Padalisan
Padalisan nyaéta bagian tina pada dina gunukan pupuh.
Réana padalisan dina sapada hiji pupuh henteu sarua jeung pupuh séjénna sarta unggal padalisan dina sapada hiji pupuh henteu sarua jumlah engangna jeung sora tungtungna. Jumlah engang dina sapadalisan disebut guru wilangan, ari sora tungtung dina hiji padalisan disebut guru lagu. Leuwih basajanna, padalisan téh jajaran-jajaran dina pada pupuh. Dina guguritan, padalisan téh biasana ditulis sajajar-sajajar. Ari dina wawacan (panjang) mah antara padalisan jeung padalisan téh biasana ukur dihalangan ku koma atawa tanda séjén keur ngirit tempat.Upama dilisankeun, biasana aya randegan antara padalisan téh. Dina basa Indonesia sok disebut larik.
Conto
Réana padalisan dina sapada pupuh henteu sarua, sabab unggal pada pupuh aya patokanana anu maneuh ngeunaan jumlah padalisan téh. Ieu di handap conto sapada pupuh asmarandana, diwangun ku tujuh padalisan, dipetik tina guguritan Asmarandana Lahir Batin karya R.A. Bratadiwidjaja.
Éling-éling masing éling
Rumingkang di bumi alam
Darma wawayangan baé
Raga taya pangawasa
Lamun kasasar lampah
Napsu nu matak kaduhung
Badan anu katempuhan
Padalisan
Padalisan nyaéta bagian tina pada dina gunukan pupuh.
This article uses material from the Wikipedia Basa Sunda article Padalisan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Eusi nu nyangkaruk ditangtayungan ku CC BY-SA 4.0 iwal lamun disebutkeun béda. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Sunda (DUHOCTRUNGQUOC.VN) is an independent company and has no affiliation with Wiki Foundation.