Zef Shiroka
Zef Shiroka (Shkodër, 1895 - 1969) ka qenë nëpunës dhe ministër i shtetit shqiptar.
Zef Shiroka | |
|---|---|
| Ministër sekretar shteti i Industrisë dhe Tregtisë | |
| Në detyrë 12 shkurt – 28 prill 1943 | |
| Paraprirë nga | Ndoc Naraçi |
| Pasuar nga | Nexhip Basha |
| Kryetar i Bashkisë Shkodër | |
| Në detyrë qershor 1942 – shkurt 1943 | |
| Paraprirë nga | Mark Kakarriqi |
| Pasuar nga | Loro Suma |
| Të dhëna vetjake | |
| U lind më | 29 mars 1895 Shkodër, Perandoria Osmane |
| Vdiq më | 15 qershor 1969 Shkodër, Republika Popullore e Shqipërisë |
| Nënshtetësia | shqiptar |
| Punësimi | nëpunës |
Biografia
U lind më 29 mars 1895 në Shkodër, i biri i Loros dhe i Zines. I ati i vdiq herët, duke e lënë të ëmën për t'u përkujdesur me pesë jetimët: Florindën, Regjinën, Zefin, Terezinën dhe Frederikun. Mbaroi 6 klasë të mesme të shkollës tregtare të jezuitëve, më pas vazhdoi studimet e larta tregtare e industriale.
Deri më 1933 ka qenë drejtor i agjencisë së kripës. Më 1937 e deri më 1941 ka qenë llogaritar i fabrikës së çimentos në Shkodër. Më 1942 qe caktuar kryetar i nozullimeve në Prizren, më pas qe kryetar i Bashkisë Shkodër. Më 1943 u caktua ministër i Industrisë dhe Tregtisë në kabinetin Bushati, më pas deri më 1945 qe pronar i një dyqani të vogël kafeje në Shkodër.
U arrestua me 13 janar 1945 dhe u gjykua në Gjyqi Special, por në fund u gjykua i pafajshëm dhe u lirua për mungesë provash. Më 1946-1947 u burgos sërish. Në vitet 1954-1959 u internua në rrethin e Fierit.
Ndërroi jetë në Shkodër më 15 qershor 1969.
Referime
This article uses material from the Wikipedia Shqip article Zef Shiroka, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.