Prostitucioni Në Shqipëri

Para rënies së Bashkimit Sovjetik në fillim të viteve 1990, prostitucioni në Shqipëri ishte praktikisht i panjohur. Migrimi nga zonat rurale në qytete dhe problemet ekonomike pas rënies sovjetike, bënë që disa gra t'i drejtoheshin prostitucionit.

Prostitucioni rrugor ndodh pranë qendrës së kryeqytetit, Tiranës, kryesisht nga burra dhe gra rome. Disa studente punojnë si prostituta në hotele apo motele në Tiranë dhe qytete të tjera të mëdha, ku gjenden edhe shtëpi publike.

OJQ-ja Aksion Plus u ofron punonjësve të seksit advokim, edukim dhe mbështetje.

Tri nene të Kodit Penal të Republikës së Shqipërisë e shpallin të jashtëligjshëm prostitucionin dhe veprimtaritë e lidhura me to:

• Neni 113, Prostitucioni (blerja dhe shitja e seksit)
• Neni 114, Shfrytëzimi i prostitucionit (“nxitja, ndërmjetësimi ose marrja e dëmshpërblimit për ushtrim prostitucioni”)
• Neni 115, Përdorimi i lokaleve për prostitucion (" administrimi, shfrytëzimi, financimi ose marrja me qira e lokaleve për qëllime prostitucioni")
• Nenet 110(a) dhe 128(b) ndalojnë trafikimin e seksit dhe punës dhe parashikojnë dënime nga tetë deri në 15 vjet burgim.

Trafikantët e qenieve njerëzore shfrytëzojnë viktima vendase dhe të huaja në Shqipëri dhe trafikantët shfrytëzojnë viktima nga Shqipëria jashtë vendit. Gratë dhe fëmijët shqiptarë janë subjekt i trafikimit seksual dhe punës së detyruar brenda vendit, veçanërisht gjatë sezonit turistik. Trafikantët përdorin premtime të rreme si p.sh. oferta martese ose punësimi për t'i detyruar viktimat në trafikim seksual. Viktimat shqiptare janë subjekt i trafikimit për seks në vende të Evropës, veçanërisht në Kosovë, Greqi, Itali, Belgjikë, Gjermani, Zvicër, Maqedoninë e Veriut, Norvegji, Holandë dhe MB. Viktimat e huaja nga vendet evropiane dhe Filipinet i janë nënshtruar trafikimit seksual dhe punës së detyruar në Shqipëri. Emigrantët e Lindjes së Mesme, Azisë Qendrore dhe Afrikës që kalojnë tranzit nga Shqipëria për të arritur në Evropën Perëndimore janë gjithashtu të prekshëm.

Në vitin 2018, Policia e Shtetit Shqiptar arrestoi 20 të dyshuar si trafikantë seksi për llogari të autoriteteve italiane dhe greke.

Zyra e Departamentit të Shtetit të Shteteve të Bashkuara për Monitorimin dhe Luftimin e Trafikimit të Njerëzve e rendit Shqipërinë si një vend të 'Klasit të 2-të'.

• Aksion Plus Arkivuar 6 nëntor 2020 tek Wayback Machine