல் அளித்திருந்ததில் இரு தரப்பினிடையே தகராறு இருந்தது. மேலும் ஒப்பந்தரீதியாக ஏற்றுக்கொண்ட பிறகே பணம் கொடுத்ததாகவும் பேசப்பட்டது. முழுப்பணமும் முன்னரே கொடுத்து விட்டதாக அகர்வால் தெரிவித்தார். ஆனால் எவ்வளவு பணம் ஷில்பாவுக்கு கொடுக்கப்பட்டது என்பது அவருக்குத் தெரியாது எனத் தெரிவித்தார். சுரேந்திரா ஷெட்டியை ஜாமீனில் வெளியிட மும்பை நீதிமன்றம் மறுத்துவிட்டது, எனினும் சுனந்தா ஜாமீனில் வெளிவர அனுமதிக்கப்பட்டார், அவர் வெளிநாட்டில் பயணித்து வந்த வேளையில் அவருக்கு வாரண்ட் பிறப்பிக்கப்பட்டது என்பதால். மேலும் காவல் துறை ஷில்பாவின் பெற்றோர் மற்றும் ப்ரஃபுல் சாரிசின் உரிமையாளர் பங்கஜ் அகர்வால் இடையேயான தொலைபேசி அழைப்பைக் கைப்பற்றி ஆதாரமாக்கியுள்ளதாகக் கூறியது. அவரின் பெற்றோர் அதனை மறுத்தனர் மேலும் அந்த தொலைபேசி அழைப்பு "சூழ்ச்சியுடன் கையாளப்பட்டது" என்றும் வாதிட்டனர். ஜூன் 5 இல் செய்தியாளர்கள் கூட்டத்தில் சுனந்தா செட்டி, நிழல் உலகத்துடன் அவரது குடும்பத்திற்கு எந்த தொடர்பும் இல்லை என மறுத்தார். மேலும் அது தொடர்பான குழப்பங்கள் அனைத்துமே" எனது மகளின் புகழைக் களங்கப்படுத்துவதற்காகவே" நடத்தப்படுகிறது என்று கூறினார். மேலும் அவர் கூறியதாவது "நிச்சயமாக களங்கமில்லாதவர்" ஷில்பாவின் பணிக்கான தொகையை முழுதாக திருப்பிக்கொடுக்க முடியாத அகர்வால் அதன் பிறகு வேண்டுமென்றே அவரை குற்றச்செயலில் தொடர்புள்ளதாகக் குற்றஞ்சாட்டியுள்ளார் என்று கூறினார். ஜூன் 13 இல் காவல் துறையின் குறுக்கு விசாரணைக்குப் பிறகு மும்பையை சேர்ந்த கும்பலின் தலைவர் ஃபாஸ்ல்-உர்-ரகுமானுடன் தொடர்பு இருந்ததாக சுரேந்திரா ஒத்துக்கொண்டார் என வெளியிடப்பட்டது. ஷில்பாவின் வாகன ஓட்டுனரான திலீப் பாஷெகர், ரகுமானின் தொடர்புடையவர்களுடன் சுரேந்திராவை அறிமுகப்படுத்தியதாக எதிர்மறையான கதை வெளிவந்தது. ஆனால் சுரேந்திரா தொடர்புகள் போலியாக ஜோடிக்கப்பட்டவை என தொடர்ந்து மறுத்து வந்தார். காவல் துறை உயர் அதிகாரிகள் சுரேந்திராவும் பாஷேகரும் மாறி மாறி ஒரே நேரத்தில் விசாரணை செய்யப்பட்டு வந்த போதும் அவர் அவரது தொடர்புகளை "தீவிரமாக மறுக்கிறார்" என உறுதிபடுத்தினர். ஷில்பாவின் வழக்கறிஞர், உண்மையில் மாஃபியா தொடர்புகள் அனைத்தும் பொய்யானவை எனப்பின்னர் தெளிவுபடுத்தினார்.

