சிங்கப்பூர் குடியரசுத் தலைவர்
சிங்கப்பூர் குடியரசுத் தலைவர் (President of the Republic of Singapore; மலாய்: Presiden Republik Singapura) என்பவர் சிங்கப்பூர் குடியரசின் நாட்டுத் தலைவர் ஆவார்.
சனாதிபதி என்று அழைக்கப்படுகிறார்.
| சிங்கப்பூர் குடியரசு குடியரசுத் தலைவர் | |
|---|---|
 குடியரசுத் தலைவரின் சின்னம் | |
 குடியரசுத் தலைவரின் கொடி | |
| சிங்கப்பூர் குடியரசின் நாட்டுத் தலைவர் | |
| Type | நாட்டுத் தலைவர் |
| வாழுமிடம் | இசுத்தானா |
| நியமிப்பவர் | நாடாளுமன்றம் (1965–1991) நேரடித் தேர்தல் (1991 முதல்) |
| பதவிக் காலம் | ஆறு ஆண்டுகள், புதுப்பிக்கத்தக்கது |
| உருவாக்கம் | 9 ஆகத்து 1965 |
| முதலாமவர் | யூசுப் இசாக் |
| துணை குடியரசுத் தலைவர் | குடியரசுத் தலைவரின் ஆலோசகர்கள் சபையின் தலைவர் |
| ஊதியம் | S$1,540,000 ஆண்டுக்கு |
| இணையதளம் | அதிகாரபூர்வ இணையதளம் |
சிங்கப்பூரில் நடைமுறையில் உள்ள வெஸ்ட்மினிஸ்டர் நாடாளுமன்ற முறைமையின் கீழ் அரசின் தலைவர் (Head of Government) சிங்கப்பூரின் பிரதமர் ஆவார்.
குடியரசுத் தலைவர் எனும் அதிகாரப்பூர்வ அழைப்புப் பெயர், பெரும்பாலும் ஒரு சடங்குப் பெயராகவே கருதப் படுகிறது. 1993-ஆம் ஆண்டிற்கு முன்பு, சிங்கப்பூர் அதிபர் நாடாளுமன்றத்தால் நியமிக்கப்பட்டார்.
பொது
1991-ஆம் ஆண்டில் சிங்கப்பூரின் அரசியல் சாசனங்கள் திருத்தப்பட்டன. அதன் பிறகு, குடியரசுத் தலைவர், சிங்கப்பூர் மக்களால் தேர்ந்தெடுக்கப் படுகிறார்.
சிங்கப்பூரில் முதலாவதாக மக்களால் தேர்ந்தெடுக்கப்பட்ட குடியரசுத் தலைவர் ஒங் தெங் சியோங். 1991-ஆம் ஆண்டில் நடந்த சாசான மாற்றங்களால், குடியரசுத் தலைவருக்குச் சில தனிப்பட்ட உரிமைகள் அளிக்கப்பட்டன. குடியரசுத் தலைவரின் அதிகாரப்பூர்வ வாழுமிடம் இஸ்தானா சிங்கப்பூர் ஆகும்.
வரலாறு
1965-ஆம் ஆண்டில் மலேசியா கூட்டமைப்பில் இருந்து சிங்கப்பூர் பிரிந்து சென்று, சிங்கப்பூர் குடியரசாக மாறியது. அதன் பிறகு அதே 1965-ஆம் ஆண்டில் அதிபர் எனும் சிங்கப்பூர் குடியரசுத் தலைவர் பதவி உருவாக்கப்பட்டது.
சிங்கப்பூர் தேசிய அரசியலமைப்பு; சிங்கப்பூர் குடியரசுத் தலைவர் பதவிக்கு கடுமையான தகுதி நிபந்தனைகளை விதிக்கிறது. 1993-க்கு முன்னர், சிங்கப்பூர் நாடாளுமன்றத்தால் அதிபர் தேர்ந்தெடுக்கப்பட்டார்.
அரசியலமைப்புத் திருத்தங்கள்
1991-இல் நிறைவேற்றப்பட்ட அரசியலமைப்புத் திருத்தங்களின் விளைவாக, குடியரசுத் தலைவர் பதவியானது, மக்களால் தேர்ந்தெடுக்கப்படும் பதவியாக மாறியது. அரசாங்கச் செலவுகள் மற்றும் பொது அலுவலகங்களுக்கான முக்கிய நியமனங்கள் ஆகியவற்றில் குறிப்பிட்ட பாதுகாப்பு அதிகாரங்களைக் கொண்ட பதவியாகவும் மாறியது.
1959-ஆம் ஆண்டில் சிங்கப்பூர் சுய ஆளுமையைப் பெற்றது. அப்போது சிங்கப்பூர் குடியரசுத் தலைவர் எனும் பதவி உருவாக்கப்பட்ட வில்லை. அந்தப் பதவி யாங் டி பெர்துவான் நெகாரா (Yang di-Pertuan Negara) என்று அழைக்கப்பட்டது. சிங்கப்பூரின் கடைசி யாங் டி பெர்துவான் நெகாரா, யூசுப் இசாக். இவர்தான் சிங்கப்பூரின் முதல் அதிபரும் ஆகும்.
