Kfor

KFOR
Stema e KFOR-it në shkronja Latine dhe Cirilike
Aktive	1999 – sot
Shteti	31 Shtete
Pjesë e	NATO

Formimi i kësaj trupe nën komandën e NATO-s është thirrur nga OKB-ja më 10 qershor 1999 në rezolutën 1244 me qëllim të krijimit të një hapësire sigurie për kthimin e refugjatëve të luftës. Qendra komanduese e trupës gjendet në kryeqytetin e Kosovës.

Në fillim (1999) trupa përbëhej nga kontingjentet e 40 kombeve me një fuqi ushtarake prej 50,000 ushtarakëve. Që prej 30 nëntorit 2012 në përbërjen e kësaj trupe janë rreth 5,565 ushtarakë nga 31 kombe anëtare të OKB-së.

Sipas mandatit fillestar:

• të pengojë çdo armiqësi dhe kërcënim të krijuar ndaj Kosovës nga forcat Jugosllave dhe Serbe;
• të krijojë dhe të mbajë një ambjent të sigurtë në Kosovë, duke përfshirë sigurinë publike dhe rendin civil;
• të çarmatosë UÇK-në;
• të mbështesë misionet humanitare ndërkombëtare;
• të koordinohet dhe mbështesë popullsinë civile ndëkombëtare në Kosovë;

Detyrat e KFOR-it sot:

• ndihma me kthimin apo zhvendosjen e personave të zhvendosur dhe refugjatëve;
• rindërtim dhe çminim;
• asistencë mjekësore;
• siguria dhe rendi publik;
• siguria e minoriteteve;
• mbrojtja e pasurive kombëtare;
• siguria e kufirit;
• ndalimi i trafikimit të armëve në kufi;
• zbatimi i një programi për armët, armatimin dhe eksplozivët;
• shkatërrimi i armëve;
• mbështetje për themelimin e institucioneve civile, ligjit dhe rendit, sistemit gjyqësor dhe penal, procesit zgjedhor dhe aspekte të tjera të jetës politike, ekonomike dhe shoqërore të shtetit.

 

Trupa e KFOR-it komandohet nga komanda e përgjithshme në krye me një Gjeneral të shkalës së tretë (me tre yje) i cili vije nga radhët e kombeve prijëse të misionit dhe që kanë komandën në njërën nga pesë batalionet e stacionuara në Kosovë. Edhe pse kjo nuk është e kushtëzuar deri në fund vitin 2006 ka qenë kështu.

Deri në vitin 2006 postin e komandantit të përgjithshëm (COMKFOR) e kanë ndërruar 12 Gjeneralë. Duke filluar nga:

• Gjenerali Wesley Clark (SHBA)
• Gjeneral brigade Sir Mike Jackson (Britania e Madhe) (12 qershor 1999 - 8 tetor 1999)
• Gjeneral Dr. Klaus Reinhardt (Gjermania) (8 tetor 1999 - 18 prill 2000)
• Gjeneral brigade Juan Ortuño (Spanja) (19 prill 2000 - 16 tetor 2000)
• Gjeneral brigade Carlo Cabigiosu (Italia) (17 tetor 2000 - 6 prill 2001)
• Gjeneral brigade Thorstein Skiaker (Norvegjia) (7 prill 2001 - 3 tetor 2001)
• Gjeneral brigade Marcel M. Valentin (Franca) (4 tetor 2001 - 4 tetor 2002)
• Gjeneral brigade Fabio Mini (Italia) (5 tetor 2002 - 3 tetor 2003)
• Gjeneral brigade Holger Kammerhoff (Gjermania) (4 tetor 2003 - 31 gusht 2004)
• Gjeneral brigade Yves de Kermabon (Franca) (1 shtator 2004 - 31 gusht 2005)
• Gjeneral brigade Giuseppe Valotto (Italia) (1 shtator 2005 - 31 gusht 2006)
• Gjeneral brigade Roland Kather (Gjermania) (1 shtator 2006 - 31 gusht 2007)
• Gjeneral Xavier Bout de Marnhac (Franca) (1 shtator 2007 - 31 gusht 2008)
• Gjeneral Giuseppe Emilio Gay (Italia) (1 shtator 2008 - 7 shtator 2009)
• Gjeneral Markus J. Bentler (Gjermania) (8 shtator 2009 - 31 gusht 2010)
• Gjeneral Erhard Bühler (Gjermania) (1 shtator 2010 - 8 shtator 2011)
• Gjeneral Erhard Drews (Gjermania) (9 shtator 2011 - 7 shtator 2012)
• Gjeneral major Volker Halbauer (Gjermania) (8 shtator 2012 - në detyrë)

Struktura e Vjetër

 

Për qëllim të kryerjes së misionit, hapësira e sigurisë është e ndarë në të ashtë quajtura pesë sektorë të cilat komandohen nga pesë kombe të forcave ndërkombëtare (MNTF). Këto zona në terminologjinë e ushtarakëve ndahen sipas orientimit në hapësirë por përdoren edhe emërtime tjera. Kështu në sipas gjendjes më 15 maj 2006:

• Zona jugore: Gjermania, Turqia apo Austria MNTF S
• Zona perëndimore: Italia MNTF W
• Zona veriore: Franca MNTF N
• Zona qendror: Republika Çeke, Finlanda apo Suedia MNTF C
• Zona lindore: SHBA MNTF E

Po ashtu gjendet edhe një batalion rezervë nën komandën e COMKFOR-it, Batalioni Rezervë Taktike-Manovrues (KFOR Tactical Reserve Manoeuvre Battailon [KTM]). Për luftimin e kriminalitetit është Njësia Ndërkombëtare Speciale (KFOR MSU-Multinational Specialized Unit) e udhëhequr nga italianët dhe stacionuar në Prishtinë.

Struktura e Re

Në fazën e dytë të tranzicionit të KFOR dhe me ardhjen e EULEX u ndryshuan dhe strukturat duke filluar nga Tetori 2010.

• HQ MNBG East, ndodhet në Kampin Bondsteel.
• HQ MNBG West, ndodhet në Kampin Villagio Italia.
• JRD N, ndodhet në Kampin Novo Selo.
• JRD C, ndodhet në Kampin Film City.
• JRD S, ndodhet në Kampin e Prizrenit.
• JRD W, ndodhet në Kampin Villagio Italia.

• Eduardo Manuel - Flavio Garello - Darren G. Owens - Per Lodin - Vincenzo Santo - Jean-Jacques Bart - Philippe Sommaire - Giuseppe Valotto

• Medalja e Artë e Lirisë - Kosovë për Komandën e NATO/KFOR-it në Kosovë

• Ekipi Planifikues i BE-së për Kosovën
• UNMIK
• Republika e Kosovës (1990–2000)

• faqe zyrtare e KFOR-it