José Ignacio Fernández Iglesias (Spanjisht: ; lindur më 18 janar 1990), njohur zakonisht si Nacho , është një futbollist profesionist spanjoll i cili luan si mbrojtës për klubin spanjoll Real Madrid dhe kombëtaren spanjolle.
Nacho në 2017 | |||
Të dhënat vetjake | |||
---|---|---|---|
Emri i plotë | José Ignacio Fernández Iglesias | ||
Datëlindja | 18 janar 1990 | ||
Vendlindja | Madrid, Spanjë | ||
Gjatësia | 1.80 m (5 ft 11 in) | ||
Pozicioni | Mbrojtës | ||
Të dhënat e klubit | |||
Klubi aktual | Real Madrid | ||
Numri | 6 | ||
Karriera me të rinjtë | |||
1999–2001 | AD Complutense | ||
2001–2009 | Real Madrid | ||
Karriera me klube* | |||
Vitet | Klubi | Ndeshje | (Golat) |
2009–2013 | Real Madrid B | 111 | (4) |
2011– | Real Madrid | 121 | (6) |
Karriera ndërkombëtare‡ | |||
2005 | Spanja U16 | 1 | (0) |
2006–2007 | Spanja U17 | 11 | (0) |
2008–2009 | Spanja U19 | 9 | (2) |
2011–2013 | Spanja U21 | 6 | (0) |
2013– | Spanja | 22 | (1) |
*Ndeshjet dhe golat me klubet llogariten vetëm për ligën vendase – redaktuar më 21:37, 10 mars 2019 (UTC) ‡ Ndeshjet dhe golat me ekipin kombëtar të redaktuar më 15 tetor 2018 |
Ai e ka shpenzuar të gjithë karrierën e tij me Real Madridin, me të cilin debutoi në vitin 2011; ai ka fituar disa trofe me klubin kryeqytetas, përfshirë edhe katër Liga Kampionesh.
Nacho luajti ndeshjen e tij të parë për Spanjën në vitin 2013, dhe ishte pjesë e ekipit për Kupën e Botës 2018.
Nacho lindi në Madrid dhe u bashkua me sistemin e të rinjëve të Real Madridit në moshën 11 vjeç. Ai debutoi si profesionist në sezonin 2008–09, duke luajtur dy ndeshje me rezervat në Segunda División B dhe më pas zhvilloi dy sezone të plota në atë nivel; ishte gjatë kësaj kohe ku Nacho formoi një shoqëri të ngushtë me lojtarin e ardhshëm të kombëtares ruse Denis Cheryshev.
Më 23 prill 2011, Nacho bëri debutimin e tij me ekipin e parë dhe në La Liga duke luajtur si mbrojtës i majtë në një fitore 6–3 jashtë fushe ndaj Valencias; ai luajti 90 minuta të plota. Paraqitja e tij e dytë erdhi një javë më pas në humbjen 2–3 në shtëpi kundër Real Zaragozës.
Nacho ishte një nga lojtarët e ekipit të të rinjëve që u zgjodh për të luajtur në turin veror në Amerikën e Veriut, para fillimit të sezonin 2011–12. Ai luajti si zëvëndësues në tre ndeshje miqësore, respektivisht kundër LA Galaxy, C.D. Guadalajara dhe Philadelphia Union.
Më 2 shtator 2012, trajneri i ekipit të parë José Mourinho lajmëroi se Nacho, sëbashku me sulmuesin Álvaro Morata dhe portierin Jesús, do të bëheshin pjesë e ekipit të parë por do të vazhdonin të luanin me Castillan. Megjithatë, Nacho u bë anëtar me kohë të plotë në ekipin e parë vetëm në fillim të sezonit 2013–14, duke marrë fanellën me numër 18 që u vesh për herë të fundit nga Raúl Albiol.