நீதிமன்ற வழக்கு விசாரணையில் ஷில்பா மறுத்த போதும் செல்பேசி அச்சுப்படி ஆதாரங்கள் ஷில்பாவிற்கும் அந்த கும்பலுக்கும் தொடர்பு இருந்தது என்பதை தெளிவுபடுத்துகின்றன என வெளிப்படுத்தியது. ஜூன் 20 இல் சுரேந்திரா ஷெட்டி காவல்துறையிடம் சரணடைந்த பிறகு முறையாக கைது செய்யப்பட்டார். பின்னர் செய்தியாளர்களிடம் முழுப்பிரச்சனையுமே அவருக்கும் அவரது குடும்பத்திற்கும் ஊறு விளைவிக்கவே உருவாக்கப்பட்டது என்று தெரிவித்தார். நிழல் உலகத்தொடர்பு பற்றி ஷில்பாவிடம் கேட்கும் போது அவர் "எனக்குத் தெரியாது, அகர்வாலின் ஏஜண்டுகள் என்று அவர்கள் என்னை அழைத்துப் பேசிய பிறகே நான் அவர்களிடம் பேசினேன்" என்றார். தொடர்ந்த நீதிமன்ற விசாரணையில் ஆதார ஒலி நாடாக்களின் மீதான உண்மைத் தன்மையில் சந்தேகம் எழுப்பப்பட்டது. ஷில்பாவிற்கு எதிராக வாதிட்டவர்கள் காவல்துறையால் அந்த ஒலிப்பதிவு பதிவு செய்யப்படவில்லை. மாறாக அகர்வால் மூலமே அது பதிவு செய்யப்பட்டது. மேலும் ஒலிச்சேர்க்கை அல்லது பிறவித உருவாக்கத்திற்கு அதில் வாய்ப்புண்டு என வாதிட்டனர். வெளிநாட்டில் திரைப்பட வேலைகள் முடித்து இந்தியா திரும்பிய ஷில்பா காவல்துறையால் சோதனை செய்யப்பட்டார். மேலும் அவரது பெற்றோருக்கு நிழல் உலக மனிதர்களுடனான தொடர்பை மறுத்தார். மேலும் அந்த வழக்கினைப் பற்றி ஊடகங்களில் வெளிவரும்வரை அவருக்கு எதுவும் தெரியாது என்றும் வாதிட்டார். அவர் மேலும் கூறுகையில் அவரது தாயார் அவருடைய நிதித் தொடர்புடைய விசயங்களுக்கு அவரிடமிருந்து பகர அதிகாரப் பத்திரம் பெற்றுள்ளார். மேலும் ப்ரஃபுல் சாரிஸ் நிகழ்வில் பணம் தரப்பட்டது பற்றி எதுவும் தனக்குத் தெரியாது என்று குறிப்பிட்டார். சுனந்தாவின் ஜாமீன் விசாரணை அவரது ஆரோக்கியம் காரணமாக மூன்று முறை ஒத்திவைக்கப்பட்டது.

மற்றோரு திருப்பமாக ஷில்பாவின் வாகன ஓட்டுநர், திலீப் பாஷேகர் கைது செய்யப்பட்டார். நவம்பர் 5 இல் சுரேந்திரா மற்றும் சுனந்தா ஷெட்டி, மற்ற மூவர் மீது குற்றப்பத்திரிகை தாக்கல் செய்யப்பட்டு உள்ளூர் நீதிமன்றத்தில் வழக்கு விசாரணை தொடங்கப்பட்டதாக அறிவிக்கப்பட்டது. நீதிமன்ற விசாரணை இன்னும் நிலுவையிலேயே உள்ளது. 2006 ஆம் ஆண்டு ஆகஸ்டு மாதம் சுனந்தா, ஷில்பாவிற்கும் இந்த வழக்கிற்கும் எந்த தொடர்பும் கிடையாது, மேலும் அதற்கு முந்தைய மாதத்தில் ஃபாஸ்ல்-உர்-ரகுமான் கைது செய்யப்பட்டதாலும் அவரது வாழ்க்கை பணியில் எதிர்மறையான எந்த பாதிப்பும் ஏற்படாது எனக் கூறினார். ஷில்பா, பெயர் குறிப்படாத உள்ளூர் சிறு செய்தித்தாள் ஒன்றில் இந்த வழக்கு சம்பத்தப்பட்ட தவறான தகவல்களை வேண்டுமென்றே வெளியிட்டதற்காக நஷ்ட ஈடு கேட்கப் போவதாக பயமுறுத்தினார். பிலிம்ஃபேர் பேட்டியில் அவர் ஊடகங்களின் செயல்பாட்டினால் அந்த வழக்கு நீதிமன்ற விசாரணைக்கு வரும் நிலைக்கு மாறிவிட்டதால் அவர் மிகவும் "உடைந்து" விட்டதாகவும் "அழியும் நிலைக்கு" தள்ளப்பட்டதாகவும், மேலும் அவர்கள் "நெறியில்லாமல்" நடந்து கொண்டதாகவும் குறிப்பிட்டார். மேலும் அதுபற்றி அவர் கூறுகையில் அவர் சந்தித்த சர்ச்சைகளிலேயே அது மிகவும் மோசமான சர்ச்சை எனக்கூறினார். மேலும் ராஜ்குமார் சந்தோஷி மற்றும் அனில் கபூர் உள்ளிட்ட பல திரைப்பட நபர்களுக்கு அவருடன் பக்க பலமாக இருந்ததற்காக அவரது நன்றியினையும் வெளிப்படுத்தினார்.

