கில்கமெஷ் (Gilgamesh) பண்டைய மெசொப்பொத்தேமியாவின் தெற்கில் அமைந்த சுமேரிய நகர இராச்சியமான உரூக் நகர மன்னர்களில் ஒருவர்.
கில்கமெஷ் | |
---|---|
இடது கையில் சிங்கத்தை அழுத்திப் பிடித்துக் கொண்டு, வலது கையில் பாம்பை பிடித்துக் கொண்டிருக்கும் விலங்கினங்களின் அரசன் எனப்புகழப்படும் கில்கமெஷ், அசிரியர்களின் அரண்மனையின் தொல்பொருள், இலூவா அருங்காட்சியகம் | |
இடம் | பூமி |
பெற்றோர்கள் | லுகல்பண்டா மற்றும் நின்சுன் |
குழந்தைகள் | ஊர்-நுங்கல் |
கிமு மூவாயிரம் ஆண்டில் அக்காதிய மொழியில் எழுதப்பட்ட பண்டைய சுமேரியக் காவியமான கில்கமெஷ் காப்பியத்தில் வீரமிக்க கதாநாயகனாக கில்கமெஷ் சித்தரிக்கரிப்படுகிறார்.
கிமு 2800 - 2500 இடைப்பட்ட காலத்தில் மெசொப்பொத்தேமியாவின் உரூக் நகரத்தை ஆட்சி செய்த கில்கமெசின் வீரம், வெற்றி, புகழைப் போற்றி தெய்வ நிலைக்கு உயர்த்தப்பட்டார்.மூன்றாவது ஊர் வம்ச ஆட்சியின் போது, கிமு 2,000ல் கில்கமெஷ் காப்பியம் படைத்தனர்.
கில்கமெஷ், கிமு 2800 - 2500 இடைப்பட்ட காலத்தில் சுமேரியாவின் உரூக் நகரத்தை ஆண்ட மன்னர் என வரலாற்று அறிஞர்கள் கருதுகிறார்கள்.
உரூக் நகர தொல்லியல் களத்தில் கண்டெடுக்கப்பட்ட கட்டிட செய்யுள் குறிப்புகளில், 11 - 15 வரிசை குறிப்புகளில் மன்னர் கில்கமெஷ் குறித்த செய்திகள் உள்ளது.
கில்கமேஷின் சமகாலத்தில் வாழ்ந்த கிஷ் நகர இராச்சியத்தின் மன்னர் எம்மெபாராஜெசி என்பவர், கில்கமெசை ஒரு மன்னராக குறிப்பிடுகிறார்.
சுமேரிய மன்னர்களின் பட்டியலில் கில்கமேஷ் உரூக் நகர இராச்சியத்தின் மன்னர்களில் ஒருவராக குறிப்பிடப்பட்டுள்ளது. இறந்த மன்னர் கில்கமெஷை உரூக் நகரத்தின் ஆற்றின் கரையில் புதைப்பதற்காக, யூப்பிரடீஸ் ஆற்றின் நீர்ப்போக்கை மாற்றி அமைத்ததாக, தற்கால டெல் ஹத்தாத் (Tell Haddad]]) தொல்லியல் களத்தில் கிடைத்த ஒரு காப்பிய நூலின் துண்டுகளிலிருந்து செய்திகள் அறியப்படுகிறது. கில்கமெஷ் வீரதீர செயல்களை கூறும் கில்கமெஷ் காப்பியம் கிமு 2000 ஆண்டுகளுக்கு முன் செய்யுள் வடிவத்தில் களிமண் பலகைகளில் எழுதப்பட்டுள்ளது.
This article uses material from the Wikipedia தமிழ் article கிலுகாமிசு, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). வேறுவகையாகக் குறிப்பிடப்பட்டிருந்தாலன்றி இவ்வுள்ளடக்கம் CC BY-SA 4.0 இல் கீழ் கிடைக்கும். Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki தமிழ் (DUHOCTRUNGQUOC.VN) is an independent company and has no affiliation with Wiki Foundation.