Më 3 korrik 2014, Nacho firmosi një kontratë të re me klubin deri në vitin 2021. Ai shënoi golin e parë me ekipin më 10 janarin e vitit të ardhshëm, të tretin e fitores 3–0 në shtëpi kundër RCD Espanyol.
Dy minuta pasi zëvëndësoi Marcelon në një ndeshje të fazës së grupeve të UEFA Ligës së Kampioneve kundër Paris Saint-Germain më 3 nëntor 2015, Nacho shënoi golin e vetëm të takimit për të vuloz kualifikimin e ekipit të tij në 16 më të mirat e turnamentit; ky ishte goli i tij i parë në kompedicionet evropiane. Ai zhvilloi pesë paraqitje gjatë turnamentit, që u fitua për herë të 11të në histori nga klubi.
Më 11 shkurt 2017, Nacho zhvilloi paraqitjen e tij të 100të për Real Madridin në një fitore 3–1 jashtë fushe kundër Osasunës. Duke përfituar nga dëmtimet dhe pezullimet e shokëve të skuadrës, Nacho ishte lojtari më i shfrytëzuar në rolin e qëndër-mbrojtësit me klubin që fitoi kampionatin e parë kombëtar pas pesë vitesh; ai luajti katër ndeshje në Ligën e Kampioneve të atij sezon që pa sërisht Real Madridin fitimtar.
Nacho shënoi dopietën e parë në karrierë më 21 janar 2018 në fitoren tenistike 7–1 ndaj Deportivo de La Coruña. Gjatë Ligës së Kampioneve të atij sezoni, ai zhvilloi tetë paraqitje dhe shënoi një gol, me Madridin që doli triumfues për të tretën herë rresht; në ndeshjen vendimtare ndaj Liverpoolit, ai luajti si mbrojtës i djathtë pasi zëvëndësoi të dëmtuarin Dani Carvajal në pjesën e parë në një fitore 3–1 në Kiev.
Sezoni 2019–20 u karakterizua nga dëmtimet e shumta për Nachon, i cili luajti vetëm dhjetë ndeshje në të gjitha kompeticionet, përfshirë gjashtë në La Liga, e cila u fitua nga kryeqytetasit. Në korrik 2021, ai firmosi një kontratë të re dy-vjeçare.
Pasi luajti për Spanjën në nivelet nën-16, -17 -19 dhe -21, Nacho u thirr për herë të parë në ekipin e të rriturve më 2 shtator 2013 për një ndeshje miqësore me Zvicrën që do të luhej tetë ditë më vonë, në vënd të të dëmtuarit Iñigo Martínez. Ai debutoi duke zëvëndësuar shokun e tij te Real Madrid Sergio Ramos në fillim të pjesës së dytë të një barazimi 2–2 kundër Kilit në Gjenevë.
Nacho u emërua në skuadrën e Spanjës për Kupën e Botës 2018. Ai debutoi në Kupën e Botës në ndeshjen e parë të fazës së grupeve më 15 qershor kundër Portugalisë; ai e nisi ndeshjen si titullar në krahun e djathtë të mbrojtjes dhe shënoi me një gjuajtje me hark nga 30 metra në pjesën e dytë në një barazim 3–3.
Nacho është një lojtar i cili njihet për shkathtësinë e tij në çdo pozicion të mbrojtjes; Julen Lopetegui dhe Zinedine Zidane e kanë vendosur atë si mbrojtës qëndre, të djathtë dhe të majtë. Ai shihet si një i besueshëm në mbrojtje për shkak të aftësive që ka me topin dhe inkursioneve në bën në krahët e sulmit; ai është një lojtar i shpejtë, i zhdërvjellët, i cili dëmtohet rrallë dhe njihet për punën e tij, rezistencën dhe forcën në duelet ajërore edhe pse gjatësia që ka nuk është e përshtatshme për pozicionin që mbulon. Ai është një lojtar që ka vazhdimsi dhe kombinon mirë me shokun e skuadrës te Spanja dhe Real Madridi Ramos.