ஆபாச குற்றச்சாட்டுகள்

2006 ஆம் ஆண்டு ஏப்ரல் மாதத்தில் மதுரை நீதிமன்றம், ஷில்பா மற்றும் ரீமா சென் ஆகியோருக்கு தமிழ் செய்தித்தாளில் வெளிவந்த அவர்களது புகைப்படத்தில் "ஆபாசமான முறையில் அவர்களை வெளிப்படுத்தியதாக" பிணையில் வெளிவர முடியாத வாரண்ட் பிறப்பித்தது. இரண்டு நடிகைகளும் ஏற்கனவே இதே காரணத்திற்காக முன்னர் வழங்கப்பட்ட சம்மனை வாங்கவில்லை எனத் தெரிகிறது. அதனால் வாரண்ட் பிறப்பிக்கப்பட்டது. மனுதாரர் செய்தித்தாளில் வெளிவந்த "மிகவும் கவர்ச்சியான புகைப்படம் மற்றும் மிதமான கவர்ச்சியான புகைப்படம்" அடங்கிய அதன் டிசம்பர் 2005 மற்றும் ஜனவரி 2006 பதிப்புகளை தாக்கல் செய்திருந்தார். மேலும் பெண்களை வரம்பு மீறிய அருவருப்பான வகையில் வெளிப்படுத்துதல் (தடைசெய்தல்) சட்டம் 1986, இளம் நபர்கள் (தீங்குவிளைவிக்கக்கூடிய பதிப்புகள்) சட்டம் 1956, மற்றும் இந்தியக் குற்றவியல் நடைமுறைச் சட்டம் பிரிவு 292 (ஆபாச புத்தகங்கள் விற்பனை) ஆகியவற்றின் கீழ் குற்றஞ்சாட்டப்பட்டது. மேலும் மனுதாரர், செய்தி ஊடகம் மற்றும் புத்தகப்பதிவு சட்டம் 1867 இன் வரையறைகளின் கீழ் அந்த புகைப்படங்கள் பறிமுதல் செய்யப்பட வேண்டும் எனக் கோரியிருந்தார்.

ஷில்பா அது பற்றி பதிலளிக்கையில் அவர் எந்த நீதிமன்ற சம்மனையும் பெறவில்லை என்று குறிப்பிட்டார். மேலும் குற்றச்சாட்டுக்களை புறந்தள்ளினார். மேலும் அது பற்றி அவர் கூறுகையில் அந்த புகைப்படங்கள் அவரது சமீபத்திய படத்திலிருந்து எடுக்கப்பட்ட ஃப்ரீஸ்-ஃபிரேம் ஷாட்டுகள் என்றும் அவை அவருடைய தொப்புளை மட்டுமே காண்பிக்கக்கூடியவையாக இருக்கும் என்றும் கூறினார். "அந்த புகைப்படத்தில் என்ன ஆபாசம் இருக்கிறது? தொப்புளைக் காண்பிப்பது ஆபாசம் என்றால், நமது பாரம்பரிய இந்திய உடையான பாரம்பரியமான சீலையைத்தான் முதலில் தடை செய்ய வேண்டியிருக்கும் என்றார்".

