Gilgamech
Gilgamech (/ɡilˈɡa:mɛʃ/, e skritur gennheñvel Akkadek: , Gilgameš, anvet ivez Bilgames en testennoù sumerian kentañ) a oa pempved roue Uruk, er vro zo Irak ha Koweit hiziv (tierniezh abred II, kentañ tierniezh Uruk), hag en dije renet war-dro 2500 vloaz kent J.K.
Hervez ar rolloù rouanez sumerian en dije renet e-pad 126 vloaz.
Hervez enskrivadur Tummal, Gilgamech hag e vab Urlugal, a adsavas santual an doueez Ninlil, e Tummal, ur c'harter sakr en he c'heoded Nippur. Gilgamech eo haroz pennañ Meurgan Gilgamech, an oberenn vrasañ eus lennegezh kozh Mezopotamia zo chomet betek ennomp.
Er meurgan, e dad a oa Lugalbanda hag e vamm Ninsun (anvet Rimat Ninsun gant lod), un doueez. E mitologiezh Mezopotamia, Gilgamech a oa un hanterzoue, dezhañ un nerzh dreistdenel, a savas murioù keoded Uruk da zifenn e bobl diouzh gourdrouzoù an diavaez, hag a reas ur veaj hir hag arvarus da gejañ gant ar fur Utnapishtim, a oa chomet bev war-lerc'h al Liñvadenn Veur. Deskrivet e vez peurliesañ evel doue evit div drederenn ha den evit un drederenn.
Liammoù diavaez
- Abbé Sauveplane, "Une épopée babylonienne Is-Tu-Bar - Gilgamès" Revue des Religions (1892-1893) war wikisource
Notennoù
| En e raok Aga Kich | Roue Sumer war-dro 2600 kent J.K. | War e lerc'h Ur-Nungal |
| En e raok Dumuzid, ar pesketaer | Ensi Uruk war-dro 2600 kent J.K. |
This article uses material from the Wikipedia Brezhoneg article Gilgamech, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.