25 Méi
25 Méi nyaéta poé ka-145 dina sataun (ka-146 dina taun kabisat) dina kalénder Gregorian, sésana 220 poé.
| ||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||
Kajadian
- 240 SM – Liliwatan perihelion Komét Halley nu munggaran kacatet.
- 1521 – Majelis Worms lekasan nalika Charles V, Raja Romawi Suci medalkeun Maklumat Worms (Edict of Worms) nu nyatakeun Martin Luther minangka saurang palanggar hukum.
- 1644 – Jénderal Ming, Wun Sangui, nyieun pasakutuan jeung panyerang Manchu sarta muka lawang Tembok Raksasa Tionghoa di jalur Shanhaiguan, ngantepkeun urang Manchu arasup ka puseur kota Béijing.
- 1660 – Charles II ngadarat di Dover ku undangan Parlemén Konvénsi (Inggris), nu jadi tanda réngséna Pasamakmuran Cromwell Inggris, Skotlandia jeung Irlandia, sarta dipulangkeun deuina Monarki Inggris.
- 1809 – Perjoangan nu mucunghul di Chuquisaca (kiwari Sucre) ngalawanan Karajaan Spanyol, nyulut kana Perang Kamerdékaan Amérika Latin.
- 1810 – Révolusi Méi: Warga Buenos Aires ngusir Raja Anom Baltasar Hidalgo de Cisneros dina mangsa Minggu Méi, ngamimitian kana Perang Kamerdékaan Argéntina.
- 1816 – Kumpulan puisi Samuel Taylor Coleridge dipedalkeun ku John Murray di London, kaasup "Kubla Khan" jeung "Christabel".
- 1842 – Christian Doppler medar pamikiranna nu kiwari nelah ku Éfék Doppler ka Masarakat Karajaan Bohemia, Praha.
- 1895 – Républik Formosa diadegkeun, ku Tang Jingsong minangka présidénna.
- 1926 – Sholom Schwartzbard nelasan Symon Petliura, kapala pamaréntahan Républik Rakyat Ukraina, nu keur aya di pangbuangan di Paris.
- 1938 – Perang Sipil Spanyol: Pangeboman Alicante nelasan 313 jalma.
- 1940 – Perang Dunia II: Divisi Panser ka-2 Jérman ngarebut Boulogne-sur-Mer; nyarerahna pasukan Inggris jeung Perancis nandaan réngséna Patempuran Boulogne.
- 1946 – Parlemén Transyordania nunjuk Abdullah I minangka Émir.
- 1955 – Pangdakian Kangchenjunga nu munggaran (8.586 m.), gunung pangluhurna katilu di dunya, ku tim ékspedisi Inggris nu dipingpin ku Charles Evans.
- 1963 – Di Addis Ababa, Éthiopia, Organisasi Pangahijian Afrika (OAU) diadegkeun.
- 1965 – Muhammad Ali nga-o Sonny Liston dina ronde kahiji dina tanding ulang parebutan gelar juara dunia kelas beurat.
- 1977 – Pamaréntahan Tionghoa nyabut larangan kana karya-karya William Shakespeare nu geus lumangsung salila sadékade, sacara teu langsung mungkas kana Révolusi Budaya nu geus dimimitian ti taun 1966.
- 1978 – Bom kahiji tina sarangkéyan bom nu dirarancang ku Unabomber ngabeledug di Universitas Northwestern, ngabalukarkeun tatu-tatu leutik.
- 1979 – Pasawat McDonnel Douglas DC-10 nu Maskapai Amérika murag di Chicago nalika leupas landas ti Bandara Internasional O’Hare, nelasan 271 jalma sajeroeunna sarta dua jalma di darat.
- 1981 – Di Riyadh, Déwan Gawé Bareng Teluk dijieun antara Bahrain, Kuwait, Oman, Qatar, Arab Saudi jeung Uni Émirat Arab.
- 1982 – Perang Falklands: HMS Coventry ditilemkeun ku pasawat Skyhawks Argéntina.
- 1985 – Bangladésh ditarajang ku angin puyuh jeung badéy tropis, nelasan kira-kira nepi ka 10.000 jalma.
- 1997 – Hiji kudéta militer di Sierra Leone ngagantikeun Présidén Ahmad Tejan Kabbah ku Mayor Johnny Paul Koroma.
- 2000 – Israél narik tentarana ti wilayah Libanon (kajaba wilayah pacogrégan Shebaa) sabada invasi 22 taun ti taun 1978.
- 2001 – Erik Weihenmayer jadi jalma lolong munggaran nu nepi ka puncak Gunung Éverest, di Himalaya, dibarengan ku Dr. Sherman Bull.
- 2002 – Pasawat Maskapai Tionghoa Nomer 611 beulah di jomantara sarta murag ka Selat Taiwan. Sakabéh 225 jalma sajeroeunna maraot
- 2009 – Koréa Kalér pada nyangka ngalakukeun uji coba pakarang nuklirna nu kadua, ogé nguji coba sababaraha misil nu ngakibatkeun kaharénghéngan di masarakat internasional.
- 2011 – Oprah Winfrey midangkeun pamintonan pamungkasna, mungkas The Oprah Winfrey Show nu geus lumangsung 25 taun.
- 2013 – Kasangka pangbarontak Maois nelasan saheunteuna 28 jalma sarta nyideraan 32 urang lianna dina hiji serangan ka konpoy pulitisi Kongrés Nasional India di Chhattisgarh, India.
- 2017 – Mark Zuckerberg narima gelar kahormatan ti Universitas Harvard, sabada DO di taun 2004.
- 2018 – Aturan Panangtayungan Data Umum (GDPR) mimiti lumaku.
Nu babar
Nu pupus
- 1958 – Ismail Marzuki, komposer Indonésia (l. 1914)
Poé peré / poé panginget-nginget
- Poé Budak Leungit Internasional
Tumbu luar
 | Artikel ngeunaan kalénder ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
This article uses material from the Wikipedia Basa Sunda article 25 Méi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eusi nu nyangkaruk ditangtayungan ku CC BY-SA 4.0 iwal lamun disebutkeun béda. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Sunda (DUHOCTRUNGQUOC.VN) is an independent company and has no affiliation with Wiki Foundation.