2007 ஆம் ஆண்டு ஜனவரி மாதம் ஓய்வு பெற்ற தலைமை நீதிபதி ஒய்.கே. சபர்வால், ஷில்பா அவருக்கு நடிகர்களுக்கு எதிரான சிறுபிள்ளைத்தனமான வழக்குகளுக்கு எதிரான தனி வரையறைகள் ஏற்படுத்த கோரிக்கை வைத்ததாக உறுதிபடுத்தினார். எனினும் ஷில்பா அவருக்கு கடிதமாக எழுதியிருந்தார். ஆனால் முறைப்படி பூர்த்தி செய்யப்பட்ட விண்ணப்பமாக இருந்தால் மட்டுமே பரிசீலிக்கப்படும் என்று கூறி ஷில்பாவின் கோரிக்கை ஏற்றுக்கொள்ளப்படவில்லை.

செலிபிரிட்டி பிக் பிரதர் இனவெறி சர்ச்சை

 

செலிபிரிட்டி பிக் பிரதரில் பங்கேற்றிருந்த நேரத்தில் ஷில்பா, ஜேட் கூடி, ஜோ ஓ'மேரா மற்றும் டேனியல் லியோட் ஆகியோரைத் தலைமையாகக் கொண்டு மற்ற உடன் தங்கியிருந்தவர்களால் இனவெறி மற்றும் அடக்குமுறைக்கு உட்படுத்தப்பட்டார். ஷில்பாவின் பெயரை 'ஷிவ்பா' என தவறாக உச்சரித்த ஜேட் கூடியின் தாயார் அவரை ஈஸ்ட் லண்டன் வட்டார பேச்சு வழக்கில் கேலி செய்த பிறகு, ஷில்பா அவரது இந்திய உச்சரிப்பிற்காக கேலி செய்யப்பட்டார் மேலும் "தி இந்தியன்" பட்டங்கட்டப்பட்டும் "நாய்" என்றும் பழிக்கப்பட்டார். மற்ற உடன் தங்கியவர்கள் இந்தியர்களின் உணவுப் பழக்கங்களை இகழ்ந்து பேசினர். மேலும் ஓ'மேராவுக்கு வயிற்றுப்போக்கு ஏற்பட்டதால் ஷில்பாவின் சமையலும் விமர்சிக்கப்பட்டது. மீதமிருந்த சிக்கன் சூப்பை ஷில்பா கழிவறையில் கொட்டினார். அதனால் அதில் அடைப்பு ஏற்பட்டது. ஜேக் ட்வீட், அதில் அடைபட்டிருந்த எலும்புகளை ஷில்பா தன் பற்களால் கடித்து எடுக்க வேண்டும் என அறிவுறுத்தினார் மேலும் ஷில்பா ஒரு "ஃபக்கிங் பாகி" என்றும் குறிப்பிட்டார். எனினும் நிகழ்ச்சி தயாரிப்பாளர்கள் அதனை மறைத்தனர், மேலும் "கண்ட்" என்ற வார்த்தையைத்தான் அவர் உபயோகித்தார் எனக் குறிப்பிட்டனர். கடுமையான வாக்கு வாதத்தில் கூடி, ஷில்பா "சேரியில் ஒரு நாள் செலவிட" வேண்டும் எனக்கூறினார். எனினும் ஊடகங்களில் "அவர் சேரிக்கே திரும்ப வேண்டும்" எனக்கூறியதாகத் தவறாக வெளியானது. ஷில்பாவின் குடும்பப்பெயர் அவருக்குத் தெரியாது. ஜேட் அவரை "ஷில்பா ஃபக்காவாலா", "ஷில்பா டுருப்பா", மற்றும் "ஷில்பா பொப்பொடம்" என்றெல்லாம் குறிப்பிட்டார். பின்னர் இந்திய உணவுக்கு அவர்கள் இனவெறியல்லாத குறிப்புகள் வைத்திருந்தனர் என்று தெரிவித்தனர். லியோட், ஷில்பாவின் ஆங்கிலம் பேசும் திறன் மிகவும் மோசமாக உள்ளது என்று கருதினார். மேலும் ஷில்பா அந்த வீட்டை விட்டு வெளியேற வேண்டும் என்ற அவரது விருப்பத்தை "ஃபக் ஆப் ஹோம்" என்ற வார்த்தையை உபயோகித்து கூறினார். ஷில்பா பல நேரங்களில் அழுகையைக் கட்டுப்படுத்திக் கொண்டார். அவருடன் தங்கியிருந்தவரான இயன் வாட்கின்ஸிடம்: "நான் என்னுடைய கவுரவத்தை இழப்பதாக உணர்கிறேன்" என்று கூறினார்.