குடியரசுத் தலைவர்களின் பட்டியல்
| இல. | படிமம் | பெயர் (பிறப்பு–இறப்பு) | முந்தைய பதவி | பதவிக்காலம் | தேர்தல் | முடிவுகள் | ||
|---|---|---|---|---|---|---|---|---|
| பதவியேற்ற நாள் | பதவி முடிந்த நாள் | Time in office | ||||||
| 1 |  | யூசுப் இசாக் (1910–1970) | யாங் டி பெர்துவான் நெகாரா | 9 ஆகத்து 1965 | 23 நவம்பர் 1970 | 5 ஆண்டுகள், 106 நாட்கள் | – | நாடாளுமன்றத்தால் தேர்வு |
| 1967 | ||||||||
| நாடாளுமன்ற சபாநாயகர் யோ கிம் செங் பதில் குடியரசுத் தலைவர் 24 நவம்பர் 1970–1 சனவரி 1971 | ||||||||
| 2 | பெஞ்சமின் சியர்சு (1907–1981) | மருத்துவர், கல்வியாளர் | 2 சனவரி 1971 | 12 மே 1981 | 10 ஆண்டுகள், 130 நாட்கள் | 1970 | நாடாளுமன்றத்தால் தேர்வு | |
| 1974 | ||||||||
| 1978 | ||||||||
| நாடாளுமன்ற சபாநாயகர் யோ கிம் செங் பதில் குடியரசுத் தலைவராக 13 மே 1981–22 அக்டோபர் 1981 | ||||||||
| 3 | தேவன் நாயர் (1923–2005) | ஆன்சன் தொகுதி நாடாளுமன்ற உறுப்பினர் | 23 அக்டோபர் 1981 | 28 மார் 1985 | 3 ஆண்டுகள், 156 நாட்கள் | 1981 | நாடாளுமன்றத்தால் தேர்வு | |
| தலைமை நீதிபதி வீ சொங் சின் பதில் அரசுத்தலைவராக 29 மார்ச் 1985–31 மார்ச் 1985 | ||||||||
| நாடாளுமன்ற சபாநாயகர் யோ கிம் செங் பதில் குடியரசுத் தலைவராக 31 மார்ச் 1985–2 செப்டம்பர் 1985 | ||||||||
| 4 | வீ கிம் வீ (1915–2005) | தென் கொரியா, சப்பானுக்கான தூதுவர் | 2 செப்டம்பர் 1985 | 1 செப்டம்பர் 1993 | 7 ஆண்டுகள், 364 நாட்கள் | 1985 | நாடாளுமன்றத்தால் தேர்வு | |
| 1989 | ||||||||
| 5 |  | ஓங் தெங் சோங் (1936–2002) | துணைப் பிரதமர் | 1 செப்டம்பர் 1993 | 31 ஆகத்து 1999 | 5 ஆண்டுகள், 364 நாட்கள் | 1993 | 952,513 (58.69%) |
| 6 |  | செல்லப்பன் ராமநாதன் (1924–2016) | அமெரிக்காவுக்கான தூதுவர் | 1 செப்டம்பர் 1999 | 31 ஆகத்து 2011 | 11 ஆண்டுகள், 364 நாட்கள் | 1999 | போட்டியின்றித் தேர்வு |
| 2005 | ||||||||
| 7 |  | டோனி டேன் கெங் யம் (born 1940) | துணைப் பிரதமர் | 1 செப்டம்பர் 2011 | 31 ஆகத்து 2017 | 5 ஆண்டுகள், 364 நாட்கள் | 2011 | 745,693 (35.20%) |
| குடியரசுத் தலைவரின் ஆலோசபர்களின் பேராயத்தின் தலைவர் ஜெ. ஒய். பிள்ளை பதில் குடியரசுத் தலைவராக 1 செப்டம்பர் 2017–13 செப்டம்பர் 2017 | ||||||||
| 8 |  | அலிமா யாக்கோபு (பிறப்பு 1954) | நாடாளுமன்ற சபாநாயகர் | 14 செப்டம்பர் 2017 | 13 செப்டம்பர் 2023 வரை | 5 ஆண்டுகள், 364 நாட்கள் | 2017 | போட்டியின்றித் தெரிவு |
| 9 |  | தர்மன் சண்முகரத்தினம் (பிறப்பு 1957) | மூத்த அமைச்சர் | 14 செப்டம்பர் 2023 | 2023 | 1,746,427 (70.40%) | ||
மேற்கோள்கள்
சான்றுகள்
வெளி இணைப்புகள்
This article uses material from the Wikipedia தமிழ் article சிங்கப்பூர் குடியரசுத் தலைவர், which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). வேறுவகையாகக் குறிப்பிடப்பட்டிருந்தாலன்றி இவ்வுள்ளடக்கம் CC BY-SA 4.0 இல் கீழ் கிடைக்கும். Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki தமிழ் (DUHOCTRUNGQUOC.VN) is an independent company and has no affiliation with Wiki Foundation.