Dr.
Mustafa ef. Ceriq (lindi më 5 shkurt 1952) është imam boshnjak i cili shërbeu si Kryemyfti i Bosnjës dhe Hercegovinës dhe është presidenti i Kongresit Botëror të Boshnjakëve. Ai ishte gjithashtu një kandidat për një anëtar boshnjak të Presidencës së Bosnjë dhe Hercegovinës në zgjedhjet e përgjithshme të vitit 2014. Mustafa Ceriq është njëri nga themeluesit e Akademisë Boshnjake së Shkencave dhe Arteve.
Mustafa Ceriq lind në vitin 1952 në Veliko Çajno, Visoko. Ceriq shkollën fillore e përfundoi në vendlindjen e tij, ndërsa medresen e Gazi Husrev Beut në Sarajevë në vitin 1972. U diplomua në Universitetin el-Ez'her në Kajro, në vitin 1978. Ai pastaj ka punuar si imam në Xhaminë e Bardhë në Graçanicë për vitin 1981. Me vendimin e pleqësisë është caktuar si imam në Qendrën Kulturore Islame në Çikago. Në Çikago, përfundoi studimet pasuniversitare në teologjinë islame në Departamentin e Gjuhëve dhe Civilizimeve të Lindjes së Afërme ku doktoroi te dijetari i mirënjohur mysliman Fazlur Rahman me tezën: A study of the Theology of Abu Mansur al-Maturidi (Studimi mbi mësinim teologjik të Ebu Mansur el-Maturidiut) në vitin 1986. Paralelisht krahas punës së imamit mësoi në Kolegjin Amerikan në Çikago.
This article uses material from the Wikipedia Shqip article Mustafa Ceriq, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.