ஷில்பா இனவெறிக்கு அவர் பலியாவதாக நினைத்தார். ஆனால் பின்னர் "மக்கள் கோபத்தில் சில விசயங்களைக் கூறுகிறார்கள்" என்று கூறி பின்வாங்கினார். ஆஃப்காம் மற்றும் சேனல் 4 இரண்டிற்கும் சேர்ந்து ஷில்பாவை நடத்திய விதம் தொடர்பாக 40,000 புகார்கள் பதிவானது. அதில் 30 புகார்கள் ஹெர்ட்ஃபோர்ட்ஷையர் காவலர்களால் முறையாக விசாரிக்கப்பட்டது.

 

விக்கிசெய்தியில் தொடர்புள்ள செய்திகள் உள்ளன:

• Big Brother star meets Tony Blair
• UK Celebrity Big Brother loses sponsorship over racism allegations

கார்போன் வேர்ஹவுஸ் நிகழ்ச்சிக்கான ஆதரவை தற்காலிகமாக நிறுத்தி வைத்தது, மேலும் ஆக்ட் அகெய்னஸ்ட் புல்லியிங் நிறுவனத்தின் நிறுவனரான லூயிஸ் பர்பிட்-டன்ஸ், ஜேட் கூடியின் நடத்தை "மன்னிக்கமுடியாதது" எனக் குறிப்பிட்டார். இந்த சர்ச்சை பிரித்தானிய நாடாளுமன்றத்த்தின் கீழ்சபை நாளின் முதல் நடவடிக்கையாக எடுத்துக்கொள்ளப்பட்டு விவாதிக்கப்பட்டது. இந்திய வெளியுறவுத்துறை அமைச்சர் ஆனந்த் ஷர்மாவிடமிருந்து பிரித்தானிய பிரதம மந்திரி டோனி பிளேருக்கு இருநாடுகளுக்கிடையேயான நல்லுறவை அச்சுறுத்தும் விதமாகவும், வர்த்தகத்தில் பாதிப்பு ஏற்படுத்தும் விதமாகவும் அச்சம்பவம் அமைந்துள்ளது என முறையான புகார் மனு தாக்கல் செய்யப்பட்டதால் சர்வதேச உறவு தொடர்பான நிகழ்வாக உயர்த்தியது. இந்தியாவில் பீகாரில் உள்ள பாட்னா நகரத்தில், கோபம் கொண்ட எதிர்ப்பாளர்கள் பேரணி நடத்தினர். மேலும் அந்த நிகழ்ச்சியை எதிர்த்து கொடும்பாவி எரிக்கப்பட்டது. அதை 'பிகாட் பிரதர்' என அழைத்தனர்.

நாடாளுமன்றத்தின் பிரதம மந்திரியின் கேள்வி நேரத்தின் போது பிளேர் "இனவெறி எந்த வடிவத்தில் வந்தாலும் அதை நாம் எதிர்க்கிறோம்" என்று குறிப்பிட்டார். பின்னர் கருவூலத்தலைவர் கோர்டன் பிரௌன், இந்தியாவிற்கு நல்லெண்ண வருகையாக வந்து அந்த சர்ச்சையை "தீங்கு விளைவிக்கக்கூடியது" எனக் கண்டித்தார். மேலும் அது பிரிட்டன் இருக்கும் நிலைக்கு முற்றிலும் எதிரானது என்றார்: "நான் பிரிட்டன் ஒரு அறம் சார்ந்த மற்றும் சகிப்புத்தன்மையும் கொண்ட நாடாகப் பார்க்கப்பட வேண்டும் என்று விரும்புகிறேன். அதை குறைக்கும் விதமான எந்த நடவடிக்கையையும் நான் கண்டிக்கிறேன்." அலுவலக ரீதியான அறிக்கையில் சேனல் 4, இனவெறியை பிரயோகப்படுத்துதல் அல்லது ஷில்பாவிற்கு எதிரான நடவடிக்கையை தடுத்திருக்க வேண்டும். ஆனால் "கலாச்சார மற்றும் வகுப்புவாத மோதலே" அந்த சர்ச்சைக்கு காரணம் என்று ஏற்றுக்கொண்டது. முழுமையான விசாரணைக்குப் பிறகு ஆஃப்காம் இதுவரை இல்லாத நிகழ்வை நடத்தியுள்ளது. மேலும் சேனல் 4 மிகவும் இழிவான இனவெறியை ஒளிபரப்பியதற்காக குற்றம் புரிந்துள்ளது. மேலும் அடுத்த பிக் பிரதர் சீசனில் இதற்காக பலமுறை மன்னிப்பு கேட்டு அதை ஒளிபரப்ப வேண்டும் என்று அறிவுறுத்தப்பட்டது.