Përveç aftësive të tij mbrojtëse, Nacho është një pasues i saktë i topit si në rreze si në distancë të shkurtër ashtu edhe të gjatë, duke regjistuar një saktësi pasimi 92.2% gjatë sezonit 2017–18. Gjatë të njëjtit sezon, ai shënoi edhe katër gola nga goditjet e lira.
Vëllai i vogël i Nachos, Álex, është gjithashtu futbollist i cili luan si mesfushor. Ai, ashtu si Nacho, është produkt i akademisë së Real Madridit, dhe të dy debutuan me ekipin e parë në të njëjtën ndeshje.
Që kur u bashkua me akademinë e Real Madridit, Nacho ka arritur të shmangë dëmtimet madhore, duke ia faturuar suksesin regjimit të të ngrënit dhe përgatitjes. Ai ka dy fëmijë me gruan e tij María Cortés, vajzën Alejandra dhe djalin José Ignacio, i cili lindin mëngjesin pas triumfit të ekipit të tij në Ligën e Kampioneve në vitin 2016.
Në nëntor 2016, Nacho zbuloi se ai ka jetur me diabetin e tipit 1 që kur ka qënë 12 vjeç.
Klubi | Sezoni | Liga | Kupa | Kontinenti | Tjetër | Gjithsej | ||||||
---|---|---|---|---|---|---|---|---|---|---|---|---|
Divizioni | Ndsh | Gola | Ndsh | Gola | Ndsh | Gola | Ndsh | Gola | Ndsh | Gola | ||
Real Madrid | 2010–11 | La Liga | 2 | 0 | 0 | 0 | 0 | 0 | 0 | 0 | 2 | 0 |
2011–12 | 0 | 0 | 1 | 0 | 0 | 0 | 0 | 0 | 1 | 0 | ||
2012–13 | 9 | 0 | 3 | 0 | 1 | 0 | 0 | 0 | 13 | 0 | ||
2013–14 | 12 | 0 | 4 | 0 | 3 | 0 | 0 | 0 | 19 | 0 | ||
2014–15 | 14 | 1 | 2 | 0 | 6 | 0 | 0 | 0 | 22 | 1 | ||
2015–16 | 16 | 0 | 1 | 0 | 5 | 1 | — | 22 | 1 | |||
2016–17 | 28 | 2 | 5 | 1 | 4 | 0 | 2 | 0 | 39 | 3 | ||
2017–18 | 27 | 3 | 6 | 0 | 8 | 1 | 1 | 0 | 42 | 4 | ||
2018–19 | 14 | 0 | 5 | 0 | 5 | 0 | 0 | 0 | 24 | 0 | ||
Gjithsej | 122 | 6 | 27 | 1 | 32 | 2 | 3 | 0 | 184 | 9 | ||
Gjithsej karriera | 122 | 6 | 27 | 1 | 32 | 2 | 3 | 0 | 184 | 9 |
Ekipi kombëtar | Viti | Ndsh | Gola |
---|---|---|---|
Spanja | 2013 | 1 | 0 |
2015 | 1 | 0 | |
2016 | 5 | 0 | |
2017 | 7 | 0 | |
2018 | 8 | 1 | |
Gjithsej | 22 | 1 |
Rezultatet e Spanjës të listuara të parat, kolona "Goli" tregon rezultatin pas çdo goli të shënuar nga Nacho.
Nr. | Data | Vendi | Ndsh | Kundërshtari | Goli | Rezultati | Kompedicioni |
---|---|---|---|---|---|---|---|
1 | 15 qershor 2018 | Stadiumi Olimpik Fisht, Soçi, Rusi | 18 | Portugalia | 3–2 | 3–3 | 2018 FIFA Kupa e Botës |
Wiki Commons ka materiale multimediale në lidhje me: Nacho Fernández. |
This article uses material from the Wikipedia Shqip article Nacho Fernández, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.