ரிச்சர்ட் கெரெ முத்தம் கொடுத்த நிகழ்வு

2007 ஏப்ரல் 15 அன்று எயிட்ஸ் விழிப்புணர்வு நிகழ்ச்சியில் ரிச்சர்ட் கீர், ஷில்பாவின் கன்னத்தில் பலமுறை முத்தம் கொடுத்தார். இந்தியாவின் சரக்கு வண்டி ஓட்டுநர்களுக்கு பாதுகாப்பான உடலுறவுக்கு அறிவுரை கூறவும் எயிட்ஸ் விழிப்புணர்வை வலியுறுத்தவும் நியூ டெல்லியில் நடந்த பேரணியின் ஒரு பகுதியாக இருவரும் செய்தியாளர் கூட்டத்தில் தோன்றினர். அந்த முத்தம் இந்தியாவின் கலாச்சாரம் மற்றும் ஒழுக்கத்திற்கு ஏற்பட்ட பாதிப்பாக கருதப்பட்டது. உடனடியாக எதிர்ப்பாளர்கள் மற்றும் தீவிர இந்துமதக் குழுவான சிவ சேனா உறுப்பினர்கள், கெரெயின் கொடும்பாவிகளை எரித்து அதை குச்சிகளால் அடித்தனர். மற்றவர்கள் ஷில்பாவின் கவர்ச்சியான படங்களை எரித்தனர். மக்கள் அவரிடமிருந்து மன்னிப்பு கேட்கக்கோரினர். மேலும் அவரது திரைப்படங்கள் மாநிலத்தில் திரையிட அனுமதிக்கமாட்டோம் என பயமுறுத்தினர். சிவ சேனா தலைவர்கள் எதிர்ப்பில் ஈடுபட்டதை மறுத்தனர். ஆனால் சிவ சேனாவின் நாடாளுமன்ற உறுப்பினரான சஞ்சய் ராட், எதிர்ப்பாளர்கள் "பொது மக்களின் கோபத்தையே வெளிப்படுத்தினார்கள்", "இது போன்ற நடவடிக்கைகளுக்கு எதிர்ப்பு தெரிவிப்பதில் எந்த தவறும் இல்லை" எனக்கருத்து தெரிவித்தார்.

அது போன்ற எதிர்ப்புகள் இந்துத்துவத்தின் புனித நகரமான வாரணாசி மற்றும் மீரட் நகரின் வடக்குப்பகுதி உள்ளிட்ட மற்ற நகரங்களிலும் வெடித்தது. நூற்றுக்கணக்கான மக்கள் "ஷில்பா ஷெட்டி ஒழிக!" என்று முழக்கமிட்டனர். ஸ்டார் நியூஸின் அலுவலகமும் தாக்கப்பட்டது. எதிர்ப்பாளர்கள் எந்த வன்முறைச் செயல்களிலும் ஈடுபடவில்லை. மேலும் எதிர்ப்பில் ஈடுபட்ட சிலரைக் காவலில் வைத்ததன் மூலம் சூழ்நிலை விரைவில் கட்டுக்குள் கொண்டுவரப்பட்டது.

ஷில்பா அந்த எதிர்ப்பைப் பற்றி "இது (முத்தம் கொடுத்தல்) போன்ற செயல் அவர்களது (கெரெயின்) கலாச்சாரம், நமது கலாச்சாரமல்ல என்று எனக்கு நன்றாக புரிகிறது. ஆனால் இந்த விசயம் மக்கள் அவ்வாறு அதிகப்படியாக உணர்ச்சிவசப்படும் அளவுக்கு பெரிய விசயமோ அல்லது ஆபாசமானதோ அல்ல. மக்களின் உணர்வுகள் எனக்குப் புரிகிறது, ஆனால் வெளிநாட்டவர் இங்கிருந்து மோசமான அனுபவத்தை எடுத்துச்செல்ல வேண்டாம் என நான் நினைக்கிறேன் என்றார்".

2007 ஏப்ரல் 26 அன்று ராஜஸ்தானிலுள்ள இந்திய நீதிமன்றம் ஷில்பா மற்றும் கெரெக்கு கைது வாரண்ட் பிறப்பித்தது.

ஷில்பா மற்றும் கெரெ இருவருக்கும் எதிரான சட்ட ரீதியான நடவடிக்கையை இந்திய உச்ச நீதிமன்றம் வழக்கின் முறையான சட்டப்பூர்வமான எல்லையை நீதிமன்றம் வரையறுக்கும் வரை ஒத்திவைத்தது. கெரெ அது தொடர்பான எந்த நிகழ்வுக்கும் வருத்தம் தெரிவித்தார். மேலும் ஷில்பா "விவகாரம் அளவிற்கு மீறி பெரிதாக்கப்பட்டது" எனக் குறிப்பிட்டார்.

வெற்றியாளர்

• 1998: பர்தேசி பாபு படத்திற்காக சிறந்த துணை நடிகைக்கான பாலிவுட் திரைப்பட விருது
• 2004: பீர் மிலேங்கே படத்திற்காக ஜயண்ட் சர்வதேச விருது.
• 2005: 'பீர் மிலேங்கே படத்திற்காக AAHOA விருது.
• 2005: சஹாரா ஒன் தொலைக்காட்சி பார்வையாளர்களால் இந்திய "டிவா ஆப் த இயர்".
• 2007: IIFA வின் உலகளாவிய தாக்கத்திற்கான சிறப்பு விருது.
• 2007: மனித நேயச் செயல்பாட்டில் அவர் சிறப்பாக செயல்பட்டதற்காக சில்வர் ஸ்டார் விருது .
• 2007: ராஜிவ் காந்தி நேசனல் குவாலிட்டி விருது.
• 2008: லைஃப் இன் எ... மெட்ரோ வுக்காக சிறந்த துணை நடிகைக்கான ஜீ சினி விருது .
• 2009: IIFA-FICCI பிரேம்ஸ் "பத்தாண்டுகளில் மிகவும் வலிமை வாய்ந்த பொழுதுபோக்காளர்" விருது பெற்ற 10 பேரில் ஷில்பாவும் ஒருவர்.

பரிந்துரைக்கப்பட்டது

• 1994: பாஜிகர் படத்திற்காக பிலிம்பேர் சிறந்த துணை நடிகை விருது
• 2001: தத்கன் படத்திற்காக IIFA சிறந்த நடிகை விருது
• 2003: ரிஷ்தே படத்திற்காக பிலிம்பேர் சிறந்த துணை நடிகை விருது
• 2003: ரிஷ்தே படத்திற்காக சிறந்த நகைச்சுவை நடிகருக்கான ஸ்டார் ஸ்க்ரீன் விருது
• 2005: பிர் மிலேங்கே படத்திற்காக சிறந்த நடிகைக்கான ஸ்டார் ஸ்க்ரீன் விருது
• 2005: பிர் மிலேங்கே படத்திற்காக பிலிம்பேர் சிறந்த நடிகை விருது
• 2005: பிர் மிலேங்கே படத்திற்காக சிறந்த நடிகைக்கான ஜீ சினி விருது
• 2005: பிர் மிலேங்கே படத்திற்காக IIFA சிறந்த நடிகை விருது
• 2005: பிர் மிலேங்கே படத்திற்காக சிறந்த நடிகைக்கான பாலிவுட் திரைப்பட விருது

 

விக்கிமீடியா பொதுவகத்தில்,
சில்பா செட்டி
என்பதில் ஊடகங்கள் உள்ளன.

• இணையத் திரைப்பட தரவுத்தளத்தில் சில்பா செட்டி
• BBC நியூஸ் புரொஃபைல் பக